Педагогтің аты-жөні:

Күні:

Сыныбы: 7 «ә»

Қатысушылар саны: Қатыспағандар саны:

Сабақтың тақырыбы:

Әз-Наурыз - Ұлыстың ұлы күні

Қауіпсіздік сабағы:

Қиын кезеңдердегі достық: жанжалда досыңызға қалай қауіпсіз көмектесуге болады?

Сабақтың мақсаты:

• Оқушыларға 22-наурыздың маңызын түсіндіру, оның тарихы мен ерекшеліктерін таныстыру;

• Қазақ халқының ұлттық дәстүрлерін дәріптеу;

• Оқушыларға жанжал кезінде достарына қолдау көрсетудің қауіпсіз жолдарын үйрету;

• Жанжалдан шығудың дұрыс әдістерін талқылау.

Сабақ кезеңі/

Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

5 мин.

1. Оқушылармен амандасу. Сабаққа қатысуын түгендеу. Әнұранды айту

2. Жағымды психологиялық ахуал орнату: "Жылы сөздер" әдісі. Әр оқушы оң жағындағы досына бір жылы сөз немесе тілек айтады.

3. Сабақтың тақырыбы мен мақсаты таныстырылады.

Жаңа сабаққа кіріспе

3 мин.

Оқушыларға жалпы наурыз жайлы мәлімет беру. Сол мейрамға қатысты олардың білімдері мен ойларын сұрау.

Сұрақтарға жауап береді. Өзара әңгімелеседі.

Сабақтың ортасы

Мағынаны ашу.

10 мин.

1. 22-наурыздың тарихы

Наурыз мейрамы 5 мың жылдан бері тойланып келеді. Бұл күні адамдар ескі реніштерін ұмытып, татуласады, қонақ күтіп, ұлттық тағамдар әзірлейді.

Қазақстанда 1926 жылы Наурызды тойлауға тыйым салынған, ал 1988 жылы қайта жаңғырды.

2009 жылы Наурыз мемлекеттік мереке болып бекітілді.

«Наурыз дәстүрлері» жайлы әңгімелеседі.

22-наурызда қандай салт-дәстүрлер сақталған?

Оқушылар жауап береді

5 минут

«Дәстүрді тап» ойынын ойнайық.

Оқушылар дайын тұрған қағаздардан бір-бірден алады. Ол жерде жасырылып тұрған дәстүрді басқаларына сипаттап түсіндіреді.

10 минут

2 топқа бөлініп «Ұлттық мұраны дәріптейік» тақырыбында постер жасайсыздар.

1-топ: «Қазақ мәдениеті – ұлттық байлық» (ұлттық киім, музыка, өнер, тағамдар туралы).

2-топ: «Ұлттық дәстүрлердің маңызы» (жоғалмауы тиіс дәстүрлер туралы).

10 минутта топпен постер дайындап, қорғайды.

А4 қағазы, бояулар

2 минут

Әр қайсыларыңыз «Мен үшін Наурыз…» – не екенін бір сөйлеммен өз ойларыңызды білдіресіздер.

Өз ойларымен бөліседі.

Қауіпсіздік сабағы

10 минут

Сабақтың тақырыбын айтады. Оқушыларға сұрақ қояды:

1. Сіз немесе досыңыз жанжалға тап болған жағдайда не істер едіңіз?

2. Досыңызға көмектесу кезінде өз қауіпсіздігіңізді қалай қамтамасыз етуге болады?

Сұрақтарға жауап береді.

«Жанжалды қалай шешуге болады?» Жанжалдан шығудың қауіпсіз жолдарын қарастырайық:

✔ Сабыр сақтау. Досты сабырға шақыру, өзің де эмоцияға берілмеу.

✔ Қарсы тарапты тыңдау. Жанжалдың мәнін түсіну үшін екі жақты да тыңдау.

✔ Жанжалдан қашықтау. Егер жағдай ушығып бара жатса, жанжалды күшейтпеу үшін қауіпсіз жерге кету.

✔ Көмек шақыру. Егер жағдай қауіпті болса, үлкендерге немесе мұғалімге хабарлау.

✔ Бейбіт шешім табу. Досыңа ымыраға келу жолдарын ұсыну.

«Ойлан, тап!» ситуациялық тапсырмаларын талқылайық:

Жағдай 1: Сенің досың мен басқа бір бала аулада қатты сөзге келіп қалды. Екеуі де ашулы. Не істер едің?

Жағдай 2: Сыныпта екі бала дауыс көтеріп ұрысып жатыр. Бірі сенің досың. Сен араласуың керек пе? Егер иә, қалай көмектесесің?

Жағдаятты шешеді

Сабақты қорытындылайды:

Досыңа көмектесу – жақсы қасиет. Бірақ ең бастысы – өз қауіпсіздігіңді ұмытпау! Жанжал – ең жақсы шешім емес. Әңгімелесу, сабыр сақтау және бір-біріңді тыңдау – нағыз достықтың белгісі!

Сабақтың соңы

Рефлексия

Оқушылардың сабаққа байланысты ойларын білу мақсатында "Кері байланыс билеті" таратылады.

Сабаққа байланысты өз ойларын жазады.