Әз-Наурыз

Төгілген көктен береке,

Әз-Наурыз – ғажап мереке.

Жарқырап туды жаңа күн,

Жер төсін сипап жел ерке.

Қытықтап күннің шуағы,

Тіршілік күлкі қуады.

Кеңілде шаттық атқақтап,

Арманнан арман туады.

Сидиған ағаш бүрленіп,

Жер-Ана сұлу түрленіп.

Еп-ерте Наурыз оятқан,

Бәйшешек шықты гүлденіп.

Жана күн туды базарлы,

Жас-кәрі бәpi ажарлы,

Әжелер ұстап тұр, әне,

Көжеге толы қазанды.

Толтырып ұлттық тағамға,

Көшеге жайдық дастархан.

Тілегі түзу адамға

Дәм ұсыну – басты арман.

Aуыз ти, кел де аңқылдап,

Сатпайды қазақ көжесін,

Нұрланып жүзің жарқылдап,

Жыл басын - Наурыз сезесің!!!