Азаматтық жəне патриотизм

«Азаматтық және патриотизм»

М.Төлебаев атындағы орта мектебі мектебінің 2«А» сыныбында сынып жетекшісі Адаева Аида Қайырбекқызының жеткешілігімен және адам қоғам құқық пәнінің мұғалімі Г.Амандосованың, қазақ тілі пәнінің мұғалімдері О.Мамырайымова, М.Сағындықова, химия пәнінің мұғалімі З.Ойшынова және мектеп директорының тәрбие ісінің меңгерушісі А.Адаеваның қатысуымен «Азаматтық және патриотизм» атты тақырыпта Қазақстан Республикасының тәуелсіздігіне орай ашық тәрбие сағаты өтті.

Қазіргі таңда 2«А» сынып оқушылары жаңартылған бағдарлама бойынша оқытылуда. Осы бағдарламаның негізінде оқушылар тәрбие сағатын жаңа технологияны қолдана отырып өткізді. Сабақтың басты ерекшелігі жүргізушілер тәрбие сағатын видеотүсірілім арқылы жүргізді. Оқушыларға видоепроектор арқылы 16 желтоқсанның қаһармандары туралы мағлұмат берілді. Қысқаша Қазақстан Республикасының Тәуелсіздік жылдарындағы тарихына шолу жасалды.

Сабақтың мақсаты: Қазақстан Республикасының өскелен ұрпағына Тәуелсіздік күнінің мағынасын түсіндіру.

Сабақ барысында оқушылар Қазақстан Республикасының Тәуелсіздік алғаннан бергі әрбір атаулы даталарға хронологиялық түсініктеме берді. Желтоқсан қаһармандарының өмірімен таныстыру мақсатында қойылым қойылды. Сабақ би шашумен аяқталды.

Жалпы сабақ ҚР Президенті Н.Ә.Назарбаевтың «Болашаққа бағдар: рухани жаңғыру» атты еңбегін жалпы білім беретін оқу мекемелерінде білім алушылардың психологиялық және жас ерекшеліктерін ескеру, түлғаны оның рухани мәдениеті, танымдық қызығушылығы, әлеуметтік ақпаратты объективті қабылдауға мүмкіндік беретін сын тұрғысынан ойлау және әлеуметтік рөлдердегі практикалық қызмет көзқарас жағынан дамытуға назар аудару керектігіжайлы ұлкен мағлұмат берілу тұрғысында өтті.

Амандосова Гүлнұр Токтарбеккызы

Алматы облысы Сарқан ауданы М.Төлебаев атындағы орта мектебінің

тарих және адам қоғам құқық пәнінің мұғалімі