Әзілдер жинағы 2

Әзілдер

Мұғалім оқушыдан:
- Шыңғыс ханның алғашқы жеңіске жеткен жері қайда ?
- "Тарих" оқулығының 92-бетінде.

- Қыс болса да жаңбыр жауып тұр, - деген әжесінің сөзін 3 жасар Қайрат іліп әкетіп: 
- Аспандағы қар еріп, сонан соң ағып тұрған шығар, - деді.

Математика сабағы жүріп жатыр. Айдос ағай Мейрамгүлді тақтаға шақырды.
- Сенің колыңда 8 қалам бар. Оның төртеуін достарыңа бердің, өзіңде қанша қалам қалды? - деді.
- Мен оларға бергенше, үйдегі сіңілілеріме бергенім жақсы ғой, - деді Мейрамгүл.

Мұғалім:
- Қатты зат килограммен, сұйық зат литрмен өлшенеді. Ал арақашықтық немен өлшенеді? - деді.
- Сызғышпен деді оқушы.

Әдебиет сабағы. Оқушылар шығарма жазып отыр. Мұғалім:
- Асан, сен неге қайта-қайта Гүлсімнің дәптеріне үңілесің?
- Жазуын тани алмай жатырмын, апай!

Кімге бермекші

Үйіне жүгіріп кірген бала анасына:

- Анашым 100 теңге бересіз бе?-дейді.
- Оны қайтесің балам?
- Бір кәрі апаға берейін деп едім. 
- Өй жарайсың балам! Дұрыс, қайырымды болу керек! Ол кісі қай жерде?
- Мына көшенің бұрышында, балмұздақ сатып отыр.

Чемпион

Бір жас жігіт көл жағасына барып шомылмақ болады. Көлге түсер алдын киімдері ұрланбауы үшін қағазға «Бұл киімдер ауыр салмақтағы кәсіптік бокс чемпионының киімдері» деп жазып киімдерінің үстіне қойып кетеді. Біраз уақыт жүзіп қайтып келсе, киімдерінің ұрланғанын көреді. Киімдерінің орнындағы қағазда: «Бұл киімдерді ұрлаған адам жеңіл атлетика, яғни марафон жарысының чемпионы» деген мәтіндер жазылған болады. =)

Жоғалған кілт

Қожанасыр бір күні кілтін жоғалтып алады. Бақшада іздеп жүргенінде әйелі:

– Кілтті қай жерге түсіріп алған едіңіз?-деп сұрайды. Қожа:

– Қай жерге түсіргенімді білсем іздеп жүрер медім?- депті.)))

Оңай оқу

Көзілдірік тағу арқылы оқу оңай болады деп естіген бір кісі көзілдірік сататын жерге келеді. Сатушысының берген әр көзілдірікті тағып көріп: «Жоқ...», «Бұл да болмады...» деп, алдындағы газетке қарап басын шайқап тұрады. Шаршап шыдамы таусылған сатушы: «Сіз өзі әріп танитын бедіңіз, оқи аласыз ба?» дейді. Сонда әлгі кісі сатушыға таңдана қарап: «Оқи алатын болсам көзілдірікті қайтем» деген екен.