Әзілдер жинағы 3

Әзілдер

- Сен бәліш жедің бе?

- Жоқ, ол мен емес.

- Тағы жегің келе ме?

- Ия.

Мейрамханаға қоян, қасқыр және түлкі келеді. Даяшы қояннан сұрайды:

- Не тапсырыс бересіз?

- Сәбіз.

Қасқырдан:

- Менің қарным ашса, екеуі мұнда отырмас еді.

Мұғалім оқушыдан сұрайды:

- Адамның қай тісі соңында шығады:

- Жасанды тістер.

Баласы әкесінен сұрайды:

- Әке, неге сіздің көлігіңіз жоқ?

- Балам, көлікке ақшам жоқ. Міне, сен ерінбе, жақсы оқы.Сонда жақсы маман боласын, өзіңе көлік сатып аласың.

- Әке, ал неге сіз мектепте еріндіңіз?

Ағасы тоқаш жеп отыр.Қасына інісі келіп:

- Аға, тоқашыңнан бір тістейінші?

- Бұл тоқаш емес... бұл самса!

- Самсаңнан бір тістетші.

- Бұл самса емес... бұл бәліш!

- Бәлішіңнен бір тістетші.

- Мазамды алмашы, сен не жегің келіп тұрғанын өзін білмейсің!

Екі қасқыр отыр. Сұр қасқыр қарасына айтады: 
- Мен жазуды үйрендім! 
Қара қасқыр айтады: 
- Сөйтіп, не жаздың?
Сұр қасқыр біраз ойланып, былай дейді: 
- Білмеймін. Оқуды әлі үйренген жоқпын!

Сатушы кішкентай Айдардан сұрайды:
- Балақай, сені 3 килограмм конфет пен 200 грамм картоп сатып әкелу үшін жібергенге сенімдісің бе?

- Әже, әр жамандыққа жақсылықпен жауап беру керек деген, рас па? – деп, немересі сұрайды.

- Рас, балам, рас.

- Онда маған 50 теңге беріңізші, мен сіздің көзәйнегіңізді сындырдым.

Баласы сұрайды:

- Апа, түтікте қанша тіс пастасы бар?

- Білмеймін.

- Ал мен білемін: диваннан есікке дейін!

Әжесі немересін оятып:

- Балам, ерте тұрсаң ырысың артар.

Немересі оянбайды.

- Құлыным, мысалы, көшеге шықсаң толы әмиян тауып аласың.

- Оданда ерте тұрған адам сол әмиянды жоғалтты ғой, әже.