Бағалауға арналған тапсырмаларды әзірлеудің маңызы

Арыстанова Айсулу Ауелбековна

тарих пәнінің мұғалімі

Ы.Алтынсарин атындағы орта мектебі

Жуалы ауданы

Жамбыл облысы

a.arystanova@list.ru

«Бағалауға арналған тапсырмаларды әзірлеу және сараптау»

курсының маңызы

Бағалау саясаты оқу үрдісінің бөлінбес бір бөлігі болып табылады. Ал бағалау дұрыс болу үшін бағалауға арналған тапсырма сапалы болу керек. Осы мәселенің өзектілігіне қарай мұғалімдердің бағалау тапсырмаларын әзірлеу мен сараптама жасау саласында педагогтердің кәсіби шеберлігін арттыру мақсатында ұйымдастырылған «Бағалау тапсырмаларын әзірлеу және сараптау» атты курста білім алдым.

Көптеген жылдар бойы оқушы жетістігі басқа оқушы жетістігімен салыстырмалы түрде бағаланып келді. Критериалды бағалау жүйесінде ағымдағы бағалау тапсырмаларының бөлім бойынша қамтылған оқу мақсатындағы нақты бір дағдыны тексеру үшін, қорытынды бағалау тапсырмаларының тоқсан соңында белгіленген оқу мақсаттарына сәйкес жүргізілетінін түсіндім.

Мұғалім өзінің әрбір әзірлеген тапсырмасын сараптау кезінде «Менің әзірлеген тапсырмам белгіленген бағалау критеийлері арқылы оқушылардың оқудағы жетістіктерін анықтай ала ма?» -деген сұрақ төңірегінде ойланады. Себебі, мұғалімнің тапсырмасынан күтілетін нәтиже оқу мақсатының орындалуының өлшемі болып табылады. Сонымен қатар, оқу мақсаттарына сай ойлау дағдыларының деңгейі туралы ойлану да маңызды. Білу мен түсіну деңгейінен жоғары ойлау дағдыларына жету үшін тапсырманың күрделілік деңгейі ескерілуі тиіс. Оқу мақсаттарын Блум таксономиясы бойынша жіктеуде бағалау критерийлерін құруда зат есім мен етістіктерді дұрыс қолданудың маңызды екенін түсіндім. Тапсырмалардың қысқа және толық жауапты қажет ететініне қарай тапсырмалардың түрлерін тұжырымның шындық/жлған екенін, сәйкестендіру және салыстыру, көп таңдау бар тапсырмаларына қарай жіктеуді тәжірибе жүзінде жасай отырып меңгердім. Көп таңдауы бар тапсырмаларды әзірлеуде кілт пен дистракторларының дұрыс құрылуына мән беру керек екенін түсіндім. Бағалауға арналған тапсырмаларды әзірлеу оңай еместігіне тренер берген тапсырмаларды орындау мақсатында көз жеткіздім. Әсіресе қалыптастырушы бағалау, бөлім бойынша жиынтық баңалаудан кейін нәтижелерді талдау оқу мақсатына жетуге апаратын жол екенін білдім.

Көптен бері нақты түсінбей жүрген модерацияны қалай жүргізу керектігін білгеніме қуандам.Осы курс барысында критериалды бағалау қандай қағидаттарға негізделгенін, бағалауға арналған тапсырмаларды әзірлеуде қандай құжаттарға сүйену керектігін,дескрипторды құрастыру кезінде нені ескері керектігін үйрендім. Осы үйренгендерімді әріптестеріммен бөлісемін.