"Бағдаршам біздің досымыз"

Тақырыбы: «Бағдаршам біздің досымыз»

Мақсаты:Балалардың жолда жүру ережесін меңгерту дағдысын қалыптастыру. Іс жүзінде жол ережесін сақтауға үйрету. Бағдаршамның атқаратын қызметімен таныстыру. Көше жағдайындағы кеңістікті бағдарлай білу дағдыларын, зейіндерін дамыту. Жолда жүру ережелерін меңгерту. Балаларды жолда жүру ережесіне сәйкес бағдаршамның атқаратын қызметімен таныстыру.Балаларды жолда жүру ережесін мұқият cақтауға, жауапкершілік сезімдерін дамыту.Баланы зейінді, епті болуға тәрбиелеу.

Балалар музыка ырғағымен залға көңілді кіріп,шаттық шеңберін құрып амандасады.

Сәлеметсіңдер ме балалар!

Көңіл күйлерің қалай?Тамаша

Балалар6осы тамаша көңіл күймен «Бағдаршам біздің досымыз» атты іс шарамызды бастаймыз.

Балалар жолда жүру ережесін,көше тәртібін білесіңдер ме?

Бағдаршамның неше көзі бар?

Көліктер нешеге бөлінеді?

Жол ережесін көшеде кім реттеп тұрады?

Бағдаршам көңілсіз кіріп келеді.Сәлеметсіңдер ме балалар.

Менің атым- бағдаршам

Маған назар аударсаң

Жолдан өтіп жүрерсің

Аман-есен әрқашан.

Балалар менің үш түсті көзімді бұзақы балалар сындырып кетті.Маған қалпына келтіріп қоюға көмектесесіңдер ме? Ия

Балалар бағдаршамға көмектесу үшін,тапсырмаларды дұрыс орындап,қалпына келтіруге келтіруге болады екен,келісесіңдер ме?

Бағдаршамның көңілін көтеріп,жұмбақтар шешіп,тақпағымызды айтып берейік.

Жұмбақтар шешу

1.Көше бойлап аяңдайды

Адам тасып аялайды. (Автобус)

2.Жоқ өзінде баста,ауыз да,құлақ та

Бақырайған үш көзі бар,бірақ та (Бағдаршам)

3.Ала таяқ ұстаған,жол тәртібін нұсқаған

Өміріңді ізетпен,ысқырығы күзеткен (Жол сақшысы)

4.Арқаным тым ұзын,

Ала алмайсың бір үзім (Жол)

Тақпақтар Айсұлу:Қызыл көзін ашқанда

Сынық сүйем баспа алға

Сары көзін ашқанда

Қарап қалма аспанға

Жасыл көзін ашқанда

Жүре бергің жасқанба.

Мадияр:Көреген дәу қырағы

Көшемізде тұрады

Оның аты бағдаршам

Жол сілтейді әрқашан

Ол бергенде команда

Бағынамыз әр қашан.

Жарайсыңдар ,балалар.Бүгінгі «Бағдаршам біздің досымыз»атты іс шарамызды Квест ойыны арқылы бастағым келіп тұр,Квес-ағылшын тілінен аударғанда іздеу,табу дегенді білдіреді.Мен сендерге жұмбақ жасырайын,шешуін тапсаңдар,сол жерде хат,тапсырма болады.

Қарап тұрсаң өзіне

Сурет түсер көзіңе

Ол суретің ұқсайды

Дәл қазіргі кезіңе (Айна)

1 тапсырма «Ауада,жерде,суда»ойыны

Балалар көліктер нешеге бөлінеді екен?Сендерге көліктерді ажыратып қой дейді.

Тапсырмаларды дұрыс орындасақ, бағдаршамның көздерін ретімен қоямыз.

Диар балақай самокатпен жол тәртібін бұзып,кіріп келеді.

Сен кімсің балақай,жол тәртібін бұзуға болмайтынын білесің бе?

Мен,мен бе,менің атым Диар

Маған бәрібір,мен ештемеден қорықпаймын,мен көшеде ойнағанды ұнатамын.

Егер де сен жол ортасында ойын ойнайтын болсаң,көліктер қағып кетеді,көше тәртібі бұзылып,көліктер соқтығысады,адамдар зардап шегеді.Олай болмайды,кел біздің балалар саған жолда жүру тәртібін үйретеді.Балалар айналамызда қандай жол белгілерін көріп тұрсыңдар.Бағдаршам түстерді көрсетіп отырады,ал біз абайлап жол ережесін сақтап жүрейік.Жарайсыңдар,бәрін дұрыс жасадыңдар.

Балалар,бағдаршамның қалған көздерін тауып жапсырайық.

Кіруге адам батпайды

Затыңды аман сақтайды.(Сандық)

2 тапсырма.1 топ «Көліктер мен сандарды ретімен қой»

2 топ «Жол белгілерін құрастыр»

Жарайсыңдар,балалар!көңілімізді көтеріп,бір ергіп алайық.

Сергіту сәті «Бағдаршам»

Ағайынды төрт батыр

Көтергені бір шатыр (Үстел)

3 тапсырма Қимылды ойын:«Өз түсіңді тап»

Шарты:балалар көңілді әуенмен шашыраңқы би билейді,әуен тоқтағанда өз түстеріне байланысты,құрсау ішіне тұру қажет.

Балалар тапсырмаларды дұрыс орындадыңдар,бағдаршамның үш түсті көзін тауып бердіңдер.Олай болса,шығармашылық жұмыс жасауға шақырамын.

1 топ топтасып,ұжыммен, «бағдаршамды түрлі түсті қағаздармен әсемдеу»

2 топ «Көлік түрлерінің жамауларын,түстеріне қарай,жұмсақ мақталы таяқшамен бояу»

Балалар біз кімдерге көмектестік?

Қандай тапсырмаларды орындадық?

Балалар,жол тәртібін сақтап,аман есен жүрейік!

Бүгінгі іс шараға өте тамаша қатыстыңдар,жарайсыңдар!Келген қонақтармен қоштасып шығайық.Шеңберді біз құрайық

Қол ұстасып тұрайық

Көріскенше күн жақсы

Сау саламат болайық.