Бағдаршам және оның атқаратын қызметі

Сабақтың тақырыбы: Бағдаршам

Мақсаты: 1. Балалардың көшеде жүру ережелерін меңгеру дағдысын

қалыптастыру және оны іс жүзінде пайдалана білуін жетілдіру.

2. Балаларды сақтыққа, көше тәртібін әрдайым сақтауға, қиын

жағдайларда дұрыс шешім таба білуге тәрбиелеу.

3. Балалардың ой- өрістерін, жан- жақты білімдерін дамыту.

Көрнекілігі: үй макеті, бағдаршам, жол белгілері.

Әдісі: сұрақ – жауап, топпен жұмыс, ойын, балалар шығармашылығы

Сабақтың барысы

І. Ұйымдастыру кезеңі: сабаққа дайындық

ІІ. Қызығушылығын ояту:

Сұрақ – жауап.

• Балалар көшеде жүру ережесін білу бізге не үшін керек?

• Бағдаршам туралы не білесіңдер?

Тәрбиеші: Біздің елімізде әр түрлі көліктер жылдан – жылға көбейіп келеді. Жаяу адамдар мен көшедегі жолаушылар саны да көбейе түсуде. Көшелер мен жолдардағы жағдай барған сайын күрделеніп келеді. Сондықтанда жүргізушілер мен жаяу адамдар көшелер мен жолдарда ерекше тәртіпті және мұқият болуы қажет.

1 сайыс: «Кім шапшаң?»

Суретті тапсырмаларына жауап береді. Ойынның мақсаты: жол белгілерін еске түсіру.

1. Жаяу жүргіншілер қандай жерлерден жүреді?

2. Жол бойына балалардың ойнауына қатаң тыйым салынған себебі неліктен?

3. Жолды неге тек жол өткелінен қиып өтуге тиіспіз?

2 сайыс :«Үйренейік , білейік»

Әр топқа түрлі суреттер таратылып беріледі. Олардың өздері білетін жол белгілерін таңдап алады. Оның қандай белгі екендігін айту.

3 сайыс: «Кім тапқыр?» Ал енді , балалар , қазір жұмбақ шешіп көрейік.

1. Арқаным бар тым ұзын,

Ала алмайсың бір үзім.

Ақылға салып ойланып,

Тапшы мұны, пысығым. (жол)

2. Сөйлеуді ол білмейді,

Бірақ «Тоқта», «жүр» дейді. (бағдаршам)

3.Төрт аяғы дөңгелек,

Адамсыз ол жүрмейді. (машина)

4. Өзі тым күшті,

Аяғы тісті,

Лезде тындырар

Қыруар істі. ( трактор)

5.Көше бойлап аяңдайды,

Адам тосып аялдайды. (автобус)

6. Үзеңгісін тептім,

Зымырап кеттім. (велосипед)

4 сайыс: «Кім жылдам?»

(Құрастырғышпен көліктің бір түрін құрастырып жасау. )

Шығармашылық жұмыс : Бағдаршам жасау

Тәрбиеші: 1 Жүріп келе жатқан көліктің алдынан өтіп кетемін деп ойлама. Ол тоқтағанша не өтіп кеткенше тоса тұр.

2 Аялдамада тұрған автомобиль, автобус, троллейбустың арт жағынан айналып өт. Сонда сен оның соңында келе жатқан машинаны көре аласың.

3-оқушы: Көшеден өтерде әуелі сол жағыңа, көшенің орта тұсына жеткенде оң жағыңа көз сал.

Бейне ролик :Жол белгілері

Қорытынды: Жол жүрудің тәртібін,

Ережесін білеміз.

Сақтанғанда қатерден,

Сау – саламат жүреміз.

Хормен балалар: Жол тәртібін білейік!

Аман – есен жүрейік!