«БАЛА – БІЗДІҢ БОЛАШАҒЫМЫЗ»

Қостанай облысы әкімдігі білім басқармасының

«Жангелдин ауданы білім бөлімінің Тәуіп бастауыш мектебі» КММ

Тәрбиешісі Қойшина Толғанай Жұмабекқызы

Мектеп жасына дейінгі балаларды дамыту мәселесі ұлттық даму стратегиясымен тығыз байланысты мемлекеттік саясаттың ажырамас бөлігі болып отыр. Олардың тәрбиеленуінде үлкен жауапкершілік талап етіледі.

Бала – біздің болашағымыз. Оның бойына мектепке дейінгі тәрбие мен оқыту баланың ғана емес, елінің де жарқын болашағын қалыптастырады. Ол – үздіксіз білім берудің алғашқы деңгейі. Ал тәрбие мен ахлақ баспалдақтарының алғашқы қадамы, ұлттықтың ұлы ізі, рухани дамудың сарқылмас анағұрлым, ұлтымыздың кең кейіпіндегі басты құндылығы болып саналады.

Өйткені жаңа заман баласы – бүгінгі қазақ қоғамының кілтін ұстайтын тұлға.

Жаңа кезеңдегі білім берудің өзекті мәселесі – жас ұрпаққа ұлттық тәрбие беру. Құнды қасиеттерге ие болу, рухани адам қалыптастыру жолында ұлттық тәрбиені басты негізге алуымыз қажет.

Халқымыз «Ағаш түзу өсу үшін, оны көшет кезінде баптау керек» дейді. Сол сияқты баланың бойына ізгілік, мейірімділік, қайырымдылық, елін-жерін сүю секілді құндылықтарды жас кезінен бастап сіңіру қажет.

Бір қарағанда ол қарапайым көрінгенмен, болашақта балаларға берілетін сапалы білімнің алғышарттарын қалыптастырады. Ұлт болып ұйысып, ел болып еңсемізді көтеріп, өркениетке ұмтылған кезеңде ұрпаққа берген тәрбиеміз ұлттық рухта болуы тиіс.

Бүгінгі таңда мектепке дейінгі ұйымдарда бала тәрбиесіне ерекше көңіл бөлініп, түрлі бағыттағы жұмыстар жүргізілуде. Олар адамгершілік қасиеттерді қалыптастыруда тиімді құрал ретінде қызмет етеді.

Жеке тұлғаны дамытуда – бұл жұмыстар мен ой-сана, іс-әрекеттің үйлесімділік деңгейін анықтайды.