400 000+ дайын материалды шексіз жүктеңіз

ҚМЖ, БЖБ, ТЖБ, презентациялар, көрнекіліктер және авторлық материалдар - 690 тг-ден бастап

Тақырып бойынша 31 материал табылды

Бала Абай. Әдебиеттік оқу

Бастауыш сынып Ашық сабақ 3 сынып

Материал туралы қысқаша түсінік

Бұл сабақ жоспарында жаңа әдіс - тәсілдер көрсетілген

Материалдың қысқаша нұсқасы

Пән: Әдебиеттік оқу

Бөлім: Атақты тұлғалар

Күні:

Сынып: 3

Мектеп: 14

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Қазақтың бас ақыны

М.Әуезов «Бала Абай»

Оқу мақсаттары

3.2.2.1 шығарма мазмұны бойынша қолдануға (практикалық), бағалауға және шығармашылыққа негізделген сұрақтар қою және жауап беру;

3.1.4.2 сөйлеу барысында иллюстрациялар/көрнекіліктер/ фото / суреттер қолдану.

Сабақ мақсаттары

Барлық: мәтінді түсініп оқиды, мазмұнын түсінеді.

Көптеген оқушылар: мәтін мазмұны бойынша ашық сұрақтар құрастырады, мәтін мазмұнын айтуда сурет нұсқасын қолданады;

Кейбір оқушылар: бағалауға, шығармашылыққа негізделген сұрақтар қояды және жауап береді, мәтінге сүйеніп диалог құрастырады.

Бағалау критерийлері

мәтін мазмұнын айта алады;
мәтінді қатесіз,түсініп оқиды;
мәтінге сүйеніп диалог құрастырады;
мәтін бойынша сұрақтар қояды;
мәтін бойынша қойылған сұрақтарға жауап береді.
суреттерді қолданып, мазмұндайды;

Тірек сөздер

Оқушылар:

Мәтін мазмұнына сәйкес сұрақтар қояды, жауап береді. Мәтінге сүйеніп диалог құрастырады.

Пәнге қатысты лексика мен терминология:

Бала Абай, Ынтыға тыңдайтын, әңгімешіл екен, сыртқаттанып қалып.

Диалог құруға /жазылымға қажетті сөздер топтамасы:

Абай ертегі, аңыз, әңгіме, қиссаларды тыңдап өсті, себебі ...

Құндылықтарды дарыту

Бұл сабақ академиялық өмір бойы білім алуға ынталандырады, еңбек пен шығармашылық және топта жұмыс істеу, жауапкершілік және көшбасшылық құндылықтарын дамытуға бағыталған. Адамгершілікті, ана мен бала арасындағы ізгілікті, отбасылық құндылықтарды насихаттау.

Пәнаралық байланыстар

Абай туралы білетіндерін айту барысында өз ойларын жүйелі жеткізеді, сөйлемдегі сөздердің байланысын, диалог құрастыруда сөйлемнің тыныс белгілерін интонация арқылы беруде қазақ тілі пәнімен байланыс жасалады. Ақынның әндерін еске түсіріп, тыңдауда музыка пәнімен байланыс орнайды. Туған жерін картадан көрсетуде дүниетану пәнімен байланыс жасалады..

АКТ қолдану дағдылары

Интербелсенді тақта

Алдыңғы білімді игерулері

Оқушылар атақты тұлғалар туралы біледі. Бар білімді белсенді ету оқушылар суреттерді пайдаланып, оларды салыстыратын топтық жұмыс арқылы жүзеге асырылады. Мәтінге сүйеніп диалог құрастыра алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

0-3 минут

Ширату тапсырмасы.

Оқушылар өздері тыңдаған геометриялық фигураларға байланысты 3 топқа бірігеді. Фигуралардың келесі бетінде топтың аты жазылады.

І топ. Білімділер

ІІ топ. Дарындылар

ІІІ топ. Еңбексүйгіштер

«Желсіз түнде жарық ай» әнін тыңдайды, жетелеуші сұрақтарға жауап береді.

Әнді кім жазған?

Ән қалай аталады?

Қандай өлеңдерің білесіңдер? Сұрақтары бойынша оқушылар өз ойларымен бөліседі.

Сабақ тақырыбы және оқу мақсаттарымен таныстыру

Оқушылармен бағалау критерийін құрастыру немесе таныстыру

Геометриялық фигуралар және суреттері, интербелсенді тақта. Қосымша 1,2

Слайд 1,2,3

https://www.youtube.com/watch?v=K794qtyL3-Y

Сабақтың ортасы

4-12 минут

13-24 минут

25-29 минут

30-37 минут

1-тапсырма

(МК, Ө) «Пирамидалық талқылау» стратегиясы бойынша қағазға берілген үлгіні түсініп оқып, жауап жазады. (Абай туралы мәлімет жинап келу алдын ала тапсырылады)

Үлгі: Қазақтың бас ақыны- Абай (шын аты - Ибраһим) Құнанбаев. Одан асқан біз білетін ақын болған жоқ.

Сөздің шырайлы, ажарлы болуына ойдың шеберлігі керек.

Ұнамды, орынды болуына шыншылдық керек.

Мағыналы, маңызды болуына білім керек.

Абайда осы үшеуі де болған.

Бұрыннан білемін

Жаңа мәлімет

Зере – Абайдың әжесі. Ұлжан – анасы. Құнанбай – әкесі. Өлеңдері әртүрлі тақырыпқа арналған. 45 қара сөзі бар.

Абай Құнанбайұлы мен Жамбыл Жабаев – замандас ақындар.

Жиырма жеті әнінің отыз алты нұсқасы нотаға түсірілген.

Ол - музыкант

Автор жайлы мәлімет:

(МК, ЖЖ) «Пікірлер ағашы» стратегиясымен Мұхтар Әуезов туралы не білетінін ағашқа жазады. (алдын ала берілген тапсырма)

1.Ол кім?

2.Қайда туған?

3.Қандай қызмет атқарған?

4.Қандай шығармаларын білесің?

Қосымша: Мұхтар Әуезов - қазақтың ұлы жазушысы, қоғам қайраткері, ғұлама ғалым. Қазіргі Шығыс Қазақстан облысындай Абай ауданында дүниеге келген. Әкесі Омархан, атасы Әуез сауатты кісілер болған. Мұхтар атасының қолында өскен Ол алты жасында Абайдың өлеңдерін ауылдастарына жатқа оқып береді екен. «Абай жолы», «Қорғансыздың күні», «Көксерек» т.б. шығармалары бар.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

(Б) «Күн- белсенді, бұлт - толықтыру қажет, жауын- көмек керек» суреттері арқылы топты бағалау.

2 - тапсырма

(Ө, Т, МК) «Шеңбердегі әңгіме» әдісіне сүйеніп мәтінді түсініп оқиды. Мәтін бойынша сұрақ қояды және жауап береді. Суретке зер салып әжесі мен Абайдың арасында диалог құрастырады.

Үлгі:

-Әже менің шын есімім Ибраһим. Сіздің де шын есіміңіз бар ма?

-Ия, Тоқбала. Мен жастайымнан зерек, мейірімді болған соң Зере деп атап кеткен.

-Мына әңгіме, ертегінің бәрін қайдан білесіз?

- Өмірде естіп өскен едім. т.б.

(ҚБ) дескриптор бойынша бағалау.

мәтін мазмұнын айта алады;
мәтінді қатесіз,түсініп оқиды;
мәтінге сүйеніп диалог құрастырады;
мәтін бойынша сұрақтар қояды;
мәтін бойынша қойылған сұрақтарға жауап береді.

3-тапсырма

(ЖЖ, ОТ) «Еркін сұрақтар» стратегиясы арқылы мәтін мазмұнына сәйкес сұрақтар қояды және жауап береді.

Үлгі:

-Мәтінде кімдер туралы айтылған?

-Бала Абай нені ерекше жақсы көрді?

-Әжесі мен Абай арасында қандай оқиға болды?

-Саған мәтіннің қай тұсы ұнады? Неліктен?

-Әжесінің аты кім? Шешесінің аты кім?

-Бұл әңгімені жазған кім?

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Оқушылар бірге жұмыс жасап, ақпаратты іздеуге немесе өз идеяларын айтуға үйренеді. Мәтін құрастыруда кейбір топтарға мұғалім қолдау көрсетеді.

(Б) оқушылар бірін – бірі бағдаршам арқылы бағалайды.

4 - тапсырма

(МК, Ө) «Идеяны толықтыру» стратегиясы бойынша Абайдың аналарының аттарын тауып дәптерге жазады.

Үлгі: Әжесінің аты- Зере (шын есімі Тоқбала)

Шешесінің аты- Ұлжан

(ОТ, МК, Ұ)«Ой шақыру» стратегиясы арқылы сөзжұмбақты шешеді.

1. Мәтін қалай аталады? Бала…….

2.... Абайдың жасы он үшке толған еді.

3. Абайдың әжесі әңгімесін неден бастап еді?

4. Абай неден көп шықпайтын болды?

5. Абайға әңгімені кім көп айтушы еді?

6. Биыл әсіресе Абайдың…… өскен

7. Абайдың шешесінің есімі кім?

8. Абай әжесінің әңгімесін қалай тыңдайтын?

Мәтін бойынша берілген сұрақтарға жауап беріп, сөзжұмбақты шешеді.

Саралау. Тапсырма бойынша жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Қабілеті төмен оқушы мен қабілеті жоғары оқушылар жұптасады.Оқушылар бір–бірімен ой бөліседі, идеяларын ортаға салады.

(Б) «Отшашу» әдісі арқылы бағалау

Оқулықтың 48-бетіндегі сөзжұмбақ жазылған парақша, интербелсенді тақта,

Слайд 4

Дереккөзі: https://www.zharar.com/xfsearch/% © www.ZHARAR.com

Слайд 5

Слайд 6

Материалды Word форматында жүктеп аласыз

Тарифке кіреді

2 ұстаз жүктеп алған

26.03.2019

3345

Бұл материалды қолданушы жариялаған. UstazTilegi материалдың мазмұны мен авторлық құқықтарына жауап бермейді. Авторлық құқық бұзылған жағдайда шағым қалдыра аласыз

"Ұстаз" платформасында тіркелген пәндік олимпиадалар

Аттестацияға жарамды екенін көру үшін "Ұстаз" платформасында "Жарыстар, олимпиадалар тізімінен "Ustaz tilegi" деп іздесеңіз шығады

Ұстаздарға арналған олимпиадалар

Оқушыларға арналған олимпиадалар

Тәрбиешілерге арналған олимпиадалар

Қазақстандағы ең үлкен материалдар базасынан іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде керек материалды іздеп, жүктеп алып сабағыңызға қолдана аласыз

Осы тақырыпта
көрнекілік керек па?

10 000 астам көрнекіліктерді жинап қойдық.

Көрнекілік бөліміне өтіп тақырыбын жазып жүктеп алыңыз!