"Бала дауысы"

1 Кіріспе сөз.

Бүгін біздің мектепте дүбірлі той,

Ден қойып тыңдаңыздар көңілді қой.

Жырдан шашу шашылсын, ән төгілсін,

Қош келіпсіз көрермен сергісін бой.

-Құрметті ата-аналар, ұстаздар және оқушылар!

Бүгін мектебімізде үлкен мереке өткелі отыр.Ол барлықтарыңызға таныс «Бала дауысы-2017» ән байқауы.

Мақсаты: 1-5 сынып оқушылары арасынан өнерлі деген оқушылардың өнерін тамашалап көпшілікке таныту, талантты балдардың талантын шыңдап, қанат бітіріп, үлкен өнерге жол ашатын байқаудың бірі болады деп ойлаймыз.

-Бүгін сахнаға алғаш рет шығатын оқушыларымыз да бар, оларға сәттілік тілейміз!

Байқауымыздың жүргізушілерімен таныс болыңыздар:

4 сынып оқушылары Әбдіқадыр Әсел мен Уалиханов Бақберген.

ІІ. Концерттік бағдарлам

1 жүргізуші.

Алдымызда ұзақт жол

Ізденуден талмағай

Қиындыққа мойымай

Өнер жолын жалғағай!

2 жүргізуші.

Ал,оқушы ұстаздар

Ортаға назар салайық.

Сайыскерлер шықпақ ортаға

Қол соғып қарсы алайық!

- Канеки,бәріміз ду қол шапалақпен өнерпаздарымызды ортаға шақырамыз!

1 жүргізуші:

Ал,халайық тұрмайық,

Ортамызды ашайық.

Думандатып би билеп,

Байқауды енді бастайық!

1 жүргізуші

Әділқазы алқасына бір сәлем!

Әділдікке бас иеді күллі әлем.

Жүйрік озар сайыстарда неше бір,

Сарапқа сал,әділдікпен шеше біл!.

2 жүргізуші

-Расында да әділқазылар –әділ жандар,ендеше таныс болыңыздар:

1. Сапенова Хадиша мектебіміздің бастауыш сынып мұғалімі.

2.Байтілеуова Тіллә мектебіміздің бастауыш сынып мұғалімі

3.Ақылбекова Гүлнар мектебіміздің бастауыш сынып мұғалімі

1 жүргізуші

- Сонымен байқауымызды бастаймыз. Ортаға 1 «в» сынып оқушылары Шернияздан Мөлдір мен Абдунасыр Шахмарданды шақырамыз!

-Мөлдір, сен Шахмардан екеуің ән байқауын бірінші бастағалы отырсындар, жүрексініп,толқып тұрған жоқсындар ма? Бұрын сахнаға шығып ән айтып көрдіңдер ме? Сонымен Мөлдір мен Шахмарданның орындауында «Туған жер» әнін қабыл алыңыздар!

2 жүргізуші.

-Келесі орындаушымыз 1 «в» сынып оқушысы Мустафакул Жансұлу

-Жансұлу, сен бізге қандай ән орындап бересің?

-Менің орындайтын әнім «Анашым» әні

1 жүрнгізуші.

-Әсел ,сен білесің бе, қазір сахнаға кім шығатынын?

-Жоқ, әрине.

-Ендеше тыңда өзі де әдемі,тіпті орындайтын әнінің аты да «Әдемі» .Ортаға «Әдемі»әнімен 2 «а»сынып оқушысы Өтегенова Маликаны шақырамыз.

2 жүргізуші

-Ортаға 2 «ә»сынып оқушысы Раджабаев Ағабекті «Жүрегім қазақ» әнімен шақырамыз.

1 жүргізуші:

Асқақтасын әніміз,

Шарықтасын сәніміз

Кел, шырқайық, кәнеки,

Қосылайық бәріміз

«Ана әке»әнін орындайтын 2 «б»сынып оқушысы Амиров Мейірбек

2 жүргізуші:

-Енді ортаға 3 «б» сынып оқушысы Султан Диязды шақырамыз.

-Дияз бізге қандай ән орындап берер екен?

- «Жаяу» әнін орындаймын.

-Жарайсың, оқушылар Диязға қол соғып қошемет көрсетейік.

1 жүргізуші:

-Ендігі ән айту езегі 3 «а» сынып оқушысы Абильда Рамазан. Рамазанның орындауында «Ауылым»әні.

2 жүргізуші:

Сен неткен Отан-анам, ғажап едің

Әспеттеп көркем тілмен жазар едім.

Болашақ ұрпағыңның бақыты үшін,

Жайнай бер, Ұлы Отаным – Қазақ елім.

-4 «ә»сынып оқушысы Уалиханов Бақбергенді ортаға шақырамыз.

Бақбергенің орындауында «Астана» әнін қабыл алыңыздар.

1 жүргізуші:

-Ұлжан, достарыңның көп болғаны қандай жақсы, біздерге «Достарым»әнін орындап беруге 4 «г»сынып оқушысы Досанәлі Ұлжанды шақырамыз.

2 жүргізуші:

Көгінде күн нұрын төккен,

Жерінде гүл жұпар сепкен.

Неткен сұлу,неткен көркем

Осы менің туған өлкем!-деп ән шырқайтын 4 «в»сынып оқушысы Қазақбай Нұрболатты ортаға «Менің өлкем» әнімен қабыл алыңыздар.

1 жүргізуші:

Домбыралы,кернейлі,

Өнерпаздар алға шық.

Мерекеміз мерейлі

Кетсін әнге жалғасып,-деп бізге «Мерекем»әнін тарту ететін апалы сіңлілі Ұлжан мен Ақеркені сахна төріне шақырамыз.

1 жүргізуші:

Аналарды сүйеміз,

Сөзін ойға түйеміз.

Ата,әжені ардақтап,

Әдеппен бас иеміз!

«Тыңдай білем»әнін бізге 5 «а»сынып оқушысы Садыхан Салтанаттың орындауында қабыл алыңыздар.

2 жүргізуші:

Кербез құстар әнімен,

Келді міне сәнімен.

«Гүл көбелек»әніне,

Қол соғайық сүйсіне,-дей келе ортаға 3 «в»сынып оқушысы Шымыр Әселді шақырамыз. Қараңдаршы өзі де гүлге қонатын көбелек секілді , қанаттары бар екен.

2 жүргізуші:

Талаптан тұлпар мінейік,

Шаршамай,талмай шабатын.

Өнерін ұл-қыз көрдіңдер,

Алысқа әлі шабатын.

Сахнада 3 «ә» сынып оқушысы Сәрсенбай Рамазанды «Қазақы дастарқаным» әнімен қарсы алайық.

1 жүргізуші:

Соларға табыс тілейміз,

Өнердің мәнін ұға алар.

Ішінен шығар сан жүйрік,

Мектептің атын шығарар,-деп үміт ете отырып бүгінгі ән байқауымызды аяқтаймыз!

2 жүргізуші:

Көрермендер бүгін ерек күйге енген,

Өнерліден шексіз бейне сый көрген.

Бұл сайысты әділқазы тобы да,

Әділдікпен шешер деген ой түйген.

1 жүргізуші:

Шын жүйрік сыналатын кезең келді,

Көрдіңдер тамашалап сайысты енді.

Әділқазы ойы терең, ақылы кең,

Саралап, әділ баға берсін енді,-дей келе сөз кезегін әділқазылар алқасына береміз!