«Бала еңбегін пайдалануға жол жоқ!»

Бала – ертеңгі өмірді жалғастырушы, ізбасар. Оның өмірінің  әр күні мен сағаты  тіпті, минутының қалай өтіп жатқанын ата-ананың басты назарында болуы тиіс екенін ұғындыруымыз керек. Әр оқушы өзінің құқығын білуі маңызды. Бұғанасы қатпаған бала еңбек етіп, күн көрмеуі керек, керісінше балалық шағында мектепте берілетін біліммен еркін сусындағаны жөн. Онлайн әңгімелесу барысында оқушылардың мемлекеттік заңдарын білу, құқықтары мен міндеттеріне жауапкершілікпен қарау жайы нақтыланды. Оқушыларға сауаттылығы мен мінез-құлық ережелерін түсіндіретін сынып сағаттары, баланың құқықтары туралы әртүрлі түсіндіру жұмыстарын жүргізудің маңызы зор. Осы орайда балаларға жан-жақты мәлімет беру қажеттілігі күн тәртібінен түскен емес.

Халықаралық еңбек ұйымымен жарияланған 12 маусым -Бүкіл дүниежүзілік балалар еңбегіне қарсы күрес күні аясында, 1-12 маусым аралығында Қазақстанның барлық өңірлерінде «Бала еңбегін пайдалануға қарсы 12 күн» атты іс-шаралар өткізілуде.

«Халықаралық еңбек ұйымының Конвенциясына» сәйкес балалар еңбегі – бұл олардың денсаулығына зиянды болып, білім алуына, дамуына кедергі болатын және келешек өміріне нұқсан келтіретін жұмыс. Осыған орай біздің мектебімізде 2021 жылғы 1 маусымында «Дүниежүзілік балалар еңбегіне қарсы күрес» күні аясында «12 күндік күрес» тақырыбында іс-шаралар өткізіліп келеді.  2021 жылы мектебімізде «Бала еңбегін пайдалануға жол жоқ» атты ұранмен акция өткізілуде. Акция, рейд тақырыптары: «Отбасындағы зорлық зомбылыққа жол жоқ», «Түнгі қаладағы балалар», «Жасөспірім» ,«Көше». 1-4 сыныптар арасында «Бақытты бала- бақытты ел» тақырыбында сурет байқауы өткізілді. Оған мектептің әлеуметтік педагогы мен сынып жетекшілері қатысты онда ата аналарға «Бала енбегін пайдалануға жол жоқ» такырыбында жаднамалар, мен буклеттер таратылды.

Осындай іс-шараларды ұйымдастырудағы мақсат: бала еңбегін заңсыз пайдалануды болдырмау, сонымен бірге, балаларды еңбек қанауына тартудың алдын-алу бойынша оқушылар мен ата-аналар, жұмыс берушілер арасында түсіндірме жұмыстарын жүргізу.

Егер бұзушылық болған жағдайда,111 номерімен бірынғай call –орталыққа қоңырау шалуға болады.Ол Қазақстандағы Бала құқықтары жөніндегі бастама бойынша ашық және балаларға заңдық және психологиялық көмек көрсетеді.Желі тәулік бойы,соның ішінде демалыс күндері жұмыс істейді.Қоңырау шалу тегін.

«Адамның бір қызығы бала деген» деп ұлы дана, кемеңгер Абай  айтқандай, бала – адамның бауыр еті, өмірінің жалғасы, көрер қызығы, артына қалдырар ұрпағы, сондықтан қабырғасы қатпаған, буыны бекімеген жастың еңбек құқығын сақтауға қатысты заңнаманың мүлтіксіз орындалуы – заман талабы. Бұл жас ұрпақтың алдындағы азаматтық парызымыз болмақ.

Бала аспанын бұлт шалмасын! Балалар біздің болашағымыз!