Бала жүрегіне жол табу – міндетіміз

  Біздің өміріміздің мәні де, сәні де, салтанаты, махаббаты, мәртебесі де бала. Бала біздің болашағымыз, еліміздің ертеңі келешегіміздің келбеті. Балабақшадағы тəрбие барлық тəрбиенің бастауы. Өйткені əр балдырғанның салауатты тірлігі мен өмірден өз орынын табудың негізі балабақшада қаланады. Бала тəрбиесі, оны мəпелеп өсіру бүгінгі таңның үлесіндегі күрделі міндет. Осы міндетті Н.Құлжанова атындағы Торғай гуманитарлық колледжінің «Мектепке дейінгі оқыту жəне тəрбие» мамандығында оқып жатқан студенттері өздерінің ізденімпаздығымен, шығармашылық еңбек- терімен орындауда. Бізге бүлдіршіндердің жан дүиесін, көңіл-күйлерін терең түсінуді үйреткен С.Сарсембаева, Г.Ж.Қасымова, жəне осы кісілердің ізбасары А.Е.Насрединова ұстаздарымды айтып өтер едім. Бұл кісілер өте білікті де, білімі мол тəжірибелі ұстаз. Бізге бала мен тəрбиенің жұмысы жайлы жол көрсетіп келеді. Тəрбиеші жас ұрпақтың білімді, білікті болуы отбасы мен балабақшаның үздіксіз бірлескен еңбегінің нəтижесі. Біздің ең биік мақсатымыз əр отбасындағы ұрпақтың дені сау, рухани бай, білімге еңбекке құштар болып өсуі. Ата-аналармен əр түрлі шараларды ұйымдастырудағы мақсат – міндетіміз балалардың бүгіні жасаған қадамы, ертеңгі тұлға болып қалыптасуына үлкен əсерін беретінін ұғындыру. Болашақ ұрпақ тəрбиесі – ата-бабамыздан келе жатқан мұралардың бірі. Себебі, артта қалған ізі қандай болса, ұрпағымыздың болашағы да сондай болмақ. Бала балабақша табалдырығын жаңа аттаған бала бойына адамгершілік қасиетін сүттей сіңіріп, болашақтың үлкен есігіне, жақсы тəрбиемен жетелеуіміз керек. Халықтың тұрмыстық іс-əрекет дағдысында үлгі ісер, əуелі дағды, содан соң ол дəстүрге, əдет-ғұрыпқа, салт-санаға айналып, өмір заңдылығы болып қалыптасқан. Осы заңдылыққа сүйене отырып, балаларды инабатты, кішіпейіл, кешірімді, əр нəрсеге адалдықпен қарауға тəрбиелеуде имандылық сабағын жүргіземіз. Еліміздің болашақ ұрпағын тəрбиелеуде баршамыз үздіксіз ізденіп, тыңғылықты еңбек ету жолындамыз. Біздің мамандығымыз, өміріміз де баламен тығыз байланысты болып жатыр. Бұл тұрғы да əрбір болашақ педагог өз ісіне жауапкершілікпен қарап, жас ұрпақтың саналы болып өсуіне бойымыздағы бар асыл қасиетіміз бен білімімізді арнас