Бала жүрегіне жол табу

Бала жүрегіне жол табу – тәрбиешінің өнері..Бала тәрбиесі – жауапты әрі күрделі міндет. Баланың жүрегіне жол табу әрбір тәрбиешінің кәсіби шеберлігіне, мейірімділігіне және жан дүниесін түсіне білуіне тікелей байланысты. Тәрбиеші тек білім беруші ғана емес, сонымен қатар баланың рухани әлемін байытушы тұлға.

Бала жүрегіне жол табудың негізгі қағидалалары

1. Махаббат пен мейірімділік

Баланы сүю, оған қамқорлық көрсету – тәрбиешінің басты қасиеті. Балалар жүрегі жылулық пен шынайылықты сезінеді. Егер тәрбиеші балаларға жанашырлықпен қараса, олар да оған сенім артады

2. Жеке тұлғаны құрметтеу

Әр бала – ерекше, өзіндік мінезі, қызығушылығы болады.

Бала – адамзаттың болашағы, әрбір сәби – жаңа әлем. Олардың жүрегі – таза, ақ қағаз іспетті, оған не жазсаң, соны көреді. Баланың жүрегіне жол табу – тәрбиешінің ең маңызды және ең қиын өнері. Бұл өнер тек қана білімділік пен тәжірибені ғана емес, сонымен қатар балаға деген шексіз сүйіспеншілік пен түсінуді талап етеді.

Тәрбиеші – баланың өміріндегі екінші анасы, әрі мұғалімі. Ол баланың жеке тұлға болып қалыптасуына, оның бойындағы жақсы қасиеттерді ашуға және дамытуға ықпал етеді. Бала жүрегіне жол табу үшін тәрбиеші баланың әрқайсысына жеке көңіл бөлуі керек. Әр баланың өз ерекшелігі, қызығушылығы мен қабілеті бар. Сондықтан тәрбиеші баланың ішкі дүниесін түсінуге, оның сезімдерін ескеруге және оған қолдау көрсетуге тиіс.

Сүйіспеншілік пен мейірімділік: Бала сүйіспеншілікті сезінгенде ғана ашылады. Тәрбиешінің жылы жүзі, мейірімді сөздері және құшағы балаға сенімділік береді.

Түсінушілік : Баланың сезімін түсіну және онымен бірге қуану немесе қайғыру – баламен шынайы байланыс орнатудың маңызды шарты.

Құрмет: Баланың пікірін құрметтеу, оның қалауын ескеру және оған таңдау еркіндігін беру – баланың өзін-өзі бағалауына және дербес тұлға ретінде қалыптасуына көмектеседі.

Ойын: Ойын – баланың тілі. Ойын арқылы бала әлемді таниды, қарым-қатынас жасайды және өзін көрсетеді. Тәрбиеші ойынға араласып, оны қызықты ете білсе, баланың жүрегіне тез жол табады.

Шығармашылық: Баланың шығармашылық қабілетін дамыту – оның өзін-өзі көрсетуіне және өз ойын білдіруіне мүмкіндік береді. Тәрбиеші баланың қиялын оятып, оған шығармашылықпен айналысуға жағдай жасауы керек.

Қорыта келгенде, бала жүрегіне жол табу – тәрбиешінің ең үлкен өнері.