Бала тәрбиесі баршамызға ортақ

Мәнерлеп оқу сайысы

Жақында Үстірт орта мектебінің бастауыш сынып бүлдіршіндері арасында Елбасының «Рухани жаңғыру» бағдарламасы аясында Отан,Туған жер тақырыптарына арналған мәнерлеп оқу сайысы болып өтті. Сайысты бастауыш сынып мұғалімдері А.Оралбаева,Қ.Оспанова,жәнеЖ.Шоңайбаева ұйымдастырды. Сайыстың мақсаты: Өскелең ұрпақтың рухани байлығын,ой-өрісін кеңейту, шығармашылығын және білімге,оқуға деген қызығушылығын арттыру. Алдымен дайындық топтарының бүлдіршіндері бастап Отан, Туған жер туралы өлеңдерін оқып көрермендерді дән риза етті. «Жүзден жүйрік, мыңнан тұлпар»демекші Дайындық «ә» тобының қатысушысы Еркеназ Асқар Бейнеулік ақын Р.Дүзеловтың «Бейнеуім» өлеңін керемет нақышына келтіріп орындап шығып, алғашқылардың қатарына ілесті. М.Мақатаевтың «Туған жер», М.Шақановтың «Отан» тақырыбындағы өлеңдердң А.Сүлікбай және Джұматурлы Олжаста өте керемет орындап әділ қазылардың көңлінен шығып көрермендерді тәнті етті. Келесі күні 3-4 сыныптар арасында сайыс өз жалғасын тапты. Отан туралы әсерлі өлеңдерін мәнерлеп оқыған сайыс қатсушылары іріктеуден өтіп келесі бөлімге жолдама алды. Сайыстан жоғары нәтиже көрсеткен оқушылар марапатталды. Бас жүлдеге лайық деп 4 «ә» сынып оқушысы А.Мухамединова иеленсе, I орынға Г.Нұрсейтова, II орынға А.Өтеш,ал жүлделі III орынға А.Сапарбай ие болды. Сайыс қатсушыларына мектеп әкімшілігі тарапынан мадақтама қағаздар және арнайы силықтар табыс етілді.

Ж.Тапалова Үстірт орта мектебі