«Балабақшаға арналған тапсырмалар жинағы»

№____хаттама «______»_____ 20 ж.

Әдіскер _________Әсіл Айман

Дайындаған тәрбиеші:______Утембаева Ж.А

КІРІСПЕ

Балалардың жан-жақты дамуы – мектепке дейінгі білім берудің негізгі мақсаты. Балабақшада тәрбиешілер бүлдіршіндердің ойлау, сөйлеу, шығармашылық қабілеттерін жетілдірумен қатар, олардың әлеуметтік дағдыларын қалыптастыруға, ұсақ және ірі моторикасын дамытуға ерекше мән береді.

Ойын арқылы оқыту – мектепке дейінгі жастағы балалар үшін ең тиімді әдістердің бірі. Сондықтан бұл жинақта баланың жас ерекшелігіне сай танымдық, шығармашылық, әлеуметтік және қимыл-қозғалыс дағдыларын дамытуға бағытталған тапсырмалар ұсынылған. Әрбір жаттығу балаға қызықты, түсінікті әрі оның табиғи зерттеушілік қабілетін дамытатындай етіп әзірленген.

Бұл жинақ тәрбиешілерге күнделікті оқу іс-әрекеттерін ұйымдастыруда көмекші құрал бола алады. Берілген тапсырмалар балалардың жас ерекшеліктеріне қарай жіктеліп, 3-4, 4-5 және 5-6 жас аралығындағы топтарға арналған. Ойын түріндегі жаттығулар балалардың қоршаған орта туралы білімін кеңейтіп, ұжымда қарым-қатынас жасауға, өз ойын еркін жеткізуге, шығармашылық қабілеттерін дамытуға мүмкіндік береді.

Бұл жинақты қолдана отырып, тәрбиешілер балалардың жан-жақты дамуына үлес қоса алады және олардың балабақшадағы уақытын қызықты әрі пайдалы өткізуді қамтамасыз етеді.

2-3 жасар балаларға арналған дамытушы тапсырмалар

1. Танымдық тапсырмалар

1.1. Түстерді тану

Түрлі түсті ойыншықтарды араластырып, белгілі бір түсті заттарды жинауды сұрау (мысалы, «Қызыл түсті заттарды жина!»).
Түсті карталармен ойнау: Баладан «Көк түсті көрсет!» деп сұрау.
Қызыл алма мен жасыл алманы салыстыру, қай түс екенін сұрау.
«Қай түсті зат жетіспейді?» ойыны (Балаға бірнеше түрлі түсті заттарды көрсетіп, бірін жасырып, қай түс жоқ екенін тапқызу

.

1.2. Пішіндерді үйрену

Дөңгелек, шаршы, үшбұрыш, тік төртбұрыш пішіндерін ойын арқылы таныстыру.
Геометриялық фигураларды қиып, оларды сәйкестендіру.
Үй, ағаш, күн сияқты пішіндерден сурет құрастыру.
Лото немесе пазл секілді ойындар арқылы пішіндерді табу.

1.3. Жануарларды тану және олардың дыбыстары

Жануарлардың суреттерін көрсетіп, олардың атауын сұрау.
«Бұл қандай дыбыс?» ойыны: жануарлардың дыбыстарын шығарып, балаға қай жануар екенін тапқызу.
«Кімнің баласы?» ойыны: «Қозының анасы кім?», «Балапанның анасы кім?» сияқты сұрақтар қою.
Жануарлар туралы қысқа тақпақтар немесе ертегілер айту.

1.4. Көлік түрлерін таныстыру

Баламен бірге машиналардың, пойыздардың, ұшақтардың суреттерін қарап, олардың атауын үйрету.
«Қай көлік қайда жүреді?» (Ұшақ — аспанда, кеме — суда, автобус — жолда).
Машинка немесе пойызбен жол салу және бағытты үйрену

1.5. Азық-түлікті тану

Жеміс-жидек пен көкөністерді ажырату.
Дәмін татып, қайсысы тәтті, қайсысы қышқыл екенін айту.
«Қай жеміс қай түсті?» ойыны.
«Мынау не?» ойыны (азық-түлікті жасырып, сипап сезіну арқылы табу).

2. Логикалық ойлау тапсырмалары

2.1. «Артық затты тап»

Үш алма мен бір бананның ішінен артық затты табу.
3 көлік пен 1 допты көрсетіп, артық затты анықтау.
Киімдердің ішінен аяқ киімді табу.