"Балалар үйі тәрбиеленушілерінің отбасылық құндылықтарға деген жағымды көзқарастарын қалыптастыру"

Қазақстан Республикасы халқының 17 миллион құрамына кіріп, қазақстандық азамат атанып отырған, әрбір жетім бала тағдыры ел үшін аса маңызды. Сол себептіде қазақ жеріндегі ата-анасының қамқорлығынсыз қалған балалардың бойында қалыптасқан ерекшеліктері мен болашағы, яғни отбасына ену мүмкіндіктерін зерттеу өзекті.Балалардың отбасына сіңіп, өнегелі тәрбие алып, өзінің отбасын құруы, оның болашағының табысты болуы елдің әлеуметтік деңгейін анықтайтын тұстардың бірі. Сондықтан да балалар үйінде тәрбиеленіп жатқан тәрбиеленушілерге отбасылық тәрбие беру, оларды болашақ өмірге дайындау балалар үйінде қызмет етіп жүрген мамандардың басты міндеті деп ойлаймын.