Балалардың физикалық дағдыларын дамытуда асық ойындарын қолдану

«Балалардың физикалық дағдыларын дамытуда асық ойындарын қолдану» атты әдістемелік құрал қазақ халқының бай мәдени мұрасының бір бөлігі болып табылатын ұлттық ойындарды оқу-тәрбие процесіне енгізу әдістерін қарастырады. Бұл құралда ұлттық ойындардың тәрбиелік мәні, дене шынықтырудағы рөлі және оларды қазіргі заманғы білім беру жүйесінде қолдану жолдары жан-жақты талданады. Әрбір ойынның физикалық және психологиялық аспектілері, олардың балаларға шапшаңдық, төзімділік, күш және ептілік сияқты қасиеттерін дамытудағы маңызы түсіндіріледі. Әдістемелік құрал педагогтерге дене шынықтыру ұйымдастырылған іс-әрекеттерін ұлттық ойындар арқылы байытуға, балалардың ұлттық мәдениетке деген қызығушылығын арттыруға және ұжымдық жұмыс дағдыларын нығайтуға мүмкіндік береді. Құралда ұсынылған әдістемелер мен тапсырмалар дене шынықтыру ұйымдастырылған іс-әрекеттерін қызықты әрі тиімді өткізуге арналған практикалық кеңестерді қамтиды. Бұл әдістемелік құралды дене шынықтыру нұсқаушылары, тәрбиешілер және ұлттық спорттық ойындарға қызығушылық танытатын барша педагогтар пайдалануға болады.

Білім беру ұйымының __ жылғы«_» ____ №1 хаттамасына сәйкес сараптау комиссиясының шешімімен баспаға ұсынылды

ТҮСІНІК ХАТ

Қазақтың ұлттық ойындары – халық педагогикасының ажырамас бөлігі және балалардың физикалық, интеллектуалдық, эмоционалдық дамуына ықпал ететін тиімді құрал. Дене тәрбиесі ұйымдастырылған іс-әрекетінде ұлттық ойындарды қолдану арқылы балалардың қимыл-қозғалыс белсенділігін арттыруға, ұлттық мәдениетке деген қызығушылығын оятуға, патриоттық сезімдерін нығайтуға болады.

Бұл әдістемелік құрал мектепке дейінгі және бастауыш сынып балаларының дене тәрбиесі ұйымдастырылған іс-әрекеттерінде ұлттық ойындарды тиімді қолдану әдістеріне бағытталған. Құралда ұлттық ойындардың түрлері, олардың тәрбиелік мәні, қозғалыс белсенділігін дамытуға қосатын үлесі жан-жақты қарастырылған.

Әдістемелік құрал тәрбиешілер мен дене шынықтыру нұсұаушыларына, ата-аналарға және ұлттық ойындарға қызығушылық танытқан барлық тұлғаларға арналған.

Әдістемелік құралдың өзектілігі

Қазіргі білім беру жүйесінде дене тәрбиесінің маңызы артып келе жатқанымен, ұлттық ойындарды қолдану әлі де өз деңгейінде зерттеліп, кеңінен қолданысқа енгізілмей келеді. Осы құралдың өзектілігі – ұлттық ойындар арқылы балалардың қозғалыс дағдыларын қалыптастыру, дене белсенділігін арттыру, сондай-ақ оларды халықтың салт-дәстүрлерімен таныстыру мүмкіндігінде.

Жұмыстың ғылыми-әдістемелік деңгейі

Бұл әдістемелік құрал ұлттық ойындардың бала тәрбиесіндегі рөлі мен олардың физиологиялық, психологиялық ерекшеліктеріне негізделген ғылыми зерттеулерге сүйенеді. Сондай-ақ, оқыту үдерісінде қолдануға болатын заманауи әдістер мен тәсілдер ұсынылған.

Жаңашылдығы

• Ұлттық ойындардың дене тәрбиесі ұйымдастырылған іс-әрекеттерінде кешенді түрде қолданылуы;

• Балалардың жас ерекшеліктеріне сәйкес бейімделген ойын түрлері;

• Қимыл-қозғалыс жаттығулары мен ұлттық ойындарды біріктіре отырып, дене тәрбиесінің сапасын арттыру жолдары көрсетілген.

Педагогикалық орындылығы

Ұлттық ойындар баланың физикалық дамуымен қатар, оның мінез-құлқын, ойлау қабілетін және қарым-қатынас дағдыларын қалыптастыруға көмектеседі. Бұл құралды қолдану арқылы дене шынықтыру ұйымдастырылған іс-әрекеттерін қызықты әрі нәтижелі өтеді.