Балаңызға қандай ойыншықтар керек ?

Балаңызға қандай ойыншықтар керек ?

Сәбидің дүниетанымының бай дамуына ойыншықтар әсер етеді. Әр баланың ойыншықтары болу тиіс. Ойыншық таңдау баланың ең маңызды ісі болып есептеледі. Баланың өз еркіне ,таңдауына байланысты, көп ойыншықтың арасында өзіне ерекше ұнайтын ойыншық болады.Ойыншық арқылы бала жалғыздықтан арылады.Ойыншықтар арқылы бала өз сезімін білдіріп ,қоршаған ортаны зерттейді. Бала ойыншығын ұрсып, жұбатады. Баланың ойыншығына қарап,оның не ойлап,не сезіп жүргенін анықтауға болады. Шынайы өмірден алынған ойыншықтар : қуыршақтар отбасы (жануарлардың отбасы) қуыршақтың үйі,жиһаз, ыдыс, көлік,қайық,таразы, дәрігер мен шаштараздың құралдары, сағат,темір жол, телефон т.б. Ашуын сыртқа шығаруға көмектесетін ойыншықтар: сарбаздар, мылтық,доп, жастық т.б. Сонымен қатар ,шығармашылық қиялы мен өзін ашуға көмектесетін ойыншықтар бар.Олар конструктор, әліпби, қиылған суреттер, бояу, мозайка,жіп,т.б.Ойыншықты сатып аларда міндетті түрде баланың көзқарасын есепке алу керек. Автомат немесе жартылай автомат ойыншықтарды алмаған жөн. Балаға сатып алатын ойыншықтарыңыз олардың жан дүниесін аша алатын болу керек.1-2 жастағы балаларға арналған ойыншықтарға пластмассалық пирамидаларды жатқызуға болады.Осы ойыншық арқылы балалар ойлау қабілетін дамытады.3-4 жастағы балаларға арналған ойыншықтар сан түрлі.Оларға конструкторды жинау қызықты.Бұл жастағы балалар шын өмірден алынған сюжеттерді ойнайды. Мысалы: әке-ана, қыз- ана т.б. 5-6 жастағы балалар ойын орындарынан төсек орындары мен шкафтарға ауысады. Бұл жастағы балаларды ойлау, қиялдау қабілеттерін жақсы дамытуға көңіл бөлген жөн. Өз қолдарымен ойыншықтарды жасағанды жақсы көреді. Бала өзін мектепке дайындайды. Есте сақтаңыз! Ойыншықты жасына қарай ауыстырып отыру қажет,себебі бір оыншықтан бала жалығуы мүмкін.