баланын ойлау кабылетын дамыту

«Тараз қаласы әкімдігінің білім бөлімінің №19 бөбекжай бақшасы»

Мемлекеттік коммуналдық қазыналық кәсіпорны

Баланың ойлау қабілетін дамыту

Білім саласы: «Таным», «Шығармашылық», «Денсаулық»

Бөлімі: Қарапайым математика

Тақырыбы: «Үшбұрыш», дөңгелек, төртбұрыш»

Тәрбиеші: Ниязова А.Б.

Білім саласы: «Таным», «Шығармашылық», «Денсаулық»

Бөлімі: Қарапайым математика

Тақырыбы: «Үшбұрыш», дөңгелек, төртбұрыш»

Сабақтың мақсаты: Балаларды қарапайым геометриялық пішіндермен таныстыру, ұқсас заттарды салыстыру арқылы қабілеттерін дамыту.

Мотивациялық қозғаушы кезең

Шаттық шеңбер

Балалар шеңбер бойымен тұрады

Тәрбиеші: Бір топта біз нешеуміз?

Балалар: Сан жетпейді десеміз

Ұлдар да көп,

Қыздар да көп

Апайлар да мұнда көп.

Әне аю, әне лақ

Бәрі жақсы, бірдей ақ

Тату болсақ бәріміз

Жарқырайды тобымыз

Тәрбиеші: Балалар, мына керемет қорапқа қараңдаршы. Қане, жақындаңдар, ішінде не бар екенін көрейік (қорап ашылып ішіндегі үшбұрыш пен дөңгелек балалар көреді).

- Ал, балалар орнымызға жайғасайық, бәріңе көрінуі үшін мен үшбұрыш пен дөңгелекті тақтаға орналастырайын.

- Балалар мынау қандай пішіндер?

- Сендер бұл пішіндер жайлы не білесіңдер?

- Тобымызға мұқият қараңдаршы, үшбұрышқа ұқсайтын қандай заттар бар?

- Ал , дөңгелекке ұқсайтын қандай заттар бар?

- Үшбұрыш пен дөңгелек бір-біріне ұқсай ма?

-Неге?

- Үшбұрыштың түсі қандай?

- Дөңгелектің түсі қандай?

Дидактикалық ойын: «Ғажайып қоржын»

Сергіту сәті.

Біз кішкентай баламыз

Өсіп-өніп толамыз

Күнге қарай талпынып

Көкке қолды созамыз

Тәрбиеші: -Үшбұрыш пен дөңгелек орманға саяхатқа барыпты, олар жолдарында бірнеше кедергілерден өтіпті. Қане, біз де сол кедергілерден өтіп көрейік.

- Соқпақ жолмен жүріпті (бірінің артынан бірі жүру)

- Жолдың шетінде шыршалар өсіп тұр екен, көздеріне кіріп кетпес үшін еңкейіп өтіпті (жартылай отырып жүру)

- Жол бойындағы ағаштарда торғайлар отыр екен. Оларды үркітіп алмау үшін ақырын жүріпті. (аяқтың ұшымен жүру)

- Алдыларынан арық шығыпты , одан аттап өтіпті (аттап жүру )

- Арықтың жағасында әдемі тастар көп екен. Тастарды басып жүріпті (секіріп, аттап жүру)

- Алдарынан биік қарағай шығыпты (қолды көтеріп, аяқтың ұшымен жүру)

Тыныс алу жаттығуы.

- Қарағайдың түбіне отырып демалыпты (тыныс алу жаттығуы)

Тақпақ

Жанболат.

Көктем келді шуақты

Балаларды қуантты.

Алақай-ау, алақай!

Көктем қандай көңілді.

Алдияр.

Дала гүлге бөленді

Қуанышқа кенелді

Орман, тоғай бақтарда

Құстар сайрай жөнелді.

Ғажайып сәт: Бұтақтың түбінен қоян шығады.

- Балалар сәлеметсіңдер ме? Мен сендерге келе жатыр едім, менің үйшігімді қасқыр келіп бұзып кетіпті, маған үй жасап тұрғызуға көмектесесіңдер ме?

Тәрбиеші: Балалар біз көмектесеміз ме? (балалар көмектесеміз дейді)

Ендеше бәріміз қоянға үй жасауға отырайық.

Ұжымдық жұмыс : Қоянға үйшік құрастыру.

Қорытындылау: Балалар сендер бүгін оқу іс-әрекетіне өте жақсы қатыстыңдар. Балалар бізге орманнан кім кездесті?Қоянға не жасап бердік? Үйшіктің шатырының пішіні қандай?Доптың пішіні қандай?

Күтілетін нәтиже.

Білу керек: Пішіндерді ажырата білуі.

Игеруі: Пішіндердің түстерін ажыратады.

Дағдылану: Пішіндерден белгілі заттарды құрастырады.