Баланың жасырын әлемі

Тақырыбы: Баланың жасырын әлемі

Мақсаты: Баланың біз білмейтін құпия жағын ашу. Ата-ана мен

бала арасындағы қарым-қатынасты анықтау.

Ата-аналарға педагогикалық білім беру.

Қоғам болып бала қабілетін ашу.

І. Ұйымдастыру кезеңі.

Мини лекция «Ата-ана - баланың бас ұстазы»

Қай заманда болсын, адамзат алдында тұратын басты міндеттердің бірі- есті де еңбексүйгіш, қайырымды да қайратты бала тәрбиелеу. Бала біздің болашағымыз. Өміріміздің айнасы. Сондықтан да жаны таза,адамгершілігі мол, қоғам тірегі бола аларлықтай ұрпақ тәрбиелейік. Ата-ананың тәрбиесі – бала мінезінің ірге тасы. Баланың бағыт- бағдар алатын шамшырағы іспеттес. Өзі үлгі болуымен қатар, мейірім мен махаббат иесі болуы қажет. Балаға ата-анасынан асқан жанашыр жоқ екенін іспен дәлелдеген дұрыс.

І. «Танысу»

1. Баласы алдымен өлең шығарып, ата-анасын таныстырады.

2. Ата-анасы жақсылығын айтып баласын таныстырады.

3. Психолог әр ұстазды өлең шумақтарын оқып таныстырады.

ІІ. Пікірлесу.

«Баланың жасырын әлемі» Оған нені жатқызуға болады?

/ ата-ана мен ұстаздардың ойы тыңдалады/

а/ Бала қиялының орындалуы.

Балалық шағы. Есейген шағы.

Әрбір сынып жетекші, әр ата-ана,мұғалім қатысып, өзінің балалық қиялын, оның орындалған – орындалмағаны туралы айтып өтеді. Алдымен балалық шаққа. Содан соң есейген шаққа тоқталады.

Ал,біздің балаларымыз нені қиялдайды екен. /сурет салу, коллаж жасау, шағын эссе жазу, өлең шығару және оларды қорғау /

Баланың қиялын жетелеу керек. Қиялдың шындыққа айналатынына көз жеткізу керек.

Ән: «Әкем-анам» Ақниет пен Рамазанның орындауында

ІІІ. Мен оңаша қалғанда...

а/ Бір тақырыпты алып, сырласу сәтін көрсету. /ана мен қыз, әке мен ұл/

ә/ Сіз білесіз бе?

Балаңыздың оңаша қалғанда немен шұғылданатынын білесіз бе?

/бала оңаша қалғанда шұғылданатын істерін көрініс ретінде көрсетеді/

IY. Ой қозғау.

Отбасындағы, мектептегі бала тәрбиесі қандай?

Келіңіздер, осы тақырып төңірегінде пікір алысайық.

Ата-аналарға сұрақ.

1. Балаңыздың білім алуына көп көңіл бөлесіз бе?

2. Білім алуына қандай жағдай жасап жатырсыз?

3. Мектептен оралғанда көңіл-күйіне мән бересіз бе, ескеріп, әңгімелесесіз бе?

4. Балаңыздың достарын білесіз бе? Достарының бойындағы қандай қасиеттерін бағалайсыз?

Ұстаздарға сұрақ.

1. Баланы қабілетті, қабілетсіз деп бөлесіз бе?

2. Бала мен ата-ананың қарым-қатынасы сізді қызықтыра ма?

3. Баланың білім алуы мен тәрбиесіне жауаптымын деп ойлайсыз ба?

4. Сабақта баланың көңіл-күйіне мән бересіз бе?

Оқушыларға сұрақ.

1. Білім алуда саған жауапты кім деп ойлайсың?

2. Саған ұстазыңның қандай қасиеттері ұнайды?

3. Сынып жетекшісі мен ата-ана арасындағы қарым-қатынас қандай болуы керек?

4. Мектебімізде саған ұнайтын мұғалім бар ма? Болса кімдер?

несімен ұнайды?

Y. Кездейсоқ жағдайдан шығу.

Ата-аналарға:

• Балаңыз ойнап жүріп достарымен төбелесіп қалды. Сабақтан үйге жылап келді. Бірге ойнадыңдар, бірге жүрдіңдер неге жылайсың деп едіңіз. Балаңыз бәрі маған жабылды деді. Сіз не істейсіз?

Ұстаздарға:

• Сіз әдемі бала қызығарлықтай қымбат қалам сатып алдыңыз. Балалар сіздің қаламыңызға қызықты. Бір күні үзілістен келсеңіз қаламыңыз орнында жоқ екенін байқадыңыз. Балалардан сұрағанда ешкім үндемеді. Сіз не істейсіз?

Оқушыларға:

• Сен туған күнге баруға достарыңмен уәделесіп келдің. Ата-анаң рұқсат бермеді. Бұл жағдайдан қалай шығасың?

Қорытынды. /мектеп психологі/

• Өмір бір орында тұрмайды. Минут, сағат, күн, апта, ай, жыл жылжумен бір сәт те тоқтатпайды. Десек те,осынау қызығы мен қиындығы қатар алмасқан тірлікте бала қиялының, ой арманының орындалғанына не жетсін.

• Қадірлі ата-аналар, ұстаздар, егер ата-ана мен мектеп өзара тығыз байланыста болып, балаларға бірдей талап қойып отырса біздің балдырғандарымыз жан-жақты дамыған азамат болып шығары сөзсіз. Жақсы сөз жарым ырыс деген, олай болса бір-бірімізге жақсы тілектер , жылы сөздер айта отырып тренингімізді қорытындылайық.

Панфилов ауданының «Е.Сыпатаев атындағы орта мектеп

мектепке дейінгі шағын орталығымен» мемлекеттік мекемесінің

педагог-психологі Махмутова Назира Қасымханқызы

Ата-аналар мен ұстаздар сұрақтарға жауап беруде

Мен оңаша қалғанда... сәтінен көрініс