"Бақыт деген не?" тренинг

Ақтөбе облысы

Алға ауданы

Ақай орта мектебінің

Бастауыш класс мұғалімі

Дуйсебаева Майра Алдановна

Тақырыбы: Бақыт деген не ? ( тренинг)

Мақсаты: Ата-аналардың педагогикалық мәдениетін көтеру. Отбасында баланы тәрбиелеу жолдары, ата-ананың міндеттерін, жауапкершілігін сезіндіру. Оқу тәрбие жұмысының алдағы міндеттерін жүзеге асыруда ата-аналардың белсенділігін көтеру ынтымақтастықты нығайту.

Күтілетін нәтиже:

*Ата-аналар балаларын бақытты ете алады

*Отбасы бірлігі нығая түседі.

*Балалардың тәрбиесіне үнемі көңіл бөледі.

Өту әдісі; өз ойларын ортаға салу, өмірмен байланыстыру.

Көрнекілігі; нақыл сөздер, сұрақтар.

Жүру барысы;

1.Кіріспе

Жиналыстың тақырыбы, мақсаты, өту туралы түсінік беру. Ата-аналар мен балаларды топқа бөлу.

2.Ережемен таныстыру.

А) бір-бірімізді тыңдау

Ә) бір-бірімізді сыйлау

Б) ойларын ортаға салу

В) белсенділік таныту

Г) уақытты үнемді пайдалану

Д) тақырыптан ауытқымау

Құрметті ата-аналар,оқушылар сіздерді бүгінгі Бақыт деген не? атты тренинг жиналысымызға қош келдіңіз. Сіздердің жүздеріңізден қуанышты сезімдер, сонымен қатар мейірімділік, қайырымдылық, ақылдылық сияқты асыл қасиеттер шуақ шашып тұрғандай.

-Кәне балалық шағымызды еске түсірейік. Ата-аналарыңыз сіздерді еркелетіп есімдеріңізді қалай атады? (ой бөлісу сәті,)

3.Теориялық бөлім.

Бақыт деген досыңның табағында, домбыра шынағында, жарыңның жанарында, халықтың қабағында. ҚадырМырзаӘлі

-Бақыт деген не?

-Қалай ойлайсындар?

-Өмір өзі -Бақыт! (Сұрақтар беру)

1-топ Ата-аналар.

Өз өмірлеріңіздің қай кезінде, қандай жағдайда өздеріңізді бақыттымын деп сезіндіңіздер?

2-топ Оқушылар

Айналаңыздағы адамдарға бақыт әкелген өзіңіздің іс-әрекеттеріңіз туралы әңгімелеп беріңіз.

Ата-ана

Өздеріңіздің пікірлеріңіз бойынша тағдыры бақытты саналатын адам туралы әңгімелеп беріңіз.

Мақал-мәтел айту

Ата-ананың ақылы сайрап жатқан жолмен тең.

Балаң жақсы болса-қызық

Балаң жаман болса-күйік.

Ата-ананың қадірін

Балалы болсаң білерсің.

Әке-асқар тау

Бала баурайындағы құрақ.

Бақыт деген не?

Практикалық жұмыс.

1-топ Балалар.

Ана бақыты дегенді қалай түсінесіңдер?

2-топ.Ата-аналар.

Бала бақыты дегенді қалай түсінесіңдер?

(Балалар пікірін тыңдау)

(Аналар пікірін тыңдау)

5.Бақытты өмір сүру үшін Бақыт ережесін құрастырайық.

Сары қағаздарға Бақыттың не екенін жазып, шуақ шашқан күнді құрастырамыз.

Ата-аналар.

Музыкалық үзіліс.

Ән. Менің қос бәйтерегім. Жансая, Нұрислам, Жұлдыз

-Балаларыңызды қалай еркелетесіздер?

-Ата-аналарыңыз есімдеріңізді толық айта ма?

-Қандай бала болып өсесіңдер?

-Ата-анаң не үшін ренжиді?

-Ақылды болу өз қолыңда ма?

-Бос кездеріңде үйде аналарыңа көмектесесіңдер ме?

Қортындылау.

Ата –аналар бұл тренингтен кейін өздерінің көп уақытын балаға жұмсау керектігін түсінді. Ата-анаға баланың болашағы мен қазіргі тәрбиелік мәнін ұқты. Балаларға әр кез ата-ананы, ұстазды тыңдауға қадірлеуді түсіндірді. Сонымен бірге достар арасында тату ұйымшыл болуды үйретті. Балаларға мейірімділік пен адалдықты берді. Балалар өздерін бақытты екенін және аналарын ренжітпеуді түсінді.

Ата-ананың ақылы, сайрап жатқан жолмен тең.