“Майлан ауылының Балабек Жахин атындағы ЖОББМ” КММ

«Зорлық –зомбылықсыз балалық шақ» ата-аналар жиналысы

Майлан, 2024 ж

"Зорлық-зомбылықсыз балалық шақ" тақырыбындағы ата-аналар жиналысын ұйымдастырудың жоспары:

Мақсаты:

Ата-аналарды балаларға қатысты зорлық-зомбылықтың салдары мен оны алдын алу жолдары туралы ақпараттандыру.

Міндеті:

• ата-аналарға зорлық-зомбылықтың балаға тигізетін зардаптарын түсінуге көмектесу;

• ата-аналардың әртүрлі жағдайларда баланың құқықтарын қорғау практикалық дағдыларын дамыту;

• ата-ананың баламен тығыз байланыс орнатуына бағыт-бағдар беру;

Өзектілігі: Қазіргі таңда біздің қоғамда орын алып жатқан келеңсіз жағдайлар, яғни зорлық-зомбылық оқиғалары күрт өсуіне байланысты, біздің жобамыздың өзектілігі айқын.

Күтілетін нәтиже:

Ата-аналар жиналысын өткізу нәтижесінде педагог пен ата-ана арасында ынтымақтастық қарым-қатынас орнатып, зорлық-зомбылық алдын алу шараларын бірлесіп іске асыру.

Ата-аналар жиналысының жоспары:

I. Ұйымдастыру бөлімі .

Ата-аналар жиналысына психологиялық дайындық.

1. «Танысу» жаттығуы

М.: Құрметті ата-аналар біздің « Бақытты балалық шақ» ойын-сауық кешеніңе қош келдіңіздер! Ойын-кешеніңе кірмес бұрын билеттеріңізді алыңыздар.

Алдымен бір-бірімізбен амандасып алайық. Амандасуды кішкене өзгеше өткізгім келіп тұр. жасыл түс белгілер қол алып амандасады, қызыл түс дауыс арқылы, көк түс мимика арқылы бір-бірімізбен амандасып алайық. Сары түсті құшақтасып амандасады. Қосымша 1

М. : Құрметті ата-аналар алған кей билеттер жеңілдік купонымен берілген. Сол жеңілдіктерді иелену үшін сұрақтарға жауап беріңіздер.

«Қызықты сұрақтар» ойыны.( доп лақтыру арқылы) Қосымша 2

1. Балаңыздың туған күні?

2. Сынып жетекшісінің толық аты-жөні?

3. Балаңыз спорттың қандай түрін жақсы көреді?

4. Балаңыз қандай өлшемде аяқ киім киеді?

5. Балаңыздың досы кім?

6. Балаңыз қандай түсті жақсы көреді?

7. Балаңыздың бірінші тісі қанша айында шықты?

8. Балаңыздың сүйікті асы қандай?

9. Балаңыз сізді ренжіткенде, ең алдымен, қандай сөз аузыңызға түседі?

3. Топқа бөлу.

Қызыл, сары және көк түсті билеттер арқылы топқа бөлінеді.

II. Негізгі бөлім.

2.1. Жиналыстың мақсаты мен тақырыбы таныстырылады.

М.: Құрметті ата-аналар, біздің ойын-сауық кешеніңе саяхат жасамас бұрын, жиналысымыздың тақырыбымен және негізгі ақпаратпен танысып алайық.

Уақыт бөліп, осы кездесуге келгеніңіз үшін рахмет.Бүгін біз талқылайтын тақырып соңғы кездері өте өзекті болып отыр. Қаншалықты өкінішті көрінгенімен, ата–аналардың балаларына деген қатыгездігі кең таралған құбылыс. Барлық балалардың шамамен 14% -ы отбасында мезгіл-мезгіл ата-аналары тарапынан зорлық-зомбылыққа ұшырайды, оларға дене күшін қолданады. Неліктен бұлай болады? Ата-аналардың қатыгездігінің психологиялық құрамдас бөлігі қандай? Онымен өз бетінше қалай күресуге болады? Осының бәрін біз бүгін талқылаймыз. Біздің ата-аналар жиналысының тақырыбы: « Зорлық-зомбылықсыз балалық шақ»

Видеобейне көрсету. « Зорлық-зомбылық»

https://www.youtube.com/watch?v=jAzMcMTfCDs

Слайд 4. Зорлық-зомбылық түрлері. Ата-аналарды зорлық-зомбылық түрлерімен таныстыру.

Тұрмыстық зорлық-зомбылық күш көрсету, психологиялық,сексуалдық және (немесе) экономикалық зорлық-зомбылық түрінде болуы мүмкін.

• Күш көрсету зорлық-зомбылығы - дене күшін қолданып, денені ауыртып денсаулыққа қасақана зиян келтіру.

• Психологиялық зорлық-зомбылық - адамның психикасына қасақана әсер ету, оны қорқыту, қорлау, бопсалау немесе құқық бұзушылықтарды немесе өмірге немесе денсаулыққа қауіп төндіретін, сондай-ақ психикалық, дене және жеке басы дамуының бұзылуына әкелетін әрекеттерді жасауға мәжбүрлеу (еріксіз көндіру) арқылы ар-намысы мен абыройын кемсіту.

• Сексуалдық зорлық-зомбылық - адамның жыныстың тиіспеушілігіне немесе жыныстық еркіндігіне қауіп төндіретін құқыққа қарсы қасақана іс-әрекет, сондай-ақ кәмелетке толмағандарға қатысты сексуалдық сипаттағы іс-әрекеттер.

• Экономикалық зорлық-зомбылық - адамды заңмен көзделген құқығы бар тұрғын үйінен, тамағынан, киімінен, мүлкінен, қаражатынан қасақана айыру 

2.2. « Суреттер сөйлейді » жаттығуы. Слайд 5.

М.: Құрметті ата-аналар, біздің бірінші «Қорқыныш бөлмесі» аттракционымызға қош келдіңіз.

Экранда көрсетілген суреттермен мұқият таңысыңыздар. Әр сурет балаға қатысты зорлық-зомбылылықтың түрлері көрсетіледі.

- Осы суреттерде қандай зорлық-зомбылық түрлерін көрдіңіздер?

- Қалай ойларсыздар көрсетілген суреттерде баланың ішкі сезімдері қандай болды ? Бала қандай эмоциялық жағдайда болды ?

- Балаларға қатысты зорлық-зомбылықтың алдын алу үшін біз ата-ана ретінде қандай іс-әркететтер жасай аламыз?

2.3. Ата-аналармен психологиялық тренинг. « Ғажайып нәтиже» эксперименті.

М.: - Құрметті ата-аналар, біздің ойын-сауық кешеніңде эксперимент өтіп жатыр. Сіздерді эксперимент жасауға шақырамын.

Мақсаты : Отбасында баланы дұрыс тәрбиелеп, қоғамды түзете алатынымызды көрсету.

Құрал-жабдықтар: бір реттік қолданыстағы стақан, аспирин, йод, шприц, су Қосымша 3(зорлық-зомбылық , бала, отбасы)

Барысы: Стақандардың сыртына зорлық-зомбылық , бала, отбасы деп жазамыз.

М.: - Бұдан шығатын түйін әр балаға зорлық-зомбылықсыз бақытты балалық шақ сыйлау арқылы, бала болашақта қоғамға тек мейірімін шашады.

2.4. « Көңілді мозайка» ойыны.

М.: - Құрметті ата-аналар, келесі «Көңілді мозайка» ойынына қош келдіңіз.

Керекті құрал-жабдықтар : шарлар, кесілген суреттер, А3 парағы, клей. Қосымша 4

Ойын ережесі: Шарларды құлатып алмай, берілеген мозайканы құрастыру.

М. : Мінеки, былай қарасаңыз әр бала бақытты балалық шаққа лайық. Бірінші суреттердегі балалардың қандай эмоциялық күйзеліс пен стресске ұшырағаны айдан анық. Зорлық-зомбылық әр баланың жаны мен тәнін күйретеді. Әр баланың бақытты және зорлық-зомбылықсыз балалық шағын үлкендер, яғни біз ата-аналарға ғана қамтамасыз ете аламыз.

III. Қорытынды.

3.1. Бейнежазба көрсету.

М.: - Құрметті ата-аналар, сіздерді 3D фильмін көруге шақырамыз.

Қосымша 5

Бейнежазба алдын-ала сынып оқушылардың қатысуымен дайындалады. Бейнежазба жасау барысында әр балаға түрлі сұрақтар қойылады, балалар сұрақтарға жауап беруі тиіс. Жас ерекшеліктеріне сай түрлі сұрақтар дайындалады.

Сұрақтар :

• Махаббат деген не ?

• Сен үшін бақыт деген не ?

• Сенің арманың қандай ?

• Сен болашағынды қалай елестетесің ?

3.2. Психологиялық тренинг . « Шарларды жару »

М.: - Құрметті ата-аналар, келесі аттракцион «Шарларды жару» тирға қош келдіңіз.

Мақсаты: Теріс көзқарастардан арылу.

Барысы : Әр ата-анаға түрлі түсті резиналық шарлар таратылады. Әр ата-ана маркер немесе фломастермен ішкі үрейлер мен қорқыныштарын жазады. Шарларды жару арқылы бұл үрейлерден құтылады деген мағына білдіреді.

М. : Ата-аналар сіздерге әр шарға өзіңізді ішіңізде жатқан қорқыныштарыңыз бен үрейлеріңізді жазуларыңызды сұраймын. Ал жазып болсақ, бұл шарларды жарайық, ойлап қарасаңасыз біздің ойымыздағы қорқыныштарымыз тек біздің ғана ойымызда. Осылайша бәрінен арылып, тек болашақта біздің балаларымызда тек бақытты балашық болатынына сенейік.

Рефлексия. «Фотоүйшік»

Жиналыстан алған әсерлеріңізді фотосуреттер арқылы көрсетіңіз.

Қорытынды сөз.

М.: - Біздің ата-аналар жиналысын Мұқағали Мақатаевтың сөздерімен аяқтағым келеді.

« Бақыт деген – сенің бала күндерін,

Бақытсыз-ақ бақытты боп жүргенің.»

Қосымша 1

Қосымша 2

1. Балаңыздың туған күні?

2. Сынып жетекшісінің толық аты-жөні?

3. Балаңыз спорттың қандай түрін жақсы көреді?

4. Балаңыз қандай өлшемде аяқ киім киеді?

5. Балаңыздың досы кім?

6. Балаңыз қандай түсті жақсы көреді?

7. Балаңыздың бірінші тісі қанша айында шықты?

8. Балаңыздың сүйікті асы қандай?

9. Балаңыз сізді ренжіткенде, ең алдымен, қандай сөз аузыңызға түседі?

Қосымша 3

зорлық-зомбылық

бала

отбасы

Қосымша 4

Қосымша 5