Бақытты отбасы

№4 Тілеміс батыр жалпы білім беретін мектебі

Тақырыбы:

«Ата-ана бақыты —  бала.»

/ Ашық тәрбие сағаты/

Сыныбы: 5 «Ә»

Сынып жетекші: Садыбекова К.А.

Ақтоғанг ауылы

2018-2019 оқу жылы.

Өту барысы:

Кіріспе сөз

-Құрметі ұстаздар , оқушылар!Бүгінгі 5 «Ә» сыныбында өткелі отырған «Ата-ана бақыты —  бала.»атты тәрбие сағатына қош келдіңіздер!

Отбасы-мемлекеттің негізгі буыны.Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады.«Дәулет есіктен, ақыл бесіктен кіреді» демекші білім бесігі мектептен,тәрбие бесігі отбасынан бастау алады.Отбасының екі тірегі-әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз.

Топқа бөлу

Ақ көбелек – «Әке» тобы

Қызыл көбелек – «Ана» тобы

Жасыл көбелек – «Бала» тобы

• «Бақытты отбасының бәйтерегі» / шығармашылық тапсырма/

Бүгін біз бір ғажайып әлем туралы сыр шертеміз. Қалай ойлайсыңдар ол қандай әлем болуы мүмкін. Ол сіздер өскен, біздер өскен шағын мемлекет, яғни жанұя – отбасы бірлігі, ынтымақтастығы, достығы, өзара сыйластықтары. Отбасы әр адамның шағын отаны. Отбасында өсіп - өніп тәрбие алады. Біз жастайымыздан өзгелерге қамқор болуды, ата - ананы үлкендерді сыйлауды, жақсы көруді отбасынан үйренеміз. Бізге ең жақын ең қымбат жандар отбасында, яғни бірге жанымызда болады. Отбасы ата – әженің ұрпағынан тарап, шағын мемлекетке айналады.

• «Біз бақытты – отбасымыз!» бейнежазба. Оқушылардың дайындаған тақпақтары.

Самал.

Ең жақын адамдар,

Әкем мен анам бар.

Әкемнің әкесі,

Ақ басты атам бар.

Әкемнің шешесі,

Ақ шашты әжем бар.

Феруза.

Ұлдардың үлкені,

Бір туған ағам бар.

Қыздардың үлкені,

Бір туған әпкем бар.

Арсен.

Ұлдардың кішісі,

Бір туған інім бар.

Қыздардың кішісі,

Бір туған қарындас,

Әпкеге - сіңлі бар.

Аруна.

От басы – жылы ұямыз, 

Тірегі – ата-анамыз. 

Уыз сүт еміп осында, 

Уылжып біздер өсеміз.

Дулат.

Осында үлгі аламыз, 

Осында адам боламыз. 

Еркелеп, ойнап, еліктеп, 

Осында өсіп толамыз

Дәулет.

Тәрбие мектеп – от басы, 

Ақылды баулып, тіл ұштар. 

Өрімдей тезге тартылған 

Әдепті бейне дұрыстар.

Мирас.

Ата-ана болса өрнекті, 

Ұл мен қыз өсер көрнекті. 

Әуезов Мұхаң айтқандай: 

Түзейік бесік-жөргекті.

Мария.

Бұрынғының қарттары дана болған.

Қартты сыйлар жастарда сана болған.

Ата – анадан үлгі алып, жастар да,

Болашағын қорғайтын адам болған.

«Бақыт» туралы бейнежазба . Тарихта талай адамдар бақыт іздеп өмір сүрді. Қазіргі заманда бақыт та, байлық та, өмірдің мәні де – мал дүние дейтіндердің саны басым. (байлық,мансап, билік туралы аңыздар айтылады).

Сан сұраққа – бір жауап.

«Жақсы тілек – менен» әр адам көбелкке тілек жазып, тақтадағы гүлге қондырады.