«Бақытты отбасы, бақытты бала» тренинг

Мектеп психологы:

Аяпбергенова Раушангуль Наятоллаевна

Мақсаты: Ата-ананың баласына деген махаббатын және олардың тәрбиедегі көзқарасын білу үшін.

Өткізіледі: 3 класс оқушылары мен аналарына

Кіріспе бөлім

І.Сәлемдесу

Мақсаты: ата-аналар мен оқушылар өздерінің сенімділігін арттыру

Барысы : өздерінің аттарының басқы әріптерінен жасқы қасиеттерін айту.

Негізгі бөлім

ІІ.«Мен теледидар болғым келеді » бейне таспа. Ой толғау

Мақсаты: ата-аналардың бала тәрбиесіндегі ойын, ұстанатын тәртібін білу үшін.

Барысы:1-ші бейне таспа туралы оқушылардың ойын білу, 2-ші аналарының ойын білу, сол туралы өз пікірлерін ортаға салады.

Қолданылатын құралдар: Бейне таспа

ІІІ.«Сурет салу»терапиясы

Мақсаты: ана мен баланың ойын, отбасын неге теңейтінін анықтау

Барысы: ұсынылған суретке бірінші баласы салады, сосын анасы жалғастырады. Не салғанын ашық айтады.

IV.Сергіту сәті: би терапиясы

Мақсаты: Бой жазу үшін

Барысы: берілген бейнедегі биді қайталау

Қолданылатын құрал: бейне таспа

V.«Үй қалау»

Мақсаты: ананың баласына деген мейрімділігін анықтау

Барысы: ақ парақ беріледі. Соған ана бірінші қалай тәрбиелейтінін, қабырғасына, мақтау сөздерін, төбесін жабуға болашаққа үміттерін жазады. Балалары бірінші терезеге еркелетін сөздерді, екінші терезеге ұрысу сөздердін, есікке қазіргі таңда қандай жетістіктерін бар соны жазады.

Қолданылатын құралдар: ақ қағаз, қалам

VI.Ертегі терапиясы

Мақсаты: ата-аналардың фантазиясын бақылауға және оларды көңілдерін көтеру үшін.

Барысы:Жәшіктегі ойыншықтардан ата-аналар бір ойыншықтан алады және оған өздерінің ұқсастықтарын айтады. Содан кейін әр топ бірігіп сол ойыншықтардан ертегі құрастырады.

Қолданылатын құралдар: жәшік, ойыншықтар.

VII.«Жылы алақан»

Мақсаты: ата-ана мен бала арасындағы байланысты, махаббатты, сүйіспеншілікті анықтау.

Барысы: анасының көзін байлап, балаларды тізіп қойамыз. Қол ұстау арқылы өз балаларын табады. Содан кейін керісінше бала анасын табады..

Қолданылатын құралдар: орамал.

Қорытынды бөлім

Ән терапиясы:«Балаларым алға, қанаттарың талма»