Бақыттың 7 құпиясы

Сабақтың тақырыбы:

Бақыттың 7 құпиясы

Жалпы мақсаты:

Ата-ананың мектеппен байланысын дамыту, бала тәрбиесіндегі әке орнының ерекшелігіне назар аударту, жанұядағы әке мен бала арасындағы қарым-қатынасты нығайту.

Күтілетін нәтижелер:

Әкелер ынтымақтастық қатынаста болады, бір-бірін түсінеді, ойланады, баламен үнемі ашық сөйлесіп отыру қажеттігін ұғады.

Әдіс – тәсілдер:

Пікір алмасу, сұхбаттасу, сұрақ – жауап, шығармашылық жұмыс, тренинг

Көрнекіліктер:

Интербелсенді тақта, слайд, үнтаспа, плакаттар, қиынды суреттер, күрек, шариктер, кока кола, чипсы, роллтон, құмыра, тас, бұршақ, құм

Сабақ барысы:

Ұйымдастыру

Кезеңі:

-Қайырлы күн, құрметті әкелер мен ұстаздар! Бүгінгі әкелер кездесуіне қош келдіңіздер! Әкелер сіздер осы кездесуге бар шаруаларыңызды тастап, бас тартпай келулеріңіздің өзі – бала бақыты сіздер үшін маңызды екенін көрсетеді. Сонымен бүгінгі кездесуіміздің тақырыбы – «Бақыттың 7 құпиясы» деп аталады.

Шаттық шеңбері:

-Бүгінгі сабағымыз көтеріңкі көңілді күйде өтсін деген ниетпен, барлықтарыңызды ортаға «Шаттық шеңберін» құруға шақырамыз.

Мына жұмсақ қонжықты бір-бірімізге жалғай отырып, өз есімімізді айтып және мына фразаны аяқтайық. «Мен үшін әке болу – бұл ....» (бақыт, қуаныш, мәртебе, жетістік, байлық, арман, махаббат, дәреже, өмір, жауапкершілік т.б) Мыс:Менің есімім- Гаухар, «Мен үшін ана болу – бұл қуаныш»

• Керемет ой бөліскендеріңізге рахмет!

Топқа бөлу:

-Әкелер, міне, алдарыңызда себет толы гүлдер тұр. Өздеріңізге ұнаған гүлден таңдап алсаңыздар. Осы гүлдерде әр ұлт өкілдерінің аты жазылған. Сол ұлттар бойынша топ құрып, әр топ әр ұлттың биін көрсетсеңіздер.

- Рахмет, өте тамаша!

- Бақыт деген не деп ойлайсыздар?

Бақыт деген — бұл жалпыға бірдей жақсылық тілеу... деген екен Ілияс Есенберлин
- дұрыс айтасыздар, барлық адам бақытты болуы үшін жаралған. Бақыт - алда тұрған арман, мақсат. Осы бақыттың 7 құпиясы бар екен. Олай болса бәріміз бірге сол құпияны ашып көрейік.

1. Армандау

- Біз бақытқа жету үшін алдымызға мақсат қоямыз. Мақсат қоя отырып армандаймыз. -- --Жалпы арман дегеніміз не?
-Армансыз адам бола ма?
-Арманға қалай қол жеткізуге болады?

«Арман адамға қанат бітіреді» демекші алдарыңыздағы көгершіндерге өз армандарыңызды жазып ұшырсаңыздар.

- Арман дегеніміз ақыл-ойдың шындығы. Құс ұшсам дейді, бала-өссем дейді, қарт-жүзге жетсем дейді, ата-ана балам үлгілі болса дейді. Арманына адаспаған жетеді, адасқан арманына жете алмайды.

2. Қамқорлық, мейірімділік

(постер қорғау)

Бейне ролик «Бала жүрегіндегі мейірім»

Бейне ролик талқылау:

1. Әкелер бұл бейне роликтен не байқадыңыздар?

2. Суреттер бойынша өз ойларыңызды постерге түсірсеңіздер.

Әр топқа суреттер тарату.

Мейірімділік —адамдар арасындағы сыйластық, кең пейілділік, жанашырлық, ізгі ниет қасиеттері. Сіздердің мейірімді жүректеріңіз балаларға бақыт, қуаныш әкелсін.

3. Денсаулық

І топ – Кока кола үш топқа кока кол, чипсы,

ІІ топ – Роллтон роллтон беріледі.

ІІІ топ – Чипсы

• Бұл тағамдар туралы не білеміз, балаларымызға қаншалықты зиян? (Бейнеролик көрсету)

• Бақытты өмір сүру өз қолымызда. Халықта мынандай дана сөз бар: «Ақша жоғалтқаның – ештеңе жоғалтпағаның, Уақыт жоғалтқаның – көп нәрсе жоғалтқаның, денсаулық жоғалтқаның – бәрін жоғалтқаның» деген екен. Ендеше бақытты өмір сүру өз қолымызда екенін ұмытпайық. Денсаулығымызға зиян келтіретін заттардан балаларымызды аулақ ұстайық.

4. Сенімділік

-Әлемдегі ең бай 5 адамды атасаңыздар

-«Әлем аруы» байқауының соңғы 5 жүлдегерлерін атаңыз.

Қолдарыңыздан келмеді ме? Жауап беру қиындау болды ма?
 Уайымдаудың қажеті жоқ, себебі ол ешкімнің есінде жоқ.
 Сыйлықтар шаң басып қалады.
 Жүлдегерлер де ақырындап ұмыт болады.

Олай болса келесі сұраққа жауап беріп көрейік:
– Сіздерге білім нәрін беруге үлес қосқан 3 мұғалімді атаңыздар
– сіздермен әрдайым бірге болған, қиын кезде қасыңыздан табылған 3 досыңызды атаңыздар.

 Қолдарыңыздан келды ма?

 Сіздің өміріңіздегі маңызы бар адамдар, ең мықтылардың қатарында емес, сондай-ақ ең бай да емес, олар тіпті үлкен сыйлықтардың иегері де емес…
 Олар сіздің жаныңызда болатын, сізге сенетін және сіз сенетін адамдар

5. Махаббат

Жағдаяттық сұрақтарға көрініс арқылы шығу жолдарын рөлге еніп көрсетсеңіздер.

6. Еңбектену

Тренинг «Күрек»

-Әкелер сіздерді топпен бірге еңбектенуге ортаға шақырамыз.

• Ерінбей еңбек ету адамның мақсатына жетуіне көмектеседі. Табандылықпен еңбек ету адамның өмірін көркейтеді және адамның өзіне, өзгелерге қуаныш, бақыт әкеледі.

7. Уақыт

• Бойымызды сергітіп алдық. Енді «Уақыттың құпиясы» атты тәжірибесіне назар аударсақ.

Сіздерге қарапайым ғана тәжірибе көрсетейін. Міне алдарыңызда бос құмыра, бұл құмыра — біздің өміріміз. Бос құмыраны алып, таспен толтырайын. Тас — өміріміздің басты бөліктері: олар балалар, отбасы, достар, денсаулық. Енді бұршақ толы банканы алып, түгелдей тас толы құмыраға салайын. Бұршақ тас арасындағы бос жерді толтырды. Бұршақ — бізге қуаныш сыйлайтын дүние, бірақ ең маңызды нәрсе емес, яғни үй, жұмыс, көлік, бағалы заттар, т.б.
Келесі құм толып тұрған қорапты алып, құмыраға төгейін. Құм — кез келген адам өмірінде бар ұсақ-түйек нәрселер. Құм бұршақ пен тас арасынан өтіп, бүкіл бос жерді толтырды.

- Егер басында құмыраны құмға толтырсаңыз, бұршақ түгілі тасқа да орын қалмайды. Өмірде де солай: ұсақ-түйекке уақыт жұмсасаң, бастысына уақытың жетпейді...

Қорытынды

«Еркін микрафон » Рефлексия Тренинг туралы пікірлерін ортаға салу

-Міне, қоштасатын сәт жетті. Біз сіздермен бақыттың құпиясын ашып, жан-жақты талқылауға тырыстық. «Еркін микрафонды» ала отырып, бүгінгі тренинг туралы пікірлеріңізді, жылы лебіздеріңізді, ұсыныстарыңызды айта кетсеңіздер.
Әкелер барлығымыз да бақытты болуға жаралғанбыз. Ендеше, өз бақыттарыңызды бағалай отырып, лайым бақытты болайық. Алтын уақыттарыңызды бөліп келгендеріңізге үлкен рахметімзді айта отырып, отбасыларыңызға бақыт нұры шашыла берсін дейміз.