ТҰЛҒААРАЛЫҚ КОММУНИКАЦИЯ МЕН ІШКІ РЕСУРСТАРДЫ БАСҚАРУ

Бүгінгі таңда кәсіби даму мен тұлғалық өсу жолындағы маңызды қадамдардың бірі - өз бағытыңды дұрыс анықтап, соған сәйкес білім мен дағдыларды жүйелі түрде қалыптастыру. Менің қазіргі таңдағы таңдаған жолым - әл-Фараби атындағы Қазақ ұлттық университетінде физика және астрономия мамандығы бойынша магистратурада оқу. Бұған дейін мен ақпараттық технологиялар бағыты бойынша бакалавр дәрежесін аяқтап, ІТ саласында заманауи құралдармен жұмыс істеудің негізгі қағидаларын меңгердім. Осы екі бағыттың тоғысуы мен таңдаған ғылыми бағытыма да, кәсіби мақсаттарыма да ықпал етіп отыр.

Физика және астрономия - әлемді танудың ең терең деңгейін ашатын салалар. Әсіресе қазіргі ғылымда есептеуіш әдістер, үлкен деректерді өңдеу, жасанды интеллект пен сандық модельдеу физикалық зерттеулердің негізгі құрамдас бөлігіне айналды. Осы себепті ІТ білімімді нақты ғылыми ортада қолдану, зертханалық есептеулерді автоматтандыру, деректерді талдау және ғылыми жобаларға үлес қосу - менің басты мақсатым болды. Магистратураны таңдаудағы шешуші фактор - үлкен ғылыми зерттеулерге қатысу және болашақта зертхана немесе ғылыми орталықта жұмыс істеу мүмкіндігі.

Магистратурада мен астрофизиканың тереңдетілген бөлімдерін, деректерді талдау, сандық модельдеу, тәжірибелік қондырғылармен жұмыс істеу, зерттеу әдістемесі сияқты жаңа білімдер алып жатырмын. Сонымен қатар ғылыми мақалалар жазу, эксперимент нәтижелерін өңдеу, зертханалық техникаларды басқару, бағыттарында дағдыларымды жетілдірудемін.

Басқару психологиясы курсы тұлғааралық коммуникация мен өзінің ішкі ресурстарын басқарудың маңызын түсінуге көмектесті. Соның ішінде мен ең жиі қолданатын тақырыптар:

Уақытты басқару - зертханалық жұмыстар мен ғылыми тапсырмалардың көптігі нәтижесінде жоспарлау мен басымдық қою күнделікті дағдыма айналды.

Стресс пен мотивацияны басқару - ғылыми ортада кездесетін қысым жағдайларында эмоцияны реттеу, мақсат қою арқылы жұмысты тиімді ұйымдастыруды үйрендім.

Көшбасшылық дағдылары - ғылыми топ ішінде бастама көтеру, зерттеу идеясын қорғау, нәтижені түсіндіру секілді дағдылар мамандықпен тікелей байланысты.

Ал мамандық тұрғысынан басқару психологиясының шешім қабылдау, қақтығыстарды реттеу, ықпал ету және коммуникация стратегиялары сияқты бөлімдері ғылыми жобаларды үйлестіруде және зертханада жұмыс істеуде өте пайдалы.

Басқару психологиясы - адамдардың мінез-құлқы мен қарым-қатынасын басқару, көшбасшының психологиялық қасиеттері, мотивация жүйелері, тиімді коммуникация және ұйым ішіндегі тұлғааралық қатынастарды зерттейтін ғылым саласы. Ол тек басқарушыларға ғана емес, болашақ ғалымдар мен зерттеушілерге де қажет, себебі кез келген ғылыми жұмыс топпен, зертхана ішінде немесе халықаралық жобалармен жүзеге асады.

Алған білімім ғылыми зертханаларда жұмыс істеу барысында маған үлкен артықшылық береді. Біріншіден, физика-астрономия саласындағы эксперименттер мен деректерді ІТ технологиялары арқылы өңдеу мүмкіндігі - менің негізгі кәсіби бағытым. Екіншіден, басқару психологиясы бойынша қалыптасқан дағдылар командада тиімді қарым-қатынас орнатуға, зерттеу жобаларын ұйымдастыруға, уақытты басқаруға және кәсіби мотивацияны сақтауына көмектеседі.

Жунусканов Алишер Алмасович

1 курс магистранты,

Болтаева Алия Масакбаевна

Психология ғылымдарының кандидаты

Әл-Фараби атындағы Қазақ Ұлттық университеті