ЖОҒАРЫ МЕКТЕП – МАМАН ТҰЛҒАСЫН ҚАЛЫПТАСТЫРУДАҒЫ ЖЕТЕКШІ ӘЛЕУМЕТТІК ИНСТИТУТ РЕТІНДЕ

Жоғары оқу орны бірыңғай кадр даярлаумен ғана шұғылданса,онда ұзаққа бармаймыз.Тәрбие мәселесін тұтастай халықтың арасында жүргізіп отыратын,жұртқа үлгі-өнеге көрсететін мекеме болса ғана, оның мерейі үстем болмақ.Бұл Ақтөбенің Абайы атанған, ғалым,ұстаз Мұхтар Ғалиұлы Арынның ойы. Университеттіңқоғамдық құрылымдарында орнын айқындайтын бірден-бір қызметі болашақ маман тұлғасын қалыптастыру,және сол арқылы әлеуметтік ортаны тәрбиелеу.

Жоғары мектеп жағдайындағы маман тұлғасы дегеніміз – еліміздің азаматын қалыптастыру.Себебі, біріншіден, университетте философия,әлеуметтану,мәдениет және психология сияқты курстар арқылы тұлғаның дүниетанымы мен өмірге көзқарасы тұрақтанады.

Екіншіден, Виктор Франклдың «Өмірден мән ізденген жан» және Дейл Карнегидің «Дос табу және адамдарға ықпал ету өнері» кітаптарындағы ойларға сүйеніпстуденттік шақта жаңа достар,басқа орталарда бейімделу,олармен қарым-қатынастардың негізінде өмірлік ұстанымдары пайда болады.

Жоғарыдағы негізгі ойды кеңейтіп,жоғары оқу орнының маман тұлғасын қалыптастырудағы жетекші әлеуметтік институт екендігі биылғы Швейцарияның Давос қаласында жыл сайынғы өткізілетін Дүниежүзілік экономикалық форумда нақты айтылды. Онда университетте «3-4 жыл оқудың қажеттілігі?» «Мамандықтардың орнын басатын құзыреттіліктерді дайындау?» сияқты сұрақтар дебатында әзірге студенттен қоғам азаматын тәрбиелеу және кәсіби құзыретті маман дайындаудын нәтижелі жолы жоғары мектеп практикасы деген аргумент жеңіске жетті.

Қорыта келе, айтпағым бүгінде қоғамның үлгі қылып жүрген Стив Джобс пен Марк Цукерберг сындаы адамдардың университетте оқу бос уақыт жоғалту деген пікірлерді айтудағы мотиві жас әрі жылдам жұмыс күшінің еңбек нарыған әкелу ғана. Егер жастардың тұлғасы қалыптасып, азамат және маман болғаның қаласа олай демес еді...

Адамның баласы болуды ойлаған қазақ қоғамын үшін ең басты құндылық – азаматтық және адал еңбек болса, оны ол жоғары мектептен таппақ.