Бастауыш мектеп – білімнің алғашқы баспалдағы

Бастауыш мектеп – білімнің алғашқы баспалдағы

Бастауыш мектеп – әр баланың білім жолындағы ең алғашқы әрі ең маңызды кезеңі болып табылады. Дәл осы жерде оқушы әріп танып, оқуды, жазуды, санауды үйренеді. Бастауыш сыныпта алған білім баланың алдағы оқуына берік негіз қалайды.

Бастауыш мектепте балаларды мұғалім тек білімге ғана емес, тәртіпке, достыққа, үлкенді сыйлауға, кішіге қамқор болуға тәрбиелейді. Мұғалім – бала үшін екінші анадай жақын жан. Оның мейірімі мен сабырлылығы оқушының мектепке деген сүйіспеншілігін арттырады. Әрбір баланың бастауышта алған мейірімімен тәрбиесі үлкен рөл ойнайды.

Сабақ барысында түрлі ойындар, қызықты тапсырмалар мен шығармашылық жұмыстар өткізіледі. Бұл балалардың ойлау қабілетін дамытып, білімге деген қызығушылығын күшейтеді. Оқушылар бір-бірімен дос болып, топпен жұмыс істеуді үйренеді.

Бастауыш мектеп – балалық шақтың ең тәтті естеліктері сақталатын кезең. Осы мектепте қаланған білім мен тәрбие болашақта саналы, білімді, отансүйгіш азамат болып қалыптасуға жол ашады.