Бастауыш мектепте қазақ тілін қатысымдық технологиямен оқыту.

  Қазіргі кезде кеңінен оқу үрдісінде қолданып жүрген қатысымдық технология оқу материалын меңгеруге, білім алушының тұлғасына, мұғалім мен оқушының ынтымақтастығына бағытталу арқылы оқу мақсатының жүзеге асырылатыны белгілі.

Сондықтан мәтінмен жұмыс кезіндегі қатысымдық технологияны қолдану барысында оқушылардың коммуникативтік қабілеттерін дамытуға арналған деңгейлік тапсырмалары және функционалдық оқу сауаттылықты арттыру үшін ғибратты әңгімелерге дайындалған тест сұрақтары әр сабаққа қосымша көмек ретінде өте ыңғайлы болып табылады.

Тақырыпқа арналған мәтін танымдық бағасы бар, оқушылардың тілді игеруіне көмектесетін, бұрыннан таныс мәліметтердің енгізілуін, тілді игеру деңгейіне сәйкес тіл үйренудегі қиындықтарын ескере отырып таңдалынып алынды. Мәтіндерге берілетін деңгейлік тапсырмалар қатысымдық технология негізінде жасалған және олардың негізгі мақсаты-оқушылардың ауызекі сөйлеу тілін дамыту, сөздік қорын байыту,сөз тіркестерін мен сөйлемдерін іс жүзінде дұрыс пайдалану білігін жетілдіру. Қатысымдық технология негізінде мәтінмен жұмыс жасау оқушылардың теориялық білімдерін жүйелеу, алған білімдерін практикалық тұрғыда қолдануға жаттықтыру, талдау, дәлелдеу қабілеттерін дамыту, өз ойын ашық айтуға дағдыландыру мақсатын көздейді.

Қазақ тілі мұғалімі оқушыларға білім берумен бірге рухани жан дүниесі бай, жан-жақты жетіле дамыған жеке тұлғаны қазақ халқының көркем туындыларымен таныстыру арқылы қалыптастырады. Оқушылардың мәтін мазмұнын түсіне білуі және оларға ой жүгірте білу, өз мақсаттарына жету үшін пайдалана білу, қоғам өмірінде белсенділік танытуда білімдері мен мүмкіндіктерін дамыту қабілеттерінің ашылуы оқу сауаттылын құрайды.

Қатысымдық технология негізінде мәтінмен жұмыс тапсырмаларды орындау барысында қазақ тілі мұғалімдері өз шәкірттерін білімді, білікті, парасат пайымы мол, саналы , тәрбиелі, алдына мақсат қоя білетін, өзіндік пікір білдіретін , өз ойын жарыққа еркін шығара алатын тұлға ретінде жетілдіреді.