«Бастауыш сыныптар» әдістеме бірлестігінің Абай Құнанбаев шығармаларын оқыту жұмыстарының есебі

Автор: Карымсакова Жанат Кабденовна

Алматы қаласы, Түрксіб ауданы, «№142 жалпы білім беретін мектеп» КММ

Лауазымы: директордың оқу ісі-жөніндегі орынбасары

«Бастауыш сыныптар» әдістеме бірлестігінің Абай Құнанбаев шығармаларын оқыту жұмыстарының ЕСЕБІ

Желтоқсан айында Абай Құнанбаевтың шығармашылығына арналған «Жүрегімнің түбіне терең бойла» атты әдеби-сазды кеш өтті. Бастауыш сыныптың 3-4сынып оқушылары қатысты. Рухани шараны қазақ тілі мұғалімі Жеделева Нұргүл Оразовна ұйымдастырып, өткізді.

Тәлім-тәрбиелік сипаты мол, мән-маңызы зор кештің мақсаты: өскелең ұрпақты ұлы ақынның шығармашылығымен, өлеңдері және қарасөздерімен таныстыру. Сонымен қатар онда айтылған тағылымы терең сөздердің мәнін ұғындыру, әдеби талғамы биік жас оқырман қалыптастыру. Оқушылар өз тараптарынан белсенділік танытып, Абайдың өлеңдері мен аудармалары бойынша сахналық қойылымдар әзірледі. Өмірбаяны мен шығармашылығы туралы мағлұмат берді,білім мен ғылым,табиғат жайындағы лирикалық туындыларын оқыды.

4 «Б» сынып оқушысы Бейсехан Даниал Абайдың бірінші қарасөзін айта отырып, Абай образын өте жақсы сомдап шығарды.

4 «Ә» сынып оқушылары Мусатаева Құралай мен Тұрсынбекқызы Карина Абайдың шығармашылығы мен өмірбаянын таныстырды. 4 «Г» сынып оқушылары Абайдың «Ескендір» поэмасын сахналады.

Нурланова Лимара өлеңді өз нақышына келтіріп оқыды.

Бекежан Абылай Ескендір ролін, Аристотель ролін Әлімхан Мейірхан өте жақсы сомдап шықты.

4 «А»сынып оқушылары ұлттық киіммен шығып,қыздар тобы Абайдың қарасөздерін өте жақсы нақышына келтіріп оқыды.

3 «В» сынып оқушылары Абайдың әр түрлі тақырыпта жазылған өлеңдерін оқыды 3 «Б» сынып оқушылары Абайдың білім мен ғылым туралы өлеңдерін оқыды.

3 «Ә» сынып оқушылары табиғат жайындағы лирикалық туындыларынан үзінді оқыды.3 «А»сынып оқушылары Абайдың аудармалары мен мысалдарын сомдап шығарды.

Конурова Арабелла мен Қыдыр Гүлнұр «Шегіртке мен Құмырсқа»

Таңжарық Ақжол мен Құттыбай Зағипа «Түлкі мен қарға»

Ақылбай Карима мен Әбілсейіт «Бүркіт пен қарға»

Мұндай шаралардың қазіргі таңдағы «Рухани жаңғыру» бағдарламасы аясында өтіп жатқанының ерекше маңызы бар. Өйткені рухани жаңғыру өз еліңнің тарихы мен мәдениетін, ұлы тұлғаларын біліп, танудан басталатыны анық.

Үздік өнер көрсеткен шәкірттерге ақынның кітаптары сыйға тартылды.