Бастауыш сыныптарда білім берудің тиімділігін арттыру жолдары

Бастауыш сыныптарда білім берудің тиімділігін арттыру жолдары

Жастарға ғылым негізін үйретіп, адамгершілікке тәрбиелейтін мектеп ішіндегі негізгі тұлға-мұғалім.

Өйткені ол мектеп есігін ашқан жеткіншекті мәдениетті,идеялы, қажырлы және табанды етіп қалыптастырады. Мұғалім сынып оқушыларының толық үлгерімі жолында күш жігерін салып еңбек еткенде ғана, бұл міндеттерді орындай алады. Ондай мұғалім өзінің барлық білігі мен білімін бүкіл оқу- тәрбие ісін ұйымдастырып, тиімді жүргізуге жұмсайды.

Сонда оқушылардың сабақты үлгере алмауының себебі қандай? Ол себепті білуге бола ма? Әрине болады.

Оқушының сабақты нашар оқуының,сабақты үлгере алмауының басты себебі оқыту жұмысының сапасыз болуында. Педагогикалық талаптар мен әрбір пәннің оқыту әдістемесін шебер де толық қолданбаса, оқу жұмысы дұрыс ұйымдастырылмайды. Оқушылар өтілген материалды толық түсінбейді, үйге берілген тапсырманы орындап келе алмайды, не шала орындайды. Оқушының қатардан қалып қоюы әуелде ұсақ-түйектен басталуы мүмкін. Мысалы; оқушы сабақтың дұрыс өткізілмеуі себепті өтілген материалдардың біраз жерін не бәрін түсіне алмай қалады.Көпшілік оқушының үйінде түсінбегенін сұрап алатын кісісі болмайды.Мынандай жағдай болады.Мәселен; сабақ әдістемелік жағынан дұрыс өткізіледі: Бірақ кейбір оқушылар сабаққа ынта қоймай, басқа жұмыспен айналысып,не алаң көңіл болып отырады. Ал сабақтың сапасыз өтуі- мұалім білімінің жеткіліксіз, тәжірибесінің кем, әдістемені жете меңгермегендігінен болады. Оның үстіне кейбір мұғалімдер сабаққа алдын ала даярланбай келеді.Дайындықсыз сабақ қашанда нашар өтеді, оқушыларға тартымды болып шықпайды.Оқушылардың сабақты үлгермеуінің тағы бір себебі-үйге тапсырма беру және оны тексеру әдістемесінің дұрыс болмауы. Мұғалім оқытып жүрген оқушысына әрқашан қамқорлық жасап, жаны ашып, бағыт-бағдар бермесе, ол сабақты оқымай қояды. Мысалы, баланы ата-ананың тым еркелетіп, өз бетімен жіберуінен оқушы сабақ оқудан гөрі ойынға беріліп кетеді. Кейде мұғалім үлгермейтін оқушылардан сабақты сұрамайды, не өте аз сұрайды, сондықтан оқу-шы сабаққа даярлануды қояды. Озат мұғалімдердің тәжірибелері сыныптағы оқушылардың сабақ үлгерімін толық қамтамасыз етуге болатындығын шешкен. Демек, барлық оқушының сабақты жақсы оқуын қамтамасыз ету-әрбір мұғалімнің қолынан келетін іс.Оқыту жұмысының нәтижелі болуы- материалды дұрыс түсіндіруге және сабақты дұрыс жабдықтап өткізуге байланысты.

Сонымен үлгермеушілікті болдырмайсыз десек жоғарыдағы шараларды күнбе-күн іске асырып отыру міндет. Тек сабақты қызықты ұғымды етіп өткізсек (педагогикалық, дидактикалық әдістерді тиімді пайдалансақ)бұл міндеттің үдесінен шығарымыз сөзсіз.

Қайрат орта мектебі

Тақырыбы:

Бастауыш сыныптарда білім берудің тиімділігін арттыру жолдары

Өткізген: Нурпауиденова Б.Қ.