Батаның түрлері Халыққа батаУа, Жаратушы Ием!Халқымды даласымен сақтаЕлімді данасымен сақта,Сәбиімді анасымен сақта,Азаматты сынасымен сақта,Жұртымды қасірет-қайғыдан сақта,Кең даламды өріс-өріс малымен сақта!Халыққа төнген қауіптен сақта,Табиғи апаттардан сақта.Уа, халқым бауырың бүтін болсын!Сарқылмас құтың болсын!Күніміз ұлысты болсын!Жеріміз ырысты болсын!Кең даламыз медет болсын!Елбасы бірлікке себеп болсын!Жаппар Ием жар болып,Бұл бата қабыл болсын!Әумин, Аллаhу әкбар!
Той батасыӘумин десең маған,Берейін бата саған.Қатарыңның алды бол,Тең құрбыңның туы бол!Қайырлы болсын тойларың,Орындалсын ойларың.Гүлге толсын өмірің,Көңілді өтсін өмірің.Асқа толсын табағың,Ашық болсын қабағың.Бола берсін тойларың,Аман болсын отбасың.Жүзге жасын жеткенше.Болмай өтсін арманың.Баталы құл арымас,Көп бата сауап алғанныңБағы кеміп сарқылмас.Әумин, Аллаһу әкбар!... Бесік салар батасыҚұтты болсын бесігің,Артық болып несібең,Дастарқаның жайылып,Ашық болсын есігің,Өре берсін балалар,Дұшпандарың болмасын,Күншілдікпен табалар.Алпамыстай тағы да,Ұл артынан ұл тапкын.Жарқыраған Шолпандай,Қыз артынан кыз тапқын.Құтты болсын бүгінгі,Шілдехана тойларың.Тілектерің қабыл боп,Орындалсын ойларың.Әумин! Тұсау кесер батасыТұсауың кесілді, құлама,Тізеңді жаралап жылама.Құлындай құлдырап жүгірші,Қанеки, өзіңді сына да.Секірсең құздардан сүрінбе,Шыңдарға шыққанда бүгілме.Болаттай қабырғаң қатайып,От ұшқын ойнасын түріңде,Ұзақ боп Инша Аллаһ өмірің,Тасысын шаттықтан көңілің.Жарқырап күн санап өсе бер,Жарқылдап семсердей сенімің.Әумин!
Жас балаға батаАллаһ сені қолдасын!Көпке басшы көсем бол,Сөйлер сөзге шешен бол,Қауіп пенен қатерден,Әрқашан да аман бол!Лұқпандай хакім бол,Еңбек етіп еліңе,Халқыңа сондай жақын бол!Төле бидей әділ бол,Әйтекедей топ жарғанЕліңе сондай мәлім бол!Панасызға пана бол,Әділ шешіп әр істі,Ақылың асқан дана бол!Әумин, Аллаһу әкбар!
Ұл балаға батаЖүсіптің дидарын берсін,Мұхамбеттің иманын берсін,Жанына даланың кеңдігін берсін,Әзірет Әлидің ерлігін берсін.Абылайдың байрағын берсін,Бауыржан батырдың айбарын берсін!Еліне ырыс-құт орнасын.Жеріне тыныштық орнасын!Алыс жолдарда,Қалың орманда,Тайғанақ құздарда,Шатқалда, мұздарда,Көлденең келекр қазадан,Жазықсыз төнген жазадан,Әулие-әнбиелер қорғасын,Ата-баба рухтары қолдасын!
Қыз балаға батаТалдай бой берсін,Сұңғыла ой берсін,Жаздай жамал берсін,Қардай жанар берсін!Анаға шуақ болсын,Ағаға қуат болсын,Нәзік жаны болсын,Елінің ары болсын,Басына өнердің бағы қонсын,Ақ орданың шамы болсын!
Ас батасыА, құдайым оңдасын,Оңдағанның белгісі,Қайырлы етіп басыңаБақ-береке орнасын!Дұшпаның үстем болмасын,Маңың үбірлі-шүбірлі болсын.Келген ырыс кетпесін,Жамандық келіп жетпесін.Сапар жүрсең жолың болсын,Қалтаң толған пұлың болсын.Жарылқасын Қорғаушың,Халқымызға заман бейбіт болсын,Табиғат таусылмайтын ризық беріп,Тартылған дастарқанға тағам болсын.Қауіптен ел-жұртымыз аман болып,Көп қылып үйіңізге бала берсін.Оларға таудай талап, сана берсін,Ер жетіп балаларың батыр болып,Өмірлері қызықты бола берсін.Үйіңе жақсы адамдар келе берсін,Тауфықты, инабатты келін берсін,Ақ көңіл, ата-анаға жақын болып,Қызығын ел-жұртың көре берсін.Ұл берсе, оразды берсін,Қыз берсе, қылықты берсін.Шашы ұзын болсын,Жүзі қызыл болсын.Әуелі Құдай жарылқасын,Ұлықманның жасын берсін,Атымтай Жомарттың даңқын берсін.Әумин! Аллаһу әкбар!
Соғым батасыСоғым қайырлы болсын,Қазаның тоқ болсын,Уайымың жоқ болсын,Дастарқандарың кең болсын!Бала-шағаң ер болсын!Бізге бергеннің есесін берсін!Есенің де Тәңірі бірнешесін берсін!Әумин!
Жолаушыға батаИә, Құдайым оңдасын,Оң жолына бастасын.Жорытқанда жолың болсын,Жолдасың періштелер болсын.Жер жүзіндегі қатерден.Жаппар Иеме тапсырдым!Судан келер қатерден,Сапардағы қатерденЖаратушы жан Ием,Сақтай гөр деп тапсырдым! Қайырлы дәулет берсін, Халыққа татулы өмір берсін, Өткенге иман берсін. Тіріге береке берсін, Жастарға ғұмыр берсін Халқымызға бірлік берсін! Әумин, Аллаһу әубар!
ҚР Білім және Ғылым министірлігінің стандартымен жасалған
23 Қараша 2018
521
0 рет жүктелген
