Баяндама: Жасанды интеллект мүмкіндіктерінің геометриядағы қолданысы"

Жасанды интеллект мүмкіндіктерінің геометриядағы қолданысы

Жасанды интеллект (ЖИ) геометрияны ұлттық құндылықтармен байланыстыруда маңызды рөл атқара алады. Ол ұлттық ою-өрнектерді тану, сәулет өнерін модельдеу, дәстүрлі өрнектерді цифрландыру және жаңа дизайн жасау сияқты процестерді автоматтандыруға мүмкіндік береді.

ЖИ көмегімен ою-өрнектерді тану және цифрландыру. ЖИ ұлттық ою-өрнектердегі геометриялық пішіндерді (үшбұрыштар, ромбтар, шеңберлер) талдайды. Қазақтың киіз үйіндегі, сәулет өнеріндегі, кілем өрнектеріндегі геометриялық симметрияны таниды. Симметриялы нүктелер, симметриялы нүктелердің координаталарын табуға, симметриялы фигуралар, симметриялы ою-өрнектерді салуға Geogebra.org платформасын пайдаланып, оқушыларға жұмыс жасатуға болады. Бұл платформаның мүмкіндігі өте көп.

3D модельдеу және геометрия. Киіз үйдің құрылымында болатын айналу денелерінің (цилиндр, қиық конус) 3D моделін кеңістікте көру үшін ARLOOPA платформасын қолдануға болады. Киіз үйдің 3D модельдерін Blender AI tools-та жасап, оқушыларға цилиндр, қиық конустың киіз үйдегі үлгісін ұсынуға болады. Оқушылар смартфон арқылы киіз үйдің 3d моделін көре алады. Geogebra.org платформасында айналу денелері конус, цилиндрдың жазбаларын көрсету сабақ уақытында уақытты үнемдеуге өте көп септігін тигізеді.