Баяндама

Ойлау қабілетін дамытудың заманауи әдіснамалық бағыттары

Білім беру мазмұнының жаңартылуы оқушының тек білімді меңгеруші емес, сол білімді қолданушы тұлға ретінде қалыптасуын көздейді. Осыған байланысты ойлау қабілетін дамытудағы әдіснамалық тәсілдер де өзгеріп, жаңашыл бағыттарға негізделуде.

Қазіргі заманғы әдістемелік тәсілдер оқушының өздігінен ойлануына, ізденуіне, таңдау жасауына және шығармашылықпен жұмыс істеуіне мүмкіндік беретін технологияларға негізделеді.

Заманауи әдіснамалық бағыттар мыналарды қамтиды:

1. Сыни ойлауды дамыту технологиясы (СОДТ):

Бұл әдістің мақсаты – оқушының әртүрлі ақпаратты қабылдап қана қоймай, оны талдап, сұрыптап, өз көзқарасын дәлелдей білуіне жағдай жасау. Сабақтың «Қызығушылықты ояту – Мағынаны тану – Ой толғаныс» кезеңдері оқушыны ойлануға жетелейді.

2. Ойын технологиясы:

Ойын – бастауыш мектеп оқушысының негізгі әрекеті. Танымдық ойындар, логикалық ойындар, рөлдік және іскерлік ойындар ойлау әрекетінің белсенділігін арттырып, оқушылардың өзара әрекеттесуіне ықпал етеді.

3. Проблемалық оқыту:

Мұнда мұғалім дайын ақпарат бермейді, керісінше, оқушының алдына мәселе қояды. Оқушы сол мәселені шешу жолын өз бетінше іздейді. Бұл ойлау мен зерттеушілік қабілетті дамытады.

4. Дамыта оқыту технологиясы:

Бұл технология оқытудың мазмұны мен әдістерін оқушының даму ерекшелігіне бейімдей отырып, олардың қабілетін жүйелі түрде жетілдіруді көздейді. Ж.А.Қараевтың деңгейлік тапсырмалар жүйесі осы бағытқа жатады