Бауырсақ ертегісі

Қуыршақ театр

Тақырыбы: «Бауырсақ».

Мақсаты:Ертегіні тыңдауға қызығушылықтарын арттыру. Ертегіні айтып түсіндіру және сахналау барысында кейіпкерлердің мінез-құлқын ажырата білуге үйрету. Көркем тілдік және қуыршақ театры арқылы рөлдерге еніп орындау қабілеттерін дамыту. Диалог түрінде сөйлеуге үйрету. Қолданылатын құралдар: Ширма, бауырсақ ертегі кейіпкерлерінің қуыршақтары, үнтаспа.

Мотивациялық  қозғаушылық

-Балалар, «Бауырсақ»ертегісін білесіңдер ме ?  
Ертегіні есімізге түсірейікші.Ертеде шалмен кемпір болыпты,шалы кемпіріне бауырсақ пісіруін сұрайды.Кемпір бауырсақ пісіріп,суысын деп терезе алдына қояды.Жата-жата жалыққан бауырсақ,терезеден секіріп түсіп домалай жөнеледі.Жолда қоянға,қасқырға,аюға кездеседі,түлкі бауырсақты жеп қояды.Міне балалар,бауырсақ сәтсіздікке ұшырайды. 
-Түлкі қандай? 
-Бауырсақты жеп қойғаны аянышты ма? 
Ал, енді бүгін «Бауырсақ»ертегісінің жаңа нұсқасында бауырсақ сәтсіздікке ұшырамайды,керісінше жақсылыққа кенеледі.Олай болса, «Бауырсақ»ертегісінің жаңа нұсқасымен таныс болайық. Балалар рөлдерге бөліп ойнап көрейік. 

«Бауырсақ»ертегісін тамашалаңыздар. 
Тәрбиеші: 
-Кемпір мен шал болыпты.Бірде шал жалынып. 
Шал: 
-Кемпір-ау,маған бауырсақ пісіріп берсеңші. 
Кемпір: 
-Неден пісірейін?Ұн жоқ қой! 
Шал: 
Әй,кемпір-ай!Қаптың түбін қырнап көрсең ғой бауырсақтық ұн табылып қалар. 
Тәрбиеші: 
Кемпір солай істейді,қаптың түбін қырнап-қырнап екі уыс ұн табады да,қаймақ қосып,қамыр илеп,бауырсақты майға пісіріп,терезе алдына суытып қояды.Жата-жата жалыққан бауырсақ терезе алдынан домалап түседі де,одан әрі жолмен зырлай жөнеледі.Бауырсақ жолда зымырап бара жатса,қарсы алдынан қоян шыға келеді. 
Қоян: 
-Бауырсақ!бауырсақ! Мен сені жеп қоямын! 
Бауырсақ: 
- Жоқ,сен мені жеме саған өлең айтып берем. 
-Мен бауырсақ,бауырсақ, 
Атамнан қаштым, 
Әжемнен қаштым. 
Ал сенен қашу,қоян, 
Қиын емес маған. 
Осылай әндетіп бауырсақ домалай жөнеледі. 
Бауырсақ жалғыз аяқ жолмен келе жатса,оның алдынан қасқыр шыға келіп 
Қасқыр: 
-Бауырсақ! Бауырсақ!Мен сені жеп қоямын! 
Бауырсақ: 
-Сен мені жеме,мен саған өлең айтып беремін. 
-Мен бауырсақ,бауырсақ, 
Мен атамнан қаштым, 
Әжемнен де қаштым, 
Қасқыр,сенен де құтылам-деп домалай жөнеледі. 
Бауырсақ орман ішімен домалап келе жатса, оған аю қарсы шығады. 
Аю: 
- Әй,бауырсақ!Мен сені жеп қоямын! 
Бауырсақ: 
-Сен мені жеме,мен саған өлең айтып берейін. 
-Менен бауырсақ,бауырсақ, 
Мен атамнан қаштым, 
Мен әжемнен қаштым. 
Қояннан да қаштым, 
Қасқырдан да қаштым, 
Аю сенен де қашам. 
Тәрбиеші: 
Осылай бауырсақ әрі қарай домалай жөнеледі. 
Түлкі: 
- Амансыңба,бауырсақ! Көргендерге ұнайды,жүзің қызыл шырайлы! 
Тәрбиеші: 
- Бауырсақ мақтағанға мәз болып,өлеңін айта бастайды.Түлкі болса қыбырын білдірмей,жақындай береді. 

Түлкі: 
-Оңай құтыла алмайсың,менің тапсырмаларымды орындап, жұмбақтарымды шешіп көріңдер,сені жемеймін. 
Жұмбақтар 
1.Қыста ақ, 
Жазда сұр. (Қоян )
2.Қорбаң-қорбаң етеді, 
Орманда ол жүреді. ( Аю)

3. Қаңғырамын үйім жоқ, 

  Ауылдардың қойы көп.

Ұрлық,зорлық кәсібім,  

  Тамақтанар-нәсібім. (Қасқыр)
1 тапсырма 
-Бауырсақ неден жасалады? 

-Ұннан жасалады.
-Ұннан жасалатын тағамдар ? 
-Бауырсақ,нан,торт,печенье. 

2 тапсырма 

-Балалар, сендер маған достық туралы ән орындап бересіңдер ме? 
-Жарайды бауырсақ мен сені жемеймін,сенің достарың көп екен.
Рефлексиялық түзетушілік: 

-Жарайсыңдар,балалар. 
-Бауырсақ кандай аңдарға кездеседі? 
-Түлкі қандай? 
Балалардың жауабы 
-Қоян 
-Қасқыр 
-Аю 
-Айлакер,қу. 

-Жарайсыңдар, балалар!

Бүгінгі қуыршақ театрынан ертегіні сендер жақсы сомдай білдіңдер. Рахмет сендерге!

Күтілетін нәтиже: 
Біледі: Балалар жағымды,жағымсыз қасиеттерді айыра білуді. 
Түсінеді:ертегі мазмұнын, кейіпкерлердің мінез-құлқын.

Игерді: Диалог түрінде сөйлеуді, кейіпкерлердің қимыл-қозғалысын, дауыс ырғағына келтіре айтуды.