«Бауырсақ» ертегісі.

Мақсаты:Балаларға ертегілер туралы түсінік беру . Ертегі кейіпкерлерін ойнай отырып , баланың қиялы мен қабілетін жетілдіру . Балалардың сөздік қорын, байланыстырып сөйлеуге дағдыландыру .Өзара сыйласып , достық қарым-қатынаста болуға, біреуге қызғанып қарамауға, бірін-бірі құрметтеп, үлгі тұтуға тәрбиелеу.

Ерте заманда бір шал мен кемпір өмір сүріпті . Бір күні шал кемпіріне :

-Маған бауырсақ пісіріп берші ,-дейді .

-Неден пісіремін ? Көп болды үйде ұн жоқ .

-Әй кемпірім-ай . Сен қамбаны сыпырып , қуыс-мүйісін қырна осылайша қалған-құтқан ұнды жина .

Кемпір шалының айтқанын істейді . Қамбаны сыпырып , қуыс-мүйісті қырнап әзер дегенде екі уыстай ұн жинап , оны қаймаққа илеп , бауырсақ жасайды . Пешін жағып , табасына майын құйып , бауырсақты пісіруге қояды . Көп , аз уақыт өткені белгісіз үй ішін тәтті нан иісі алып кетеді .

Бауырсақ –тегіс домалақ , сырты қызаңқырап әдемі болып піседі .

Шал оны бірден жегісі келеді , бірақ бауырсақ өте ыстық еді . Кемпір бауырсақты суытуға терезе алдына қояды .

Бір өзі жатып-жатып жалыққан бауырсақ жерге түсіп , жерден шөпке , шөптен жолға түсіп әрі қарай домалай жөнеледі .

Бауырсақ домалай отырып , көк майсалы жерлерден , кең далалы егістіктерден өтеді . Осылай домалаған күйі қалың қараңғы орманға келіп тіреледі . Орманда оған қоян кездеседі .

Қоян айтады :

-Бауырсақ , бауырсақ .Мен сені жеймін .

Бауырсақ оған былай жауап береді :

-Мен атамнан , әжемнен кеткен бауырсақпын , сенен қоян кетуге аса қулықтың қажеті жоқ . Осылайша бауырсақ әрі қарай домалай жөнеледі , қоян оны дұрыс қарапта үлгермей қалады .

Бауырсақ жалғыз аяқ жолмен домалап келе жатса , оның алдынан қасқыр шыға келіп :

-Бауырсақ , бауырсақ , мен сені жеймін .

-Қасқыр сен мені жеме , одан да мені тыңда .

Мен атамнан , әжемнен , қояннан кеткен бауырсақпын , мен қасқыр сенен де кетемін .Осылай бауырсақ әрі қарай домалай жөнеледі .

Бауырсақ орман ішімен домалап келе жатса оған аю қарсы шығады.

-Бауырсақ , бауырсақ , мен сені жеймін .

-Жоқ , аю , сен мені жеме , одан да мені тыңда .

Мен атамнан , әжемнен , қояннан , қасқырдан кеткен бауырсақпын , аю сенен де сенен де кетемін . Осылай бауырсақ әрі қарай домалай жөнеледі.

-Бауырсақ домалап келе жатса , алдынан түлкі шығып :

-Бауырсақ , бауырсақ , мен сені жеймін . Түлкі , сен менің не айтатынымды тыңда . Оған қу түлкі былай дейді :

-Мен сенің айтқаныңды тыңдар едім , қазір қартайып , құлағымның естуі нашарлап жүр , менің тұмсығыма отыр да , айта ғой .

Түлкінің тұмсығына отырып бауырсақ әңгімесін бастайды .

-Мен атамнан , әжемнен , қояннан , қасқырдан , аюдан кеткен бауырсақпын , түлкі сенен де кетемін . Осыны айтып үлгергені сол-ақ екен түлкі аузын ашып , тістерін ақситып , бауырсақты жұтып жібереді .

Осымен ертегі аяқталады . Ертедегі бауырсақ қаншама қумын десе де , одан да қу табылады .