«Бауырсақ» ертегісіне саяхат (Кіріктірілген оқу іс-әрекеті)

Жеңісқызы Аяулым, тәрбиеші

Астана қаласы әкімдігінің №81 «Әсемгүл» балабақшасы МКҚК

Міндеті: Балалардың жыл бойы меңгерген білімдерін пысықтау. Сенсорикалық қасиеттерін дамыту, пішіндер мен түстерді ажырата білуге үйрету. Заттарды көлеміне қарай салыстырып айтуға (үлкен–кіші, ұзын–қысқа, көп–аз) дағдыландыру. Саусақтың ұсақ моторикасын, шығармашылық қабілеттерін дамыту, тапсырмаларды қызығушылықпен орындауға үйрету.

Білім беру салалары: Коммуникация, шығармашылық, таным.

Балалардың іс-әрекет түрлері: Тіл дамыту, ойын әрекеті, шығармашылық жұмыс, қимыл-қозғалыс.

Әдіс-тәсілдер: Сұрақ-жауап, дидактикалық ойындар, шығармашылық тапсырмалар, көтеріңкі көңіл күй қалыптастыру.

Күтілетін нәтиже: Ертегі мазмұнын қызығушылықпен тыңдайды, кейіпкерлерді таниды; «Бауырсақ» ертегісіндегі кейіпкерлерді (кірпі, қоян, қасқыр, аю, түлкі) атай алады; домалақ пішінді таниды және бауырсақтың домалақ екенін айтады; негізгі түстерді (сары, қызыл және т.б.) ажыратады; заттарды көлеміне қарай салыстырады (үлкен–кіші, көп–аз); ойын және тапсырмаларға белсенді қатысады; саусақпен домалақтау, сипау арқылы ұсақ қол моторикасын дамытады; шығармашылық жұмыстарды (ұннан, табиғи материалдан) тәрбиешінің көмегімен орындайды; қонақтарға және бір-біріне сыпайы қарым-қатынас жасайды.

Іс-әрекет барысы:

Ұйымдастыру кезеңі

– Балалар, алдымен амандасып алайық.
– Біз әдепті баламыз, амандасамыз:
«Сәлеметсіздер ме! Қайырлы таң!»

– Балалар, қараңдаршы, бүгін бізге қонақтар келіпті.
– Бұл кімдердің ата-әжесі?
– Ясминнің ата-әжесі.
– Қонақтармен амандасайық.
Балалар қонақтармен сәлемдеседі.

Мотивациялық кезең

– Балалар, сендер ертегіні жақсы көресіңдер ме?
– Иә.
– Бүгін Ясминнің ата-әжесі бізге ерекше ертегі ала келіпті.
– Қараңдаршы, бұл қай ертегі?
– Бауырсақ.
– Дұрыс айтасыңдар, біз бүгін «Бауырсақ» ертегісіне саяхат жасаймыз.

– Балалар, қараңдаршы, бізге не домалап келді?
– Бауырсақ.
– Бауырсақ қандай?
– Домалақ, сары, көңілді.
– Ол ата мен әжесінен қашып кеткен екен.
– Ендеше, бауырсақпен бірге орманға саяхатқа барамыз ба?
– Иә.

Бауырсақ әндетеді:
«Мен көңілді бауырсақ,
Майға піскен бауырсақ».

1-кезең. Кірпімен кездесу

– Ой, кірпі, мені жейсің бе?
– Жоқ, жемеймін. Менің жинаған жемістерім көп. Менің көңілімді көтеріп, ойнайсыңдар ма?
– Иә.

Дидактикалық ойын: «Кірпінің инелері»
Балалар кірпі добын алақанға салып, алға-артқа домалатады (саусақ моторикасы).

2-кезең. Қоянмен кездесу

– Қоян, мені жейсің бе?
– Жоқ, жемеймін.
– Менің бүгін туған күнім. Мені қуантасыңдар ма?
– Иә.

Дидактикалық ойын: «Шарларды жина»
Балалар шарларды түстеріне қарай жинайды.
«Қоян» әнін орындайды.

3-кезең. Қасқырмен кездесу

– Мені жейсің бе?
– Жоқ, жемеймін. Маған үй керек.

Дидактикалық ойын: «Тез құрастыр»
Балалар кубиктерден үй құрастырады (үлкен–кіші).

4-кезең. Аюмен кездесу

– Мені жейсің бе?
– Жоқ, жемеймін.
– Бірақ мен бауырсақты өте жақсы көремін.
– Ендеше, балалар, аюға бауырсақ жасап берейік.

Шығармашылық жұмыс 1

«Тәтті бауырсақ»
Балалар тағамдық бояумен боялған ұннан бауырсақты домалақтап жасайды
(домалақ пішінді бекіту, түстерді ажырату, саусақ моторикасы)

5-кезең. Түлкімен кездесу

– Мені жейсің бе?
– Жоқ, жемеймін.
– Маған да бауырсақ жасап беріңдерші.
– Иә, жасап береміз.

Шығармашылық жұмыс 2

«Табиғи бауырсақ»
Балалар ұнтақ дарма салынған ыдыстарға саусақпен домалақтап, бауырсақ кескінін салады.

Түлкі:
– «Рахмет, балалар! Сендер өте шебер екенсіңдер!»

Қорытынды бөлім

Бауырсақ қайтадан ата мен әжесіне оралады.
Ясминнің ата-әжесі балаларға алғыс білдіреді.

– Балалар, сендерге ертегі ұнады ма?
– Иә.
– Бауырсақ қандай аңдармен кездесті?
– Кірпі, қоян, қасқыр, аю, түлкі.
– Бұл аңдар қайда мекендейді?
– Орманда.

Рефлексия:
– Жарайсыңдар, балалар! Бүгін сендер өте белсенді, ақылды, шығармашыл болдыңдар