Тақырыбы: «Бейбіт - күннің барырлары»

Мақсаты:

Еліміздің тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету.

• Оқушылардың туған өлкемізге деген сүйіспеншілігін, сезімдерін ояту.

• Елін, жерін сүюге, Отанын қастерлеуге, шыншылдыққа тәрбиелеу.

Көрнекілік: видеоролик, шарлар, ән ұран, .

ЖОСПАРЫ:

І.Кіріспе

1.1 Қазақстан Республикасының гимні.

1.2 Іс-шараны ашу (жүргізушілер сөзі)

1.3. Желтоқсан құрбандарын 1мин еске алу

ІІ. Негізгі бөлім

2.1 Желтоқсан оқиғасы туралы видеролик көрсету

2.2 Іс-шараға келген қонақтармен таныстыру

2.3 Қонақтарға сөз

2.4. Күй. Димаш 9 «Б» сынып оқушысы

2.5 Оқушылар сұрағы

2.6 Көрініс (М.Шахановтың желтоқсан оқиғасы туралы съезде сөйлеген сөзі)

2.7 Әдеби-монтаж Ж. Молдағалиев «Мен қазақпын»

ІІІ.Қорытынды

Хор «АТАМЕКЕН»

ӨТУ БАРЫСЫ:

І.Кіріспе

Жүргізушілер:

Мұғалімнің сөзі

- Қазақстан Республикасының гимні. Хор.

1- жүргізуші:

Тәуелсіздік бізге оңай келмеді.

Жұртым менің не қиындық көрмеді?

Жылап тұрып аналарым бұл жолда,

Сан перзентін қара жерге жерледі

2- жүргізуші:

Тәуелсіздік, таңы атты, тәуелсіздік күніне арналған «Бейбіт - күннің барырлары» атты іс-шарамызға қош келдіңіздер!

1- жүргізуші:

Тәуелсіздік бізге оңай келмеді.

Асау аттай өз тізгінін бермеді.

Қазағымның алтын басын иілтіп,

Талай дұшпан төрімізге төрледі.

2- жүргізуші:

Тәуелсіздік жолында, Қайрат Рысқұлбеков, Ләззат Асанова, Ербол Сыпатаев, Сәбира Мухамеджанова, және тағы басқа қазақ жастары желтоқсан оқиғасы кезінде қайсарлықпен ерлік көрсетіп құрбан болды. (1 мин үнсіздікпен ерлерімізді еске алайық)

Осы кезде видеоролик қосылады

1- жүргізуші:

Бүгін міне, қиын қыстау кезінде қазақ жастары бір-біріне сүйеу болып, тәуелсіздік жолында жан кешкен батырларымызбен үзеңгілес болып, қазағымның бірлігін, ынтымағын көрсетіп, ортамызда кешегі Желтоқсан оқиғасына куә болып, ұлттық намысты ту етіп, ұлан байтақ жерімізді, қасиетті тіліміз бен салт- дәстүрімізді, ата-баба өсиетін келешек ұрпаққа, яғни біз бен сіздерге жеткізу мақсатында қос әпкеміз Аубакирова Баян Әлиқызы мен Оразбаева Нағима Өтемісқызы қостап ынтымақтары жарасып бүгін біздің ортамызда. Қошеметпен қол соғып қарсы алайық.

2- жүргізуші:

1986 жылы 16 - желтоқсанда таңертең, Алматыда жаппай толқу басталды. Жастар алаңға жинала бастады. Алаңда «Біз қазақ, ежелден еркіндік аңсаған», «Әрбір ұлтты өз көсемі басқарсын», «Тәуелсіздік керек»,- деген ұрандар айтылып, өз елінің тәуелсіздігін талап етіп, шеруге шыққан жастарды өздеріңіз де көріп куә болдыңыздар, сол қасіретке толы оқиға туралы өз ойларыңызды ортаға сала отырсаңыздар. Сөз өздеріңізде.

1- жүргізуші:

Оқушылардың Сіздерге қояр сұрақтары бар екен соған жауап бере отырсаңыздар екен:

СҰРАҚТАР:

1.

2.

3.

4.

5.

2- жүргізуші: (Көрініс)

Енді, назарымызды сахнаға аударайық;

1-жүргізуші:

Сөз Қазақ ССР-нің депутаты, ақын Мұхтар Шахановқа беріледі регламен 3 мин: (Мінбеге жүгіре басып М.Ш шығады)

Құрметті делегаттар!

Алматыда 1986 жылы желтоқсан айында қырғын оқиға болғанын білесіздер. Үкіметке өз наразылықтарын білдіру үшін, қазақ жастары бейбіт шеруге алаңға шыққан еді. Үкімет оларды «Бұзақылар», «Нашақорлар», «Маскүнемдер», «Ұлтшылдар» деп айыптады, бұл айыптау менің еліме, жастарыма тағылған Жала деп білемін. Солдаттар, қарусыз жандарды дубинкамен ұрып-соғып, қақаған аязда өрт сөндіру машиналарымен су шашып, 3-4 сағат мұздың үстіне отырғызып қойып, шаштарынан сүйреп азаптады.

Менің жастарым, «Бұзақыда», «Нашақорда», «Маскүнемде», «Ұлтшылда» емес, олар - ҰЛТЖАНДЫ!!! (мінбеден түсіп ортаға беттеп)

№1 -Дарын

Мен – қазақпын мың өліп, мың тірілген.
Жөргегімде таныстым мұң тілімен.
Жылағанда жүрегім, күн тұтылып,
Қуанғанда күлкімнен түн түрілген.

№2 - Айнура

Мен – қазақпын, ажалсыз анамын мен,
Құрсағыма сыйдырам даланы мен.
Пәк сәбимін бесікте уілдеген,
Дәуірлермен құрдаспын, данамын мен.

№3- Қ.Диас

Мен – жігітпін, айқасқа, сынға асықпын
Жүрегі бар кеудемде шын ғашықтың.
Жанартаудай жойқынмын жұлқынғанда,
Шарықтасам, қыран боп шыңға шықтым

№4- Зере

Мен – қара көз сұлумын, сайтан қызбын
Сайрай қалсам, тілімнен бал тамғыздым.
Сүйер болсам, өмірдей өле сүйдім,
Қас батырмен қайрасқам балтам жүзін.

№5 -Ж.Әлихан

Мен – қазақпын мың өліп, мың тірілген,
Жөргегімде таныстым мұң тілімен.
Жылағанда жүрегім күн тұтылып,
Қуанғанда күлкімнен түн түрілген.

№6- Әбілмансур

Мен – қазақпын бір биік белеспін мен
Европа да, Азия да емеспін мен.
Аралықпын, жетінші материктей,
Бірақ барша адаммен тең өстім мен.

№7- Қуанышбек

Мен – қазақпын қаныммен, сүйегіммен.
Сән-салтанат, салтымды сүйемін мен.
Бақ орнатам басыңа моланың да,
Мұрагермін оған да, иемін мен.

№8-Нурберген

Мен – қазақпын, биікпін, байтақ елмін,
Қайта тудым, өмірге қайта келдім.
Мен мың да бір тірілдім мәңгі өлмеске
Айта бергім келеді, айта бергім!

Хор: Атамекен.

2- жүргізуші:

Сонымен балалар, бүгін біз дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп әлемге әйгілі болуымыздың өзі - осы Тәуелсіздікке қол жеткізуіміздің арқасы. Олай болса Тәуелсіздігімізге шаң жұқтырмай оны ең қымбат бұйымымыздай етіп құрметтеп, келер ұрпақтар қолына аманаттап тапсыруға тиіспіз. Елімізді ішкі - сыртқы дұшпандардан қорғауға міндеттіміз. Сонда ғана Тәуелсіздігіміз мәңгілікке мирас болмақ
1- жүргізуші:

Қорытынды сөз директордың тәрбие ісі жөніндегі орынбасары Жанар Ордагуловнаға беріледі