Бейбітшілікті қастерлеу - адамзаттың парызы

Бейбітшілік - ұлттың қазынасы, гаухар тасы. Бейбітшілік - оңайлықпен келген, бәріне бірдей бұйырған бақыт емес. Ендеше, тәуелсіз елдің бейбіт азаматы болудың қандай жеңіс екенін бірге қарастырайық.

Тәуелсіз елдің жас ұрпағы үрей мен қорқынышсыз емін-еркін өмір сүре алады. Ал, ғұмырлары өлім мен өмірдің арасында қалып кеткен қаншама қанаты жайылмаған жастар кетті. Мысалы, екінші дүниежүзілік соғыс қаншама арманы ұшқыр, мақсаты биік-жасампаз буынды жастай сүріндірді. Осындай соғыстың біріне Сириядағы қақтығысты ала аламыз. Бұл соғыс арқылы елдің экономикасы 20% дейін түсті. Инфрқұрылым құлдырап, аурухана, мектептер толықтай бұзылды. Осындай әлемдегі тұрақсыздықтың салдарынан өндіріс тоқтайды, инфляция өседі, жұмыссыздық көбейеді, халықтың тұрмысы қатты төмендейді. Бұл тек сол елдің ғана ішкіи саяси бірқалыптылығын бұзып қана қоймай, жалпы әлемге зиянын тигізеді. Соғыстар экономикалық санкцияларға, сауда тоқырауына әкеледі. Мысалы, Ресейге қарсы санкциялар әлемдік нарықтағы мұнай мен газ бағасының күрт өсуіне себеп болған болатын. Саяси жағдайлардың шиеленісуінің кесірінен қарапайым халық ең көп зардап шегеді. Білім, ғылым жағынан күйреп, сауатсыздық өршиді. Білім алуға жағдай жасалмағандықтан сапалы маман иелері даярланбайды. Бұл өз кезегінде елдің ел болып сақталуына үлкен кедергісін келтіреді. Босқындар көбейіп, туған жерлерін тастап, шарасыздықтан басқа елдерге қашуға мәжбүр болады. Яғни, ұлттың болмысы қирайды.

Көріп отырғандарыңыздай, бейбіт елдің бейбіт тұрғыны болу - адам баласына берілген үлкен нығмет. Осындай тәуелсіз елді бізге мұра ретінде қалдырған ата бабаларымызға мың алғыс! Осы баға жетпес қазынамызды сақтап қалып, ұлт алдындағы борышымызды өтеу әрқайсымыздың міндетіміз! Себебі соғыстың зардабын көрмей өмір сүру – баға жетпес құндылық.

Әл-Фараби атындағы №21 мамандандырылған гимназияның 11 класс оқушысы

Көлтаева Інжу Нұрлыбекқызы