"Бейнелеу өнерінің түрлері мен жанрларын"

Сабақ жспары:

Бейнелеу өнері

Сабақтың тақырыбы:

Бейнелеу өнерінің түрлері мен жанрларын

Сабақтың мақсаты:

а) Білімділік:                      Бейнелеу өнерінің түрлерімен және жанрларымен

оқушыларды жүйелі таныстыру.

ә) Дамытушылық:             Бейнелеу өнері жанрларына сурет салған суретшілердің

шығармаларын талдап үйрену.

б) Тәрбиелілік:                  Сурет салдыру арқылы оқушыларды тазалыққа,

ұқыптылыққа үйрету.

Құрал-жабдықтар, көрнекті құралдар:  Альбом, открытка, дидактикалық құралдар, қарындаш, фотоальбом, бояу, қылқалам, т. б.

Сабақтың өту барысы:

1. Ұйымдастыру кезеңі.

2. Үйге берілген тапсырманы тексеру.

3. Жаңа тақырыпты түсіндіру.

4. Тапсырмаларды орындау.

5. Сабақты бекіту.

6. Үйге тапсырма.

Сабақтың барысы:

Бейнелеу өнерінің тарихымен, сан-салалы тармақтарымен таныстыруда бейнелеу өнерінің түрлеріне тоқталудың орны ерекше. Атап айтқанда: графика, живопись, мүсін, сәндік қолданбалы өнер, сәулет өнері.

Графика – қағаз, картон бетіне қарындаш, қаламұш, көмір, тушь арқылы орындалатын сурет.

Живопись – қағаз, тақтай, картон, кенеп бетіне әр түрлі бояумен орындалатын шығарма.

Мүсін – әр түрлі материалдармен дөңгелек көлемді кеңістікте сомдалған көркем шығарма.

Сәндік қолданбалы өнер – халық тұрмысында кеңінен қолданылатын түр-түрі көп өнер. Әрбір халықтың творчествосымен байланысты өнер.

Сәулет өнері – үйлер, ғимараттар, көшелер жобалау және оны жасау өнері.

Бейнелеу өнері түрлеріне, орындалу тәсіліне байланысты бірнеше жанрға бөлінеді.

Натюрморт – жансыз заттар мен бұйымдар бейнеленген көркем шығарма.

Портрет – адаиның тұлғалық келбеті бейнеленген көркем туынды.

Пейзаж – табиғат көрінісі бейнеленген көркем шығарма.

Тарихи – белгілі оқиғалар мен белгілі кезеңді көркем бейнелеп көрсететін шығарма.

Батальды – соғыс оқиғалары бейнеленген көркем туынды.

Анималистік – хайуанаттар мен жан-жануарлар бейнеленген көркем сурет.

Мына өнер туындыларына қарашы. Суретшілердің туындыларын бейнелеу өнерінің түрлері мен жанрларына қарай, альбомда кесте құрып, бөліп жаз.

Үйге тапсырма беру: Жанрларға байланысты тақырып бойынша сурет сал.