Бейсен және Болмыс

Қазіргі қоғамда тұлғалық дамуға, рухани тереңдікке бет бұру маңызды. Осы тұста «Бейсен және Болмыс» кітабы – тек белгілі журналист Бейсен Құранбектің өмірі туралы емес, ол – адамгершілік, өмір мәні және рухани жауапкершілік туралы философиялық терең ойларға жетелейтін шығарма.

Бұл кітап жәй ғана өмірбаян емес-бұл оқырманды “Мен кіммін?” “Менің өмірлік мақсатым қандай?” деген сұрақтарға жауап іздеуге итермелейтін туынды.

Бейсен Құранбек - даналық пен парасаттылықтың символы болып мәңгі жүректе қалатын тұлға. Оның әрбір сөзі мен жасаған іс әрекеттері адамның түп санасын да мәңгі өшпесі сөзсіз. Оның болмысы тек журналистік қызметпен шектелмейді. Ол - рухани бай ұстаз, жетекші. Аз ғана ғұмырында осынша махаббат пен сыйластыққа ие болу Бейсен Құранбектің қолынан келді. Себебі, ол өмірдің мәнін табу арқылы жан жарасын емдейтін әдістер ұсынды. Ол өз өмірінде барлық нәрсені сөзбен емес,іспен дәлелдеген ұлы тұлға. 

Қоғамда болмысын жоғалтпаған адам – ең үлкен байлық. Сол байлықтың бірі – Бейсен аға еді. Ал енді оның артында қалған «болмыс» – біз үшін өнеге

Бейсен Құранбек-адамдарға көмектесуді өмірлік миссиясына айналдырды, және сол миссиясына жетті. Ал дәл осы “Бейсен және Болмыс” кітабы осы мақсатқа жету жолындағы атқарылған еңбекті көрсететін, 49 жыл ғұмырдың айнасы.