Берекелі Алтын Күз

С.Сейфуллин атындағы орта мектеп

Шағын орталық

Екінші кіші тобы

Тәрбиеші:Кансултанова.А.

2019-2020 оқу жылы

«Балауса» екінші кіші тобы ертеңгілігі

Тақырыбы: « Берекелі Алтын күз»

Мақсаты: Балалардың Алтын күз мерекесі туралы білімдерін толықтыру. Балалардың Алтын күздің неліктен тойланатынын түсіндіру. Алтын күзге арналған өлең,тақпақ,ойындар арқылы балалардың сөздік қорларын молайту. Мәнерлеп айтуға, актерлік шеберліктерін дамытуға және қостілділік компонент. Балаларға жүріп тұру мәдениетін үйрету. Балалардың шығармашылық қабілеттерін дамыту. Күзде болатын табиғат ерекшеліктерімен таныстыру. Балаларды алтын күзде киетін киімдер мен мерекелік безендірулер әдемілігі арқылы әсемдікке, әдемілікке тәрбиелеу.Көкөніс пен жемістерді ажырата білуге уйрету.

Зал әдемі безендірілген.(шарлар,гүлдер,плакаттар) Музыка ойнап тұр.Балалар әдемі киініп залға кіреді.

Тәрбиеші: Келді міне,Алтын куз

Сары шашты жарқын жуз

Мол өнімді ісімен,

Таңдандырып халқын куз.

Құрметті: Қонақтар ,Ата-аналар,Бүлдіршіндер

Алтын күз мерекесіне қош келдіңіздер!

Ел байлығын арттырған берекелі де мерекелі күз мерекесі құтты болсын! Сары алтындай сары күз себетке толы жемісін, қамбаға толы егінін сыйлайды.

Ендеше «Алтын күз» атты мерекелік ертеңгілігімізді бастаймыз.

Тәрбиеші: Балалар қонақтарға амандасып алайық.

Үлкенге де Сіз,

Кішіге де Сіз

Әдеппен иіліп

Бас иеміз Біз

- Сәлематсыздар ма!

- Здравствуйте!

Шылдыр-шылдыр шапалақ,

Мынау менің- қолдарым,

Мынау менің-жүрегім,

Сені жақсы көремін!

( Балалар қимыл әс-әрекет арқылы шаттық шеңберін жасайды)

Алма баққа барайық

Алма теріп алайық

Ең улкенін,дәмдісін

Анамызға сыйлайық

( қимыл іс-әрекет арқылы көрсетіп,аналарға алма апарып береді)

Тәрбиеші: Ендеше бүгінгі берекелі де ырысты алтын күз құрметіне

арналған ән-жырымызбен, тақпақтарымызды тарту етейік.

Сөзі: Бота Бейсенованікі.

Ән: « Күз тамаша»

Ахмад: Мен шиемін,шиемін.

Куннің көзін суйемін.

Қажеттімін адамға,

Оны жақсы білемін.

Айзере. Мен картоппын,картоппын

Бір қарасаң -доппын?!

Немен жесеңде жағам

Мені қоссаң тәтті болады тағам!

 
 
Ақерке: Мен қиярмын,қиярмын,

Салаттардың сәнімін.

Дәруменім мол менің,

Жегенге қуат сыйлаймын.

Аршат: Таңдандырар бәрін
                        асқабақпын дәмді .
Кептірілген дәнім

Таптырмайтын дәрі.

Аяна :       Өсіретін бойыңды

Дамытатын ойыңды,

Қоянғада азықпыз

Сәбіздерміз жазықсыз.
                       
                       
Фатима: Мен,өрікпін,өрікпін

Табиғатқа көрікпін.
                       
                       
    Анэль: Наступила осень

Пожелтел наш сад

Листья на березе

Золотом горят.

  Нұрислам : Қабат-қабат тоным бар,

Капустаңыз мен болам!

Әмина: Піскен кезде құлпынай

Қандай тәтті шіркін-ай!

Қарай бергің келеді

Дүркін,дүркін,дүркін-ай.

Айым: Иісім жұпар аңқыған

Бақшадағы шырынмын.

Жеп көргенде тамсанған,

Балдай тәтті қауынмын.

Нұрмухамед: Алтын,сары,қызыл,көк...

Алуан,алуан жапырақ!

Кузгі баққа кулімдеп,

Көз тартады атырап.

Зейнеп: Куннің нұрлы шуағы

Шұғыла боп шылады.

Шөлің әбден қанады

Көзің шайдай жанады.

Әдемі: Қып-қызыл боп қалғанда

Аузыңа салғанда,

Не жетеді шіркін-ай!.

Қызанаққа жалғанда.

Нұрхан: Жайдарлы күз,жомарт күз,

Аяулы күз,алтын күз.

Мадина: Ветер дует нам лицо

Закачалась деревцо

Ветер тише-тише

А дерево выше-выше.

Айзере. Кузім-ау,кузім-ау

Мінезің бұзық-ау,

Жаңбырың сіркіреп

Келгенің қызық-ау.

Адема: Мен алмұртпын,алмұртпын

Кузде жинап алатын.

Балбыраған біреуін,

Жесең тойып қалатын.

    

Тәрбиеші: - Ал, балалар мен сендерге жұмбақ жасырайын:

    Жиып-теріп болатын,
                         Қамбаға астық толатын.
                         Қызыл қырман ойнайтын,

- айтыңдаршы балалар
                          бұл қай кезде болады?

Балалардың жауабы( күз мезгілі)
-Дұрыс, күз мезгілі.

 -Ал, күз мезгілінде табиғатта қандай өзгерістер болады екен?
(күн салқын,жаңбырлы болады).
Өте жақсы. -Ендеше, ортаға қонағымыз Алтын күзді  шақырайық.
(музыка ойнап, ішке Алтын күз келіп кіреді).
Алтын күз: Сәлеметсіздер ме, балалар!
                    Сәлеметсіздерме ме, қонақтар!
                    Мен - Алтын күзбін!

Жайдары, жарқын жүзбін.
                    Қонаққа келдім сендерге.

Сәбіз, картоп, тәтті алма!
                    Оған достым таң қалма!

Жапырақ та сиқырлы,
                    Ойын ойнар түр-түрлі!
Тәрбиеші: Рахмет, саған Алтын күз!

 Отырыңыз жайғасып!

Ал, ендеше, балалар, бекер қарап тұрмаңдар.
Жапырақпен сиқырлы, ойынды тез ойнаңдар.

(Ойын «Кім тез жапырақтарды жинайды?»).

( балалар себетке жапырақтарды жинайды)
Алтын күз: Жарайсыңдар, балалар!
                                          Тағы қандай өнерлерің бар?
Тәрбиеші: Күзде өздері пісетін, тамаққа кеп түсетін
      Мақтанбақшы сендерге , көкөністер сан түрлі!
( Ортаға «көкөністер» шығып, өздері туралы тақпақтар оқиды).
Нұрмухамед:       Асханадан шықпаймын,
                Атым - пияз, бұқпаймын.
                Көзден жасты шығарам,
                Тұмаудан бірақ сақтаймын!

Әли:   Тал шыбығым бұралып,
                  Бақшаларда қызарып.
                  Тұрған ол мен- қызанақ,
                  Күнге қарап ұялып    
                     
 Інжу: Мен де бір сөз айтайын
Мақтанайын сіздерге.
Менсіз борщ болмайды
Винегрет те үстелде. (Қызылша)

Әли: Мақтанғаннан не пайда?
Менсіз дәмді щи қайда?
Мені қосса самсаға,
Бәрі жейді тамсана.
(Қырыққабат)

Нурикамал: Дәмі тілді үйірген,

Мен тұздалған күйімде

Жаңа піскен кезімде,

Жейді бәрі сүйсіне (Қияр)

Алтын күз:   Бәрекелді, керемет!
Тәрбиеші: Алтын күз, біздің балалар көкөністерді жемістерден қалай тез ажырата алатынын білесіз бе?
Алтын күз: Білмейді екем...
Тәрбиеші: Ендеше тамашалаңыз. ( Ойын  «Көкөністер мен жемістерді ажырат»).
Тәрбиеші: Жарайсыңдар, балалар! Көрдіңіз бе, Алтын күз, біздің балалар қандай епті, жылдам. Олар сізге жапырақтар биін билеп бермекші.
(Жапырақтар биі).
Алтын күз: Өте жақсы биледіңдер, рахмет, балалар! Қандай ақылды балаларсыңдар!
Көктемде көшет отырғызсаңдар, күзде жемісін жейсіңдер. Адам ағзасына қажетті дәрумендер жемістер мен көкөністерде көптеп табылады. Сондықтан да күнделікті жеп тұрыңдар.

Тәрбиеші:   Ән салыңдар күліңдер
                    Жайнап гүлдей жүріңдер
                    Күздің тойын тойлайық
                    Би билейік, ойнайық.

Кезекті әнге берейік Ән: «Балапан»

Тәрбиеші: Балалар, Алтын күзге рахмет айтайық! Келесі кездескенше аманшылық болсын! (Балалар Алтын күзбен қоштасады, музыка ойнап Алтын күз шығып кетеді).
Тәрбиеші: Алтын күздің сыйы- жемістерден қонақтарға дәм татқызайық.

Ал, келген қонақтарымызға « Сау болыңыздар!» дей отырып, күз берекелі, астықты болсын демекпіз.

Қазақша сценарий: Балабақша | Алтын күз

Тәрбиеші: Құрметті қонақтар! Балалар! Алтын күз мерекесіне қош келдіңіздер! Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды. Ендеше «Алтын күз» атты мерекелік іс-әрекетімізді бастаймыз. 1 бала: Берекесін сыйлауға, Өлкемізге күз келді. Жемістерін жинауға, Шақырады біздерді. 2 бала: Берекелі, мерекелі, Келді жомарт алтын күз, Қалада да, далада да, Жанның бәрі жарқын күз. 3 бала: Сау-сау етіп жапырақ Сабағынан үзілді. Қоңыр тартып атырып Көкке құстар тізілді. 4 бала: Жемісі мол теретін Күз дос екен бізбенен Бәрін тауып беретін Жомарт екен күз деген. Хор «Күз жомарт» Балалар мінеки күз мезгіліде келіп жетті. - Күз мезгіліне қандай айлар жатады? - Ауа райы қалай құбылады? - Күзде қандай құбылыстар болады? - Ал қазір күздің қай айы? - Қазір күздің екінші айы. Күтпеген сәт: Осы кезде ішке «Алтын күз» себетке салған жемістері бар.Билеп кіреді. Әндете жөнеледі. Алтын күз: Өрік, алша, Шие, алма, Жидек, жүзім піседі. Қауын, қарбыз Қияр, сәбіз Дүкендерге түседі. Балалар: - Күзде дейді. Алтын күз: Бұлттар төніп Жерге шөгіп Дымқыл тұман болады. Шөп сарғайып Өңі тайып Дала сұры қашады. Бой жаза алмай Ойнай алмай Денең мұздап тоңады Бөбектерім-ай тыңдаңдар Бұл қай кезде болады? Балалар: - Күзде. Алтын күз: Жарайсыңдар балдырғандарым менің өлең жұмбағымды бірден таптыңдар. Сендерге өз жемістерімді ала келдім! Рахмет, «Алтын күз» сіздің жемістеріңізбен ойын ойнайық, қазір ортаға бір баланы шығарып көзін таңамыз. Алдына жемістерді қоямыз, жемістерді сипап көріп пішініне қарай ажыратамыз. (қонақтар мен де ойнауға болады) Ойын: «Жемістер қандай пішінде» Тәрбиеші: Арпа, бидай ас екен Алтын күміс тас екен, демекші біздің балалар дақылдар туралы тақпақтарын айтады. Бидай: Нан атасы – бидаймын, Елге астық сыйлаймын. Дәнім толып піскенде, Қауызыма сыймаймын. Арпа: Күміс мұртты арпамын, Ырыс құтты арпамын. Еңбек етіп баптаған, Еліме сый тартамын. Тары: Ақ, қарамын, сарымын, Мен өнімді тарымын. Халқым еңбек сіңірсе, қайтарамын қарымын. Сұлы: Мен сұлымын ұланның, Тұлпарына ұнадым. Бастаған әр диқанға, Басымды иіп тұрамын. Күріш: Күнді сүйген күрішпін, Күллі жұртқа ырыспын. Алсын деп ел мол өнім, Ала жаздай су іштім. Тәрбиеші: Алтын сары, қызыл көк, Алуан-алуан жапырақ. Күзгі бақта күлімдеп, Көз тартады атырап. О алақай! Тамаша! Шашу шашты жапырақ. Бақтың іші алаша, Аунар ма еді жата қап. Би «Жапырақтар», ұлдар тобы Алтын күз: -Балақандарым сендерге тағы да жұмбақ жасырғым келіп тұр. Жұмбағым жыл құстары туралы. Күзде айналып өткен еді, Жылы жаққа кеткен еді. Көктемде қайта келеді. Әсім әнін айта келеді. (тырна) Көлдің көркі-еркесі, Қанаттары көрпесі. бойын күтіп баптайды, Ешкім оны атпайды. (аққу) Енді қонақтарға жұмбақ жасырайық: Қос жұдырықтай жүректі, Үй етіп, балапандарын түлетті. (қарлығаш) Көктемде ұшып келеді, Жаздай концерт береді. (бұлбұл) Тәрбиеші: Шыр-шыр еткен торғайды, Қорғамасақ болмайды Кіп-кішкентай торғайлар, Ағаштарды қорғайды Таспен атып торғайды, Ұя бұзған оңбайды Құс өкпелеп кетеді, Балабақшамызға қонбайды деп. Ән «Келіңдер торғайлар», Мақпал қызымыздың орындауында. Күз: Айналайын балаларым өнерлерің көп екен. Риза болып отырмын. Мен қайтатын кез болды. Аман есен болыңдар . Еңбек етіп, ойнап-күліп, шырқап әнге салыңдар. Әкелген жемістерін балаларға таратып береді. Балалар: Рахмет саған Алтын күз. -Қош, қош Алтын күз. Тәрбиеші: Балалар осымен біздің күз туралы мерекеміз аяқталды. Бәрің мерекеге жақсы қатыстыңдар.

Қазақша сценарий: Балабақша | Алтын күз

МКҚК «ЕрТарғын» балабақшасы « Алтын күз, әсем айналам, Еліне береке сыйлаған» Тобы: «Балдырған» Тәрбиеші: Ережепова Э. Жүргізуші: Қарсы алайық бәріміз, Жасымыз бен кәріміз. Қырдан кепті қыдырып, Алтын күзге бізге нұр төгіп. Тілегім аман болсын ел іргесі, Алтын күз қайта келді берекесі. Молшылықтың жаршысы бола білді, Алтын күз-ырыс,береке,бірлік ала келді. Армысыздар ағайын! Сәлеметсіздерме,қадірлі қонақтар! Бүгін біз жыл мезгіліндегі ең тамаша - «Алтын күз, әсем айналам, Еліне береке сыйлаған» атты ертеңгілігімізге қош келдіңіздер! Бұлттар төгіп жерге шөгіп, Дымқыл тұман басады, Шөп сарғайып,өңі тайып, Дала сұры қашады. Бой жаза алмай, ойнай алмай, Денең мұздап тоңады, Бөбектерім айтыңдаршы Бұл қай кезде болады? Жүргізуші: Ал, балалар,балалар, Енді бері қараңдар Бізге қонақ келмекші Сендерді бір көрмекші Әуелі жұмбақ жасырам Қулығымды асырам. Таба алсаңдар шешімін Қонағымды ортаға шақырамын. «Көк майсалы көрікті, алқаптағы көп егін Бұл күндері киіпті, сары жібек көйлегін»-Бұл не ,балақайлар? (Күз) Күз ханшайымы: Сәлем менің достарым, Өмірге көп қосқаным, Күз сыйлығын алыңдар Сыйлығына қаныңдар. Молшылыққа кенеліп, Шаттық әнге салыңдар. Жүргізуші: -Ал, балалар өнерімізді көрсетіп, мерекені тойлайық. 1. Қуандырып біздерді,кел жемісті алтын күз. Өлкемізге күз келді, кемелдейсін халқымыз. Ақпейіл Жеміс мол теретін, күз дос екен бізбенен Бәрін тауып беретін, жомарт екен күз деген. 2. Ақтарады мырза күз, уылжыған жемісті, Күзге бізде ризамыз, аянбаған ел үшін. Санжар Көбейді құт береке, астық толы қамбамыз, Құтты болсын мереке, алтын күзді тойлаймыз. 3. Қыстың жақын қалғанын, жапырақтар білгендей, Желмен ұшып барады, жерге қонып үлгермей Жапырақтар жамырап, сайға барып бекінді, Ақсезім Анасынан ажырап, қалған бала секілді. 4. Жатыр дала жалтылдап, жаз шуағы мол құйды, Күн астында алтын дән, тербеледі толқиды Димаш Көктемде егін егетін, күзде жиып беретін Біздің дала бай дала, астық толы айнала. 5. Алып келді мереке, астық жеміс береке, Батырлыққа жараса, көбейді той тамаша, Арнұр Ән салады өзен, тал құрақ, шашу болды жапырақ. 6. Берекесін сыйлауға, өлкемізге күз келді, Жемістерін жинауға, шақырады біздерді. Данияр Жүргізуші: Ән салыңдар күліңдер Жайнап гүлдей жүріңдер Күздің тойын тойлайық Би билейік, ойнайық. Ән: « Күзге сәлем» қабыл алыңыздар! Орындайтын хор. Күз ханшайымы: - Рахмет, балалар. Бүгінгі мерекеге өзімнің Қыркүйек, Қазан, Қараша атты ұлдарымды ертіп алып келдім. Ендігі кезекті ұлдарыма берейік. Қыркүйек: Бір-біріне жер аспан, мейіріммен қарасқан Ұстаз-шәкірт жүздескен, қош келіпсіз күз дескен Қадыржан Бірінші қыркүйек, білімге бастады Мал мен аң жүр билеп, құс шарлап аспанды. Қазан: Қазан айы болыпты, қамбаға астық толыпты Сары даланы сәндетіп, думандатып әндетіп Әкежан Жаңбырлы ғажап айы, бұл мен қазан айы. Қараша: Мол байлық тергені, шаттығы қаншалық Қараша өрледі, қараша ән салып Күн суытып барады, малдар қолға қарады Нұрасыл Қараша ауыл даламыз, қысқа дайын боламыз. Жүргізуші: Кездескен соң күзімен, Бұтағынан үзілді. Ай жапырақ-сары алтын Айналанын бәрі алтын. Кезегімізді әнге берейік. Шайкамал Маликаның орындауында «Жау-жау жаңбыр» әнің қабыл алыңыздар! Жүргізуші: Әсем әуен салдырған Сәбилер де алғыр жан Бал дәуреннің қызығын Есте қалар балдырған. Кезегімізді өлең шумақтарға берейік. 1.Алтын нұрдай тамшылап, жапырақтар төгілді Біздің өмір таң шуақ, біздің өмір көңілді Бақдаулет Біреу астық түсіріп, біреу бидай ұшырып, Жатқан мезгіл күз екен, алдым соны түсініп. 2. Күздің қазан айында, алма,алмұрт піседі Жапырақтар сарғайып, сыбдыр- сыбдыр етеді, Абылайхан Күн суытып, жапырақтар түседі. Астық жеміс жиылды, жомарт екен күз декен. 3. Сарғайды тоғай, сап-сары манай Соңғы әнің айтып, құс кетті қайтып Инабат Жапырақ ұшты, суық та түсті Сонда да бізге,қызық көп күзде. 4. Күн суытып келеді, жапырақтар түседі. Астық-жеміс жиылды,қамбамызға құйылды. Думан Ардақты күз –мың алғыс, алдық өнім сыйыңды. 5. Жаздай күткен бәріміз, Сары алтын,сары күз, алтын ұя бақшада, сабақ бастар шағымыз, көк аспаның мөлдіреп, алтын күнім елжіреп Қ.Дильназ асыр салып жүре бер, сары көйлегің желбіреп. Жүргізуші: Табиғат-Ана ғой.Тағдыр ғой күз деген. Тыныштық бұзылма, үмітті үзбеген. Азамат, Қайыржан, Бақдаулеттің орындауларында «Қыздар-ай»-әнің тамашалаңыздар. Жүргізуші: Күзде өздері пісетін, тамаққа кеп түсетін, Мақтанбақшы сіздергі, жемістер, көкөністер сан түрлі. Ортаға жемістер мен көкөністер, өздері туралы тақпақтар оқиды. 1. Асханадан шықпаймын, Атым пияз, бұқпаймын. Алихан Көзден жасты шығарам. Тұмаудан бірақ сақтаймын. 2. Тал шыбығым бұралып, Бақшаларда қызарып Тұрган ол мен қызанақ Диляра Күнге қарап ұялып. 3. Картоп біздің атымыз Жер астында жатырмыз Азамат Бір тамырдан тараған, Ағайынбыз бәріміз. 4. Өсіретін бойыңды Дамытатын ойыңды. Димаш Қоянға да азықпыз, Сәбіздерміз жазықсыз. 5. Пісіп тұрған алмамын, Тамсандырар бал дәмім Жерге сілкіп түсірме Ақерке Ісіп кетер маңдайым. 6. Жапырақты тасалап Өсетін жері бақша-бақ Күрең қызыл шіркін-ай Ақсезім Менің атым құлпынай. 7. Тіл үйірген алмұртпын Таңсығымын бар жұрттың Жақсы өсіре алмайды, Бақдаулет Қараса егер салғырт кім. 8. Мен моншақты шиемін Құмарсындар білемін Кетіп қалып жүрмесін Ақпейіл Тамағыңа сүйегім. 9. Дөп дөнгелек сап сары Ішінде бар дәні Қызығасын көріп Арайлым менің атым өрік. 10. Көктеп ерте шырмалып, Әсем мен бүр жарып Қайыржан Атым қияр теріп ал, Жиі-жиі су арып. Күз ханшайымы: --- Бәрекелді, керемет! Жүргізуші: Күз ханшайымы, біздің балалар көкөністерді жемістерден қалай тез ажырата алатынын білесізбе? Күз ханшайымы: Білмейді екем... Жүргізуші: Ендеше тамашалаңыз.(Ойын «Көкөністерді ажырат» ) Жүргізуші: --Жарайсыңдар, балалар! Көрдіңізбе, Күз ханшайымы, біздің балалар қандай епті,жылдам. Балалар өз тақпақтарын айтамыз дейді. 1. Өнім үйіп тастадық Оқуды да бастадық Дильназ Берекелі алтын күз, Ашық болсын аспаның. 2. Жетті желмен алтын күз, Жеміс жинау салтымыз Жиып-теріп болған соң Бекжан Той жасайды халқымыз, Мол өнімді жинаймыз Елге бәрін сыйлаймыз. 3. Көк майсалы көрікті, алқаптағы көпегін Бұл күндері киіпті , сары жібек көйлегін, Малика Ағаштардан жамырап, ұшты кенет жапырақ, Ой алақай тамаша, шашу шашты жапырақ. 4. Күн шуаққа маужырап, жатыр еді атырап, Ағаштардан жамырап, ұшты кенет жапырақ Әй алақай тамаша, шашу шашты жапырақ. Нұрдаулет Бақтың іші алаша, аунар ма едім жатып ап. 5. Соңғы шуақ төгіліп, салқынданып тұр аймақ, Ақ сәулеге шомылып, жапырақтар жүр ойнап. Ақерке Көктен көзін бір алмай, қызғылт тартты сары күз Жер қызығын қиялмай, маужырап тұр сары күз. 6. Шоғы толған гүлдей жайнап, шақырады жарқын жүз, Сайрандаған күліп ойнап, келді міне алтын күз, Жел тынымсыз гуілдеп, болып кетті тым бұзық. Алихан Шуылдайды тал терек, жапырағын жұлғызып. Жүргізуші: «Жомарт күз» әнің бүлдіршіндердің орындауында қабыл алыңыздар Жүргізуші: Бүлдіршінмен бәріміз, Отбасындай бір ұямыз Береміз ендеше Би өнеріне кезегін. Ортада бір топ бүлдіршіндерімізді қошеметтеп қарсы алайық. Жүргізуші: Келді міне алтын күз, сары шашты жарқын жүз. Мол өнімді ісімен, таңдандырып халқын күз. Бүлдіршіндеріміздің орындауында « Ақ бидай» әнің қабыл алыңыздар! Жүргізуші: Күз ханшайымы! Біздің қыздарымыз, аналары тіккен күздік киім үлгілерін көрсетпекші. Ендеше «Алтын күз-2013» топтамасын ортаға шақырамыз! Қарсы алыңыздар! Күз ханшайымы: Керемет! Қандай әдемі! Балалар, менің басқа балабақша бүлдіршіндеріне баратын уақытым болыпты. Мен енді кетейін, сау болып тұрыңдар! Келесі кездескенше аманшылық болсын! Жүргізуші: Күз ханшайымының сыйы-жемістерден дәм тататын кез келген сияқты, тобымызға баруға жиналайық. Құрметті қонақтар, ата-аналар бүгінгі «Алтын күз, әсем айналам, Еліне береке сыйлаған» -атты ертеңгілігімізді аяқтай отырып, күз берекелі, астықты болсын демекпіз. « Берекелі бақ дәулет, арта түссін тойланып Сау болыңдар қонақтар, келгенше жыл айналып.»

Дереккөзі: https://www.zharar.com/kz/scenarii/4807-altyn-mereke.html
© www.ZHARAR.com