Берекелі Бейнеу

Мақсаты:

1. Оқушыларға Отан, туған жеріміз - Маңғыстау туралы тереңірек түсінік бере отырып, бала бойында ұлттық рухты, патриоттық сезімді ұялату, өз Отанын, туған жерін сүюге, ұлтын жанындай сүйетін саналы, білімді, азамат қалыптастыру.

2. Оқушылардың сөйлеу мәдениетін, сын тұрғысынан ойлау, зерттеу дағдыларын, өз ойын ортаға салу дағдыларын жетілдіру.

3. Балалардың жеке басындағы патриоттық сезімді, отансүйгіштік қасиеттерді қалыптастыру;

Көрнекілігі: слайд, буклеттер, сурет көрмесі, бейнебаян, әуен.
Әдісі: көрсету, әңгімелеу, ой қозғау, ізденіс жұмысы.
Барысы: І. Маңғыстау облысы туралы жалпы мәліметі

ІІ. Бейнеу ауданының жалпы мәліметі
ІІІ. Географиясы
ІV. Халқы
V.Мен... атындағы көшеде тұрамын
VІ. Сурет көрмесі
VІІ. Қорытынды

І. Маңғыстау облысы туралы жалпы мәліметі .

Маңғыстау облысы —  1973 жылы 20 наурызда құрылды. 1988 жылдың

2 маусымында таратылып 1990 жылдың 17 тамызында тарихи "Маңғыстау" деген атпен қайта облыс болып құрылды. Облыс орталығы - Ақтау қаласы. Маңғыстау облысы – өнеркәсіптік  өңір, мұнда Қазақстан мұнайының 25% өндіріледі. Ақтау — Жетыбай — Өзен мұнай құбыры өтеді. Маңғыстау жері – тек қана мұнай мен ған емес, газдың фосфорит пен көмірдің, марганец пен ұлутастың аса бай мекені. Маңғыстау облысында Қазақстанның «теңіз қақпасы» - Ақтау халықаралық теңіз сауда порты орналасқан.

Маңғыстау жерінің тумасы жазушы Әбіш Кекілбайұлы Маңғыстауды "Ұйқыдағы аруға" теңеген. «Бағзы Маңғыстау өңірі – өзінің қасиетті топырағында ел бірлігінің туын көтеріп, дүлдүл шешендерді, суырып салма ақындарды, найза ұстап, түн ұйқысын төрт бөлген батырларды, от ауыз – орақ тілді көсемдерді, жезтаңдай әншілерді, таңды таңға қосқан жыршыларды, құдіретті күйшілерді өмірге келтірген өңір». Маңғыстау өңірі – Қазақстанның оңтүстік -батыс бөлігінде орналасқан. Маңғыстау облысы Атырау облысымен және Түркіменстан, Ресей Республикасымен және Каспий теңізі арқылы Әзірбайжан, Иран елдерімен шектеседі.

ІІ. Бейнеу ауданының жалпы мәліметі.Маңғыстау облысының солтүстік - шығысында орналасқан аудан. Бейнеу ауданының іргетасы 1963 жылы теміржолдың салынуына байланысты қалана бастаған. 1973 жылдан бері аудан орталығы. Елдің мекеннің аты осы өңірде мекендеп, бес құдығы болған орта ауқатты Намазұлы Бейнеу (1760 - 1830) деген кiсiнiң атына байланысты аталған. Әкесі Намаз – Адайдағы Атақозы батырдың iнiсi. Бейнеу ауданында теміржол және автомобиль жол қатынастары, сондай - ақ телекомуникация жүйесі мен байланыс торабы біркелкі дамыған.Бейнеу ауданына кіретін елді мекендер, ауылдар: Ақжігіт;Боранқұл, Есет, Ноғайты, Сам, Сарға, Сыңғырлау, Тәжен, Төлеп, Тұрыш.

Коммуналдық шаруашылық:Бейнеу селосында коммуналдық қызмет атқаратын «Бейнеусусервис», «Бейнеуэнергосервис», «КазТрансГаз Аймақ» АҚ филиалы, «Теміржолсу - Маңғыстау» ЖШС – гі, аудандық электр жүйесі мекемелері сумен, газбен, электр энергиясымен қамтамасыз етіп отырса, тазалық жұмыстарымен «Бейнеу мехтранссервис» ЖШС, «Қаратау», «Болат жол» ПИК мекемелері айналысады.
Мәдениет: Селода 1 кітапхана, 1 телестанция орталығы, 1мәдениет үйі, 1 поштажәне бірнеше пункт, 2 байланыс үйі, 2 ұялы телефон станциясы жұмыс жасайды. Тұрғындар теледидардан Хабар, Евразия, Қазақстан - 1 және спорт каналдарын көріп тамашалайды. 2011 жылдан бастап отандық «Отау ТВ» ақылы каналы қосылды.

Білім беру. Бейнеу ауданында 25 орта мектеп, атап айтатын болсақ:

Бейнеу селосында Бейнеу политехникалық және Бейнеу гуманитарлық колледждері және 20 балабақшалар бар.Биыл өзіміз білім алып жатқан «Күйкен орта мектебі»ММ-не 8 жыл болады. Осы уақытқа дейін алған жетістіктері ауыз толтырып айтарлықтай жетерлік. Ауданымыздың одан қала берді облысымыздың намысын қорғап талай додаларда алдыңғы қатардан көрініп келеді.
Денсаулық сақтау. Село тұрғындарына медициналық көмек көрсетумен аудандық орталық аурухана, туберкулез ауруханасы мен аудандық емхана және оның бөлімшелері қызмет көрсетеді. Бейнеу селосында 2012 жылы туберкулез ауруханасы мен перзентхана пайдалануға берілді.

ІІІ. Географиясы: Солтүстігінде Атырау облысының Жылыой ауданы, шығысында Ақтөбе облысының Байғанин ауданы, оңтүстік-шығысында Өзбекстанның Қарақалпақстан автономиялы республикасы, оңтүстігінде Маңғыстау ауданымен шектеседі.

ІV. Халқы:2015 жылдың 1 қаңтарына ауданның халық саны 62,5 мың адам, оның 30,179 ер адам 30,207 әйел адам.

V. Мен... атындағы көшеде тұрамын.Тапсырма. Оқушыларға өздері тұратын көше кімнің атында екенін, сол тұлға жайлы мәлімет жинап, дайындалып келу болған.
VІ. Жыр шашу. Әр оқушылар «Берекелі Бейнеу» тақырыбына өлең шығарады. Болмаса белгілі ақындардың Бейнеу туралы өлеңдерін оқиды.
VІІ. Сурет көрмесі. Бейнебаян
VІІІ. Қорытынды.
Тәуелсіз елім, тәуелсіз болсын жерім де,
Жарқырап көзін ай, жұлдыз күлсін көгіңде.
Ысырап емес, береке дарып Бейнеуге,
Төрт түлік малың жайылып жүрсін төріңде.
Киелі Маңғыстау жері туралы сыр шертетін болсақ бұған бір 35 минут түгіл 1 күнде аздық етер деп ойлаймын. Абыл, Нұрым, Сүгірлерден бастау алатын жыраулар мен 362 әулиемен жалғасын табатын киелі мекенді жырлауға 10 күнде жетпейді. Сөзімнің соңын: Қысылғанға дем, жабыққанға жар болған қасиетті Бекет ата рухы кім - кімді де қолдап, есін жиып, ел болу жолында келелі қаракеттерге қадам басқан отандастарын оң іске бағыттай берсін! Аллатағаланың назары түзу болып, Мәдинада - Мұхаммед, Түркістанда - Қожа Ахмет, Оғыландыда - Пір Бекет, Маңғыстаудың ойында - 360 әулие, Отпан тауда Адай - Ата желеп жебегей!