«Бидай мен жуаның өсуін бақылау»

Мақала

Балалармен бірге қысқа мерзімді бақылау жұмыстарын жүргіздік. Ондағы мақсатымыз балаларды диханшылардың көктем мезгіліндегі еңбегімен таныстыру. Нанның адам үшін маңыздылығы, нанның бидайдан жасалатынын, оның дастарханға үлкен еңбек нәтижесінде келетіні, бидайдың өсуі, нан пісіру кезеңдері, бидайдың құндылығы туралы түсінік беру;
Бақылағыштығын, қиялын, есте сақтау, шығармашылық қабілеттерін, ересектер басшылығымен әрекет ете білу іскерліктерін жетілдіру, тұзды қамырмен жұмыс жасау арқылы шығармашылық ой –қиялын дамыту;

Балалар,дастарханға келетін бір түйір нанға қаншама адамның маңдай тері сіңеді. Ерте көктем келісімен адамдар трактормен жер жыртып, тырмалап, жерге бидай дәнін себеді. Оны күтіп баптайды. Егін піскен кезде адамдар оны комбайнмен жинауға кіріседі. Күн демей, түн демей егін алқабында егін жинаумен болады. Жиналған бидайды орып, тазартып, көлікке  салып, диірменге апарады. Диірменде бидайдан ұн тартады, ұнның үш сорты болады. Ұнды қапқа салып, вагондарға тиеп, қалалар мен ауылдарға жібереді. Қапқа салынған ұн наубайханаларға апарылады. Наубайханада ұнның әр сортынан нан түрлері пісіріп, оны дүкендерге, балабақшаларға жібереді.) Ббалалар күнделікті жеп жүрген нанымыз осындай ұзақ та қиын жолдан өтіп, біздің диқаншыларға, наубайшыларға, біздің дастарханымызға келетінін түсіндіру.

Халқымызда нанға байланысты әртүрлі тыйым сөздер бар:

1.Нанды бір қолыңмен үзбе!
2. Нанды жерге тастама!
3. Нанды текке лақтырма!

4. Нанды төңкеріп қоюға болмайды.                 

5. Нанды аяқ астына тастама.

Бұл бақылау жұмысын 2 ай уақыт аралығында жүргіздік. Балалар бидайдың қалай өсуін қызыға бақылап, күнделікті күтімдерін өздері жасап отырды. Балалардың қызығушылығын арттыру мақсатында бидайды ағаш үгінділерін капронға салып, ерекше формаға келтіріп отырғыздық.