Биік ғимарат 4-сынып т2

Сабақтың тақырыбы: Биік ғимарат.

Сабақтың мақсаты: Астана қаласындағы биік ғимараттар туралы ақпарат беру, олардың

қашан салынғанын, олардың биіктігі қанша метр екенін айта алуға үйрету.

Күтілетін нәтиже:

Пәндік: Астана қаласындағы әдемі әрі биік ғимараттар туралы айта алу.

Тұлғалық: Елордамыздағы көрікті жерлерді тамашалай білуге қызығушылық таныту.

Жүйелік-әрекеттік: сабақ барысында меңгерген белсенді сөздік қор мен қарапайым үлгі құрылымдарды өзіне таныс өмірлік жағдаяттарда орынды қолдана алу.

Сабақ барысы:

І. Ұйымдастыру кезеңі

Күндей нұрланып

Айдай арайлап

Жұлдыздай жарқырап

Судай таза көңілмен

Бүгінгі сабағымызды бастайық

Балалар біздің бүгінгі сабағымызға қонақтар келіп отыр. Қонақтармен амандасып. Бүгінгі сабағымызды жақсы тілектерден бастайық.

Ол үшін келіңдер шаттық шеңберіне тұра қойыңдар.

Регина мен саған табыс, шығармашылық тілеймін. Шамиль мен саған шыдамдылық, жақсылық тілеймін. Роза апай мен сізге мейрімділік, табыс тілеймін. Рахмет, Шамиль!. Орындарыңа отырындар.

Ал енді менің сұрақтарыма жауап беріңдер.

-Жылдың қай мезгілі?

-Қазір қыс.

-Қыс айларын аташы?

-Қыс айлары:наурыз ,сәуір, мамыр.

-Қыста ауа-райы қандай болады?

-Қыста суық болады, қар жауады

жылы жаққа құстар ұшып кетеді.

-Қыста қандай мерекелерді тойлаймыз?

-Қыста жаңа жыл мерекесін тойлаймыз

Біз қайда тұрамыз?

Біз Қазақстанда тұрамыз.

Қазақстанның астанасы қай қала?

Қазақстанның астанасы Астана қаласы.

Астана қандай қала?

Астана үлкен, әдемі, жас қала.

Ол қай жерде орналасқан.

Ол Есіл өзенінің бойында орналасқан.

ІІ. Өткен сабақ пен жаңа сабақты сабақтастыру

Жарайсыңдар балалар ал ендеше мына сөзжұмбақты шешіп көрейік.

Жарайсыңдар балалар. Ал ендеше қарайық сөзжұмбақты шешкенде шыққан сөзді оқыңдар. Ендеше біздің бүгінгі сабағымыздың тақырыбы «Биік ғимараттар».

Біз сендермен бүгін Астана қаласындағы биік ғимараттар туралы айтамыз.

Олардың қай жылы салынғаны туралы білеміз.

ІІІ. Жаңа сабақ

І. Оқушыларға призентация көрсету. Астана қаласындағы биік ғимараттар туралы слайттар көрсету, әңгімелеу

ІІ. Қазір біз сендермен мәтінмен жұмыс істейміз. Мәтінді мәнерлеп оқимыз . Мәтінді орыс тіліне аударамыз.Мәтінге ат қоямыз.

Мынау Қазақстанның елордасы Астана қаласы. Астана қаласы Есіл өзенінің бойында орналасқан. Астана әдемі, үлкен, жас қала. Астанада әдемі, биік ғимараттар көп. Олар «Бәйтерек», «Ханшатыр», «Пирамида», «Ақ Орда». Мынау – «Астана-Бәйтерек» монументі. «Астана-Бәйтерек» - биік ғимарат.Оның биіктігі – 97 метр. Ол 2002 жылы салынды. Мынау Бейбітшілік және келісім сарайы. Ол 2006 жылы салынды. Оның биіктігі 62 метр. Мынау «Ханшатыр». Ол 2010 жылы салынды. Оның биіктігі 150 метр. Мынау «Ақ Орда». Ол 2004 жылы салынды. Оның биіктігі 80 метр.

ІІІ.Дәптерімізді ашайық. Бүгінгі күнді жазайық.

Көп нүктенің орнына керекті сөздерді қойып дәптерге жаз. Керекті сөздер

( қаласы, әдемі, биіктігі, Отаным, биік)

Менің ............... Қазақстан. Қазақстанның астанасы Астана .......... . Астанада .......... ғимараттар көп.Астана - ........ қала. Ханшатырдың ............... 150 метр.

Сергіту сәті

ІV. Оқулықтарыңның 66 бетін ашыңдар. 6 тапсырманы оқимыз. Бәйтерек туралы жазылған үлгі бойынша «Ханшатыр», «Пирамида», «Ақ Орда» туралы ауызша айтқызу.

V. Карточка таратып жүппен жұмыс істеу. Көп нүктенің орнына сан есімдерді жазыңдар. Сан есімді естеріне түсіріп.

Сан есімнің түрін анықтап дәлелдеу.

1. Мынау – «Астана-Бәйтерек» монументі. «Астана-Бәйтерек» - биік ғимарат.Оның биіктігі – ....... метр. Ол ..... жылы салынды. Мынау Бейбітшілік және келісім сарайы. Ол ...... жылы салынды. Оның биіктігі ....... метр.

2. Мынау «Ханшатыр». Ол ...... жылы салынды. Оның биіктігі ...... метр. Мынау «Ақ Орда». Ол ....... жылы салынды. Оның биіктігі ......метр.

Қазір біз сендермен «Қатені қағып ал» ойынын ойнаймыз.

Тақтаға «Бәйтерек», «Ханшатыр», «Пирамида», «Ақ Орда» суреттері ілінеді олардың астына орындары ауыстырылып жылдары мен биіктігі жазылған сандар ілінеді. Оқушылар мұқият қарап қателерді дұрыстауы керек.

ІV. Жаңа сабақты қорытындылау

Оқушылар арасында жағымды психологиялық жағдай қалыптастыра отырып, сабақты аяқтау.Балалар біз сендермен бүгін сабақта көп нәрсені еске түсірдік және Астана қаласындағы биік ғимараттар туралы білдік.

Жақсы, ендеше тақтаға қарайық.

-Мынау ненің суреті?

-Бұл таудың суреті.

-Дұрыс айтасыңдар .

-Кім айтады Алматының мақтанышы не?

-Алматының мақтанышы Алатау.

-Дұрыс айтасыңдар Алатау.

-Ендеше мынау Алатау. Мына жалаушаларды алып сабақта қаншалықты жетістікке жеткендеріңді анықтаңдар. Ол үшін жалаушаларды тау шыңына орнатуларың керек.

Жақсы орындарыңа отырыңдар.Күнделіктеріңді ашып үйге тапсырма жазыңдар.

Үйге «Астана әсем қала» атты шағын шығарма жазып келу.

Баға қою