Шеберлік сыныбы

Тақырыбы:

Білікті маман-ел ертеңі.

Сілтеме:

Үлестірмелі материалдар, слайдтар.

Мақсаты:

Жаңартылған білім беру мазмұнындағы тиімді әдіс-тәсілдер туралы түсінік беру. Мұғалімдердің жаңа әдіс-тәсілдерді меңгеруіне ықпал ету, жаңалыққа құштарлығын ояту. Өзінің тәжірбиесі туралы ойлану.

Оқыту нәтижесі:

Мұғалімдер түрлі қолжетімді ресурстар арқылы тиімді әдіс-тәсілдермен таныса отырып, тәжірибелерінде қолданады.

Негізгі (түйінді)

идеялар:

Жаңартылған білім беру мазмұнындағы тиімді әдіс-тәсілдердің нәтижелілігін анықтау

Бағалау критерийлері

Дескриптор Білім алушы

*Жаңартылған білім беру мазмұнындағы әдіс-тәсілді меңгеру

*Меңгерілген әдіс-тәсілді қай пәнге, қай кезеңде іске асыру тиімділігін анықтау

Тапсырмалар:

Сабақтың өту барысы:

Психологиялық атмосфера құру

Топқа бөлу

Тапсырманың сипаты

Берілген тапсырманы

орындаудағы

қолданылған тәсілдер

1.Тренинг: « Атомдар және молекулалар»

Мұғалімдер араласып жүреді.Мұғалім "атомдар" деген кезде ойыншылар жеке дара жүреді де, " молекулалар бесеуден" немесе молекулалар, үшеуден деген кезде, бес н/е 3 адамнан тез арада топтасады.Кім топқа қосыла алмай қалса, айып төлейді: өз өнерін көрсетеді, н/е көпшіліктің тілегін орындайды.

«Атомдар және молекулалар» әдісі сабақтың қандай кезеңінде тиімді.

"Ой жалғау" әдісі

Мұғалім мәтінді жартылай оқиды, ары қарай 1 топқа көңілді, 2 топқа қайғылы, 3 топқа, күлкілі, 4 топқа- ренішті түрде жалғастыруға тапсырма беріледі. Белгілі бір уақыт беріледі. Ойланады, талқылайды, айтады.

Көктем

Көктем табиғаттың жаңарып, түлейтін кезеңі. Көктемнің басында күн қызуы бірден бірге күшейіп, жылылық ұлғайып, қар жамылғысы еріп, жануарлар мен өсімдіктер дүниесі қайта түлеп бүр жарады. ауаның орташа тәуліктік температурасы 0 тан жоғары көтерілген кезден басталады деп есептеледі.

Олай болса, бүгінгі біздің шебер сыныбымыз «Білікті маман- ел ертеңі».

Шебер сағатына мақсат қойыңыздар

Біздің мақсатымыз:

Осы тақырыпқа дескриптор құрыңыздар

Дескриптор: Білім алушы

*Жаңартылған білім беру мазмұнындағы әдіс-тәсілді меңгеру

*Меңгерілген әдіс-тәсілді қай пәнге, қай кезеңде іске асыру тиімділігін анықтау

ІІ. Мәтінді барлық топтарға тарату

Баяғы заманда бай мен кедей көрші өмір сүріпті. Олардың араздығы сондай, бірін-бірі көргісі келмейді екен. Байдың үйі кең әдемі болыпты. Іші толған-алтын мен күміс. Ал кедейдің үйі ағаштан жасалған, төбесін бұтамен жапқан қора екен. Алтын мен күміс түгілі нанын әзер тауып жепті. Егін егіп, оны суарып, күтіп, орып, өз күнін өзі көріпті. Бір жылы көктемде алапат, су тасқыны болады. Бай алтынын көтеріп ағаштың басына шығып кетеді. Ал кедей болса, бір көмеш нанын қойнына салып, ол да ағаштың басына көтеріледі. Су тасқыны он бес күнге созылады. Қарны ашқан бай кедейге:-Әй, кедей, сен мына бір кесек алтынды ал да, маған бір үзім нан бер,-дейді. –Жоқ, алтының өзіңе, нан бере алмаймын,-деп жауап береді кедей. Екінші күні бай кедейден тағы да нан сұрайды. –Алтынымның жартысын берейін,-дейді ол бұл жолы. –Жоқ, бере алмаймын,-деп бұл жолы да келіспейді. Ақыры, аштан өліп бара жатқан соң шыдамай, бай бір үзім нанға барлық алтынын айырбастайтынын айтады. Кедей бәрібір көнбейді. Бойынан күші кеткен бай басы айналып, суға құлап кетеді. Ал, келесі күні су тоқтап, кедей ағаштың басынан түседі.

Халықтың: «Алтын, күміс-тас екен, арпа, бидай-ас екен» дейтіні осыған орай айтылған екен.

Топқа тапсырма:

1 топ: Мәтінді рөлге бөліп сахналайсыздар.

2-топ:Мәтінді ым-ишара яғни мимика арқылы көрсетесіздер.

3-топ: Инструменттер арқылы оқиғаны көрсетесіздер.

4 топ:Бұл әдіс қай пәнге тиімді?

Сабақтың қай кезеңінде тиімді?

Рефлексия:"Өрмекшінің сұлбасы"

Өрмекшінің сұлбасын сала отырып, басына тақырыпты, денесіне өзекті ойларды, аяқтарына тірек сөздер арқылы шешу жолдарын жазып, өз ойларын тиянақтап, пысықтайды.

"Еңбек ағашы " страгегиясы

Қазір сіздерге төрт түрлі қағаз қиындысы таратылып беріледі. Сол қағазға өз ойларыңызды жазып әрқайсысыңыз өз орнына ілесіздер. 
- бұталарға- мұғалім қандай болу керек? 
- Жапырақтарға- мұғалімнің түпкі мақсат-мұраты 
- Гүлдер- мұғалім еңбегінің нәтижесі 
- Жемістер- шәкірт қандай болу керек? 
мұғалім сөзі: Міне , сіздер «Еңбек ағашын» құрастырып шығардыңыздар. Сіздің еңбектеріңіздің жемісі осы емеспе?

«Атомдар, молекулалар»

Шапан, тақия, сандық, нан, 2 ағаштың суреті, көк лента

Инструменттер:бутылка, қорап, қалам, түрлі түсті қағаз