Түркістан облысы, Жетісай ауданы, Асықата кенті

«№11 «Жеңіс» мектеп-гимназия» КММ

педагог-психологы

Нуридинова Рауабану Абытқызы

Білім – болашаққа салынған инвестиция

Тақырыбы: Білім – болашаққа салынған инвестиция.

Мақсаты: Оқушыларға білімнің өмірдегі маңыздылығын түсіндіру. Сыни тұрғыда ойлау және өз пікірін дәлелді айту дағдыларын дамыту. Оқу мотивациясын арттыру. Топтық жұмыс арқылы коммуникация және өзара құрметті нығайту.

Сабақ түрі: психологиялық тренинг

Көрнекілігі: слайд, қималар, маркер, плакат, бейнелі суреттер, су, құрғақ майлықтар.

Барысы:

1.Ұйымдастыру кезеңі.

«Көңіл күй термометрі» психологиялық ахуал қалыптастыру мақсатында экранға термометр бейнесіұсынылады, оқушылар өздерінің көңіл күйлерін баяндайды.

2.Қызығушылықты ояту.

Мотивациялық оқиға.

«Өмірде көптеген адамдар жетістікке бірден жетпейді. Мысалы, әйгілі ғалым Томас Эдисонды алайық. Ол шамды ойлап табу үшін мыңдаған эксперимент жасады. Жаңа материалдарды сынап көріп, көптеген сәтсіздіктерге ұшырады. Бірақ Эдисон әр сәтсіздікті тоқтау деп емес, жаңа білім деп қабылдады. Ол былай деген: «Мен сәтсіздікке ұшыраған жоқпын, мен жұмыс істемейтін 1000 әдісті таптым». Осының арқасында ол әлемге шамды әкелді. Сол сияқты, білімге ұмтылған адам да қиындыққа қарамастан, үнемі ізденіп, биікке көтеріледі.

Визуалды ынталандыру. Экранда тауға өрмелеп бара жатқан адам немесе шамды ұстаған Эдисонның суретін көрсетіп: «Бұл сурет сіздерге қандай ой береді?»

«Судағы сиқыр» мотивациялық сәт.

ҰБТ-ге қатысты позитивті сөздер ұсынылады.

3. Инвестиция мағынасын ашу.

Инвестиция – бұл болашақта пайда, табыс немесе нәтиже алу үшін бүгін салынған ресурс. Яғни, қазір уақытыңды, ақшаңды, күшіңді немесе біліміңді жұмсап, ертең соның жемісін көру – инвестиция болады.

? Ақша арқылы: Бизнеске ақша салдың → кейін табыс таптың → бұл қаржылық инвестиция.

? Білім арқылы: Қазір жақсы оқыдың → мамандық алдың → жақсы жұмысқа тұрдың → бұл білімге салынған инвестиция.

4. «Визиткалық карта» жаттығуы.

Оқушыларға визиткалық карта толтыру үлгісі түсіндіріледі, өз ойларымен бөліседі.

5. «Түрлі түсті мәтін» сергіту жаттығуы.

6. Қорытынды.

Табысты адам — ең алдымен өзіне сенетін адам.

Әр күн – жаңа мүмкіндік!

Білім – табысқа апарар ең сенімді жол!