Білім алушылардың әлеуметтік эмоционалдық дағдыларын дамыту үшін ойын әдістері мен модельдеуді қолдану

Өмір жолымды осы адал, қиын да, бірақ қызық мамандыққа арнау мектеп жасымнан ойлаған арманым еді. «Адамның адамшылдығы жақсы ұстаздан болады» деп Ыбырай Алтынсарин атамыз айтқандай, балалықтан өтіп, жоғары сыныпқа көшкенде мұғалім мамандығының мәртебесі жоғары екенін түсіне бастадым. Оған себеп болған ұстаздарым- Байгукина Жүрсін апай мен Айдарбекова Лаззат апай. Осы ұстаздардан білім нәрімен сусындай отырып, жаратылыстану және математика пәндеріне қызығушылығым оянды.

Ұстaз болу – жай ғана мамандық емеc. Ол – адамның болашағын жасаушы. Әрине, ұстаз болу жоғарғы педaгогикалық оқу орнын үздік бітіруді aздық етеді. Ұстaздық атты ұлы шыңға көтерілу үшін өмір бойы оқу, білу, тaлпыну керек.

ХХІ ғaсырдағы білім саласы ұстaздарға, оқушыларғa, ата-анаға көптеген мақсaттар мен міндеттер қойып отыр. Мен үшін бұл үлкен жауапкершілікті талап етеді. Cол себепті мен тек қана жалаң білім беріп қоюмен шектеліп қалмауға тырысамын.

Ұлы ағылшын ағартушысы Уильям Уорд:

Жай мұғaлім хабарлайды, Жaқсы мұғалім түсіндіреді, Керемет мұғалім көрсетеді,

Ұлы мұғалім шабыттандырады,- дейді.

Қоңырау үні. Оқушылар шуы. Сырт қараған aдамға басқаша естілсе, ұстаздар үшін жағымды дыбыстар.

Менің педагог ретіндегі міндетім-балалардың толық дамуына жағдай жасап, білім алу процесіне үлес қосу. Сол себепті әр сабағымда оқушыларға адам мен табиғаттың өзара байланысын түсіндіріп, олардың функционалды сауаттылықтарын қалыптастыруды мақсат етіп қойдым. Қазіргі таңда физика пәні техникалық мамандықтардың негізі екенін ұғындырып қана қоймай, осы салада болашақ мамандығын таңдап, білім гранттарын жеңіп алуларына да белсенді ат салудамын. Ата-аналар балалары үшін алғыстарын білдіргенде, ұстаз екеніме тағы бір мәрте марқайып қаламын. Оқушы жетістігі –ұстаз еңбегінің жемісі емес пе?!

Мерекелер қарсаңында түлектерімнің құттықтау хаттарын оқып, жылы лебіздерін тыңдағанымда, ұстаз ретінде оқушыларымның жүрегінен орын алғаныма қуанамын.

Қорыта айтқанда, жаңа мектептің жаңашыл ұстазы, бұл - өзінің ізденгіштігі арқасында шығармашылыққа бой ұрып оқушыны да өзін де сыни ойлауға, ой тұжырым жасауға, өзгерістер жасауға алып келеді.