"Білім кілті- кітапхана. Кітапханаға саяхат жасау.

"Білім кілті- кітапхана. Кітапханаға саяхат жасау"
Мақсаты: 
1. Кітапхана өмірімен таныстыру. 
2. Білім кітап арқылы берілетіндігін ұғындыру. 
3. Кітапқа деген қызығушылықты арттыру, оны күтіп ұстауға үйрету ,оқушыларға кітап оқу арқылы білім берілетінін түсіндіру, бос уақытын кітап оқуға сонымен қатар шығармашылыққа, ұқыптылыққа, ойлау қабілетін арттыруға ықпал ету.

«Кітап – ақылды қуаттандыратын құрал» демекші, ілім-білімнің сарқылмас қазынасын кітаптан алатынымыз рас. 
Мектеп тәлімгері Елтаева Аиданың тапсырмасымен,2 д сынып жетекшісі Мадиева Мөлдірдің және кітапханашылар Юсупова Әсем мен Сейтен Салтанаттың ұйымдастыруымен:«Кітапханада өткен бір күнім» атты сабақ өткізілді. Адам түрлі жаңалықтарды оқу арқылы білім, ғылым және өнер саласының құндылықтарын біліп, қыр-сырын танып, адами тұрғыдан толық жетіліп, кемелденеді. Оған бірден-бір апаратын жол ол – кітапхана. Бүгінгі сабақта оқушылар «Сиқырлы сандар» бойынша ертегілерді таңдап алып,өз оқығандарын,түсінгендерін ортаға салып, мәнерлеп оқып,түсініктерін айтты.Сонымен қатар Әсем Юсупова кітапханадағы кітаптар қорымен таныстырып,« Адамзат баласының қол жеткізген ұлы игіліктерінің бірі – білім қазынасы. Ал білім сипаты алуан түрлі. Ол ұрпақтан – ұрпаққа ауызша, жазбаша түрде немесе көркем әдебиет арқылы да жеткен. Кітап адам баласының сан ғасырлық ақыл – ойының жемісі, тарихы мен тағылымының алтын сандығы. «Кітап дегеніміз – алдыңғы ұрпақтың артқы ұрпаққа қалдырған рухани өсиеті,еліміздің болашағы сендерсіңдер»-деп бүгінгі сабақты қорытындылады.